ماذا تفعلين إذا قال لك البائع اخرجي برى يا إرهابية ! ( مقطع فيديو )

والله صارت لعمتي
كانت في أمريكا قبل فتره وزوجها خلاها تلبس نظاره سوداء كبيره زي حقت جبنة المثلثات
اللي لابستها البقره ههههههههههه من شدة كبرها
المهم شافتها حرمه كبيره امريكيه وتعجبت وخااافت وصرخت
أخذها زوج عمتي على جنب وخلى عمتي تكشف قدامها قالت وااااو فري بيوتيفول خخخخ
قال زوج عمتي لها طيب عشان كذا زوجتي ماتبغى أحد يشوف جمالها مو اي أحد
وان الاسلام شرف المرأه بهالشي انو حجابها لمصلحتها

بس الصراحه لو صار لي زي الموقف هذا بالزبط أحد حأخرج أبكي
وأتوب أخرج لوحدي أو اني أتعامل مع البائع

اقول احنا المسلمين ليش خوافين مره
ياناس ليش تخافون منهم
ترى هم مررررررره خوافين وزي ماقال واحد من الاخوان
ترى عنصريتنا بالسعودية اكثر منهم
لا وناقلين العنصرية في بلاد الابتعاث
لدرجة مره
شفت ثنتين تهاوشوا وضحكت
كل وحدة تعاير الثانية
بالفاظ تضحك بصراحة يعني كبار وحريم وبعضهم امهات

ماتشوف الا يالبدو والا ياطرش البحر
وياصفر سبعة وقصمنجي

تخيلو حتى في بعض النوادي

يسوون تجمعات خاصة كل واحد وديرته اللي هو منها واستغربت بصراحة
ووحدة مسكتني تقول ليش تتعرفين على مصرية ولاسورية وغيرها الله هم مسلمين مثلنا مثلهم

تقول لا عاداتهم غير طيب وش دخل عاداتنا بالمعاملة الحسنة


وباقولكم قصة مااكذب فيها عليكم
كنت ادرس في معهد معاي طالبات سعوديات وطالبات من جنسيات ثانية

تخيلو واقفين كلنا سوا
جت وحدة صافحت الجميع الا البنت اللي ماهي سعودية انتبهت واستغربت لفيت اشوف وجه هالبنت مسكينة صار كله الوان

ومن بعدها قالت لي ليش تتعاملون معانا بكبر انا مو مسلمة



سكت واعتذرت بالله وش ارد بموقف زي كذا


ومره من المرات
قابلني طالب معي يدرس بالجامعه قالي انتي من الامارات قلت لا انا سعودية
فقام قال اه انتو منطقتكم فيها عنصرية مره كثير قلت ايش
قال انا عشت هناك
ماينادوني الا ياهندي ياهمار!

شفتوا كيف تصرفات بعضنا وش سون بسمعتنا


فلاتخافون ابد ترى ماعندهم العنصرية اللي عندنا

وبكره اذا الله احياكم بتجون لهالديار وبتشوفون الفرق

ولاتتعبكم كثرة هالافلام

خلوكم واثقين يانفسكم وبس


سامحوني على الاطالة بس حبيت اقنعكم واقولكم على مواقف صارت لي او صارت قدامي


بالتوفيق