ضيف كويتي و مالنا غنى عن اخواننا السعوديين (ماجستير هندسه مدنيه)

MIT (Massachusetts Institute of Technology)
http://www.mit.edu/

University of Illinois at Urbana-Champaign

http://illinois.edu/

university of california at berkeley
http://berkeley.edu/

هذي الجامعات فيها تخصص هندسه مدنييه..

وشوف الولايه الزينه اللي تعجبك من هالثلاث قرر وروح يالغالي

اللي ذكرتهن افضل جامعات امريكا في تخصص الهندسه المدنيه

انا ادرس بأي جامعه بس يكون في طلبه درسوا نفس التخصص قبلي عشان اعرف نظام الجامعه والمواد

انا طحت بنفس المشكله لما كنت ادرس بكالوريوس في بريطانيا
مالقيت احد ( عربي) يدرس معاي او درس قبلي
وصراحه عانيت لما استوعبت النظام والمنهج وطريقة التدريس
لكن الحمدلله اخذت جيد جدا
فماودي اطيح بنفس المشكله
ودي في طالب يدرس الحين التخصص عشان استفسر عن المنهج واسلوب التدريس و الجامعه

الضيف عند مضيفه لين يقضي حاجته

هلا والله

أنا نفس الموضوع ابحث عن جامعه ماستر هندسه مدنيه

بس الولايات اللي اذكروها الشباب بالنسبه لي غاليه جدا

أولا ايش ناوي تخصص بعدين ابحث

وان شاء الله بنتعاون بس انا لسا بادئ في البحث عن الجامعات

ومقتنع في كم ولايه مثل أوهايو و فيرجينا وفلوريدا والينويز ونورث كارولينا

هذول الولايات من ناحية غلاء المعيشه والراحه والنفسيه والجامعات

شوف جامعات أكرون في أوهايو أعتقد فيها طلاب ماستر مدنيه سعوديين

والله يكتب اللي فيه الخير للجميع يارب

هلا فيك
شي جميل القى واحد نفسي يبحث في التخصص
انا اقرب شي لي structure او طرق وجسور ومافي مشكله اي تخصص اخر الا الهيدروليك
ولاية ميتشيقان رخيصه وجامعة ويسترن ميتشيقان ماتطلب gre
فلوريدا فيها جامعه central florida university موادها كويسه وعميدها عربي
جامعة ويست فرجينيا معقوله
الباقي اللي ذكرتهم انت ماعرف شي عنهم
وانا ناطر اخونا الوافي يبلغنا عن صاحبه

وين راحوا الشباب؟
ماجستيرررر هندسههههه مدنيييييه مافي احد يدرسها؟معقوله

استاااذي

في مدينة منسي جامعة بول استيت ولاية اندياانا

قوية جدااا في الهندسة المعمارية بس لااعلم عن باقي تخصصااات الهندسة بما ان للغتك جيدة تصفح موقعهم

والكثير من الطلبه يمدحون فيهاااا حيل

رخيصة وهادئة وصغيرة وتبعد عن العاصمة انديانا بولس ساعة الا ربع عيبهااا الوحيد البرد في فصل الشتاء لكن على كلام بوغلا الناس عايشه فبهااا ومتأقلمين

واذا تبي اي معلوماات عنهااا يمديك التواصل مع بوغلا احد الاعضاء في مبتعث

مدح فيهااا واعطاء صورة ممتازة فاصبحت حاليااا مليانه سعودين

والله يوفقك ويكتب لك كل خير

تحيااااتي

مشكوره اختى الفاضله

راح ادخل موقع الجامعه واشوف

وبسال ابو غلا يمكن يعرف ناس يدرسون فيها الحين

أفا عليك يافهد لاتقول ضيف كويتي..

أنت ولد البلد وهذا منتداك وأحنا أخوان كلنا وهاالمنتدى تجمع لكل الخليجين

أنا بس حبيت أرحب فيك وأقول هلا باأعمامنا وتاج روسنا.

دمت بحب..

الاخ فهد.. السلام عليكم.. هذا حق وواجب وانا اخوك لاتشكرني.. انا سالت خويي وعنده بعد ثلاث من اخوياه متخرجين قبل سنه . زي ماقلت لك رئيس القسم بروفيسور اردني متخرج من الكويت اسمه اسامه ابو ديه.. محترم ومتواضع ويفزع مع العرب ويساعدهم.. بالنسبه للدراسه يقولك ان اهم شي الواجبات(homework) وبالنسبه للصعوبه يقولون ماعليك الدكاتره مايخلونك .. يقعدون معك ويفهمونك ويساعدونك مايطلعونك الا وانت فاهم لا تشيل هم.. \
اما بالنسبه للمدينه .. اسمها kalamazoo في ولاية ميتشيغان.. مدينه هاديه ومريحه نفسيا.. خاصة للعائله.. لا هي كبيره ولا هي قريه صغيره.. فيها خدمات كامله ومطار محلي ومجمعات تجارية ومحلات وقاعات سينما.. تبعد عنها شيكاغو 140 ميل الى الغرب و ديترويت 140ميل الى الشرق.. يعني المدينه تقريبا بالوسط. العيب الوحيد فيها انها طوال سبعة شهور تغطيها الثلوج.. وبالصيف جوها بديع.. ناسها طيبين جدا..
وللعلم انا مستقر في المدينه نفسها بس تخصصي ماجستير هندسه كهربائيه..اتمنى ان المعلومات تفيدك .. وان كان عندك اي استفسار عن اي شي تقدر تراسلني على الايميل dr.ut على الهوت ميل ..