الأعضاء الإشتراك و التسجيل

الملتقيات
ADs

ضيف كويتي و مالنا غنى عن اخواننا السعوديين (ماجستير هندسه مدنيه)

ضيف كويتي و مالنا غنى عن اخواننا السعوديين (ماجستير هندسه مدنيه)


NOTICE

تنبيه: هذا الموضوع قديم. تم طرحه قبل 2757 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية fahad78
    fahad78

    مبتعث جديد New Member

    fahad78 الولايات المتحدة الأمريكية

    fahad78 , ذكر. مبتعث جديد New Member. من الكويت , مبتعث فى الولايات المتحدة الأمريكية , تخصصى ماجستير هندسه مدنيه , بجامعة لايوجد
    • لايوجد
    • ماجستير هندسه مدنيه
    • ذكر
    • لايوجد, لايوجد
    • الكويت
    • May 2010
    المزيدl

    May 27th, 2010, 01:31 PM

    انا اخوكم كويتي والسعوديه واهلها هم اخوانا ومرجعنا وامتدادنا واهل الفضل علينا

    انا استفدت من نصيحة اخواني السعوديين في ملتقى الطلبه السعوديين في بريطانيا والحمدلله حصلت على بكالوريوس هندسه مدنيه

    والحين انا بكمل ماجستير هندسه مدنيه في امريكا ومالي غنى عنكم ياهل السعوديه

    -وين تنصحوني اكمل الماجستير (الولايه/الجامعه) لاني صراحه ماعندي خلفيه في امريكا وجامعاتها
    -افضل الجامعه تكون سهله(مخي حرقته في بريطانيا)
    -تكون المنطقه امنه ومافيها اجرام
    -يفضل فيها خليجيين(لزوم السوالف
    وانا على الله ثم عليكم
  2. يـ هـلا والله وغلا بـ اهل الكويت ..انتم اخواننا وكلنا عيال عم واحد ومابينا شي ..


    اول شي االف الف الف الف مبروك ع التخرج وحصولك على البكالوريس بمرتبة ومهندس ومنها للاعلى ماستر ودكتوراهـ يارب..

    شوـوـوـوف يالغالي

    انت تعرف ولايات امريكــا وش كثرها عد واحصى وفي منها الزين ومنها الشين ..

    بما انك كويتي يالغالي ابتكلم ع الكويتيين ..اغلبية شباب الكويت بامريكـا يحبون يدرسون بـ ولاية واشنطن او كاليفورنيـا ولا بـ سياتل ..

    وعليكـ الاختيار..

    اذا انت ماعندك مشكلــه بغلا الاسعار انا انصحكـ بما انك ماجيستير دراستك كلها سنتين وع كلامك اول مره تجي امريكـا اتوقع

    نصيحه لله روح كاليفورنيـــا انا ادرس فيها الحين جنه جنه جنه .. طبعا كاليفورنيا مدنها واجد انت حدد كل وحده احلى من الثانيه تبي لوس انجلس ولا سان دييغو ولا سان فرانسيسكو ولا لونق بييتش

    انا انصحك بكاليفورنيا تدرس بـ لوس انجلس ولا لونق بييتش ..هذ1 اذا ماعندك مشكله بـ غلا الاسعار لانك متعود بريطانيا اغلى من امريكا.. صراحه كاليفورنيا كلها راح تستانس فيها على جوها واهلها فرنلدي مرررره وناس هاي كلاس وتعامل وذووف ودراسه فيها ولا احلى ومتى ماطفشت تزور المدن اللي حولكـ وفيها خليجيين واجد سواء سعوديين ولا كويتيين ولا اماراتيين ..ولاتنسى اهم شي المطاعم العربيه افضلها واحلاها بكاليفورنيا

    قدم على كاليفورنيا وخذ العلم مني ..انا فيها بس ادرس بمدينه اسمها بيكرس فيلد تبعد عني لوس انجلس ساعه وحده بس ومستانس فيها ..

    طبعا عندكـ واشنطن انا ماحبيتهاا لاني رحتلها مدري ماهضمتها بس الكويتيين يدرسون فيها واجد ليه مدررري يمكن عشان السفاره الكويتيه هناكـ او جامعاتها قويه ..

    عندك مدينه اسمها بوسطن قريبه من نيويورك هالمدينه رووعه صراحه سياحيه بشكل غير فظيع بس غاليه وناااار وحلوه للدراسه وقد زرتها لواحد اعرفه يدرس بها..

    فيه عندكـ شيكاغوو حلوه بس انها بارده وثلووج انا ماداني الثلج فهذا الشي راجع لك يالغالي واسعارها ماهي غاليه تعتبر نوعا ما وسط وحلوهـ..

    فيه عندكـ متشقن ولايه حلوه في مدينه اسمها كلااازوما اتوقع والله حلوه وروعه وجامعتها قويه والمدينه روعه ..


    اذا تبي المدن اللي مشي حالك

    عندك تكساس ,,مدينة سان انتونيو مدينه ساحيه وحلوه تشتهر بالرفر ووك هي حلووه وعندك هيوستن هذي مدينه كل العرررب فيها من اكبر الجاليات العربيه تقل كنك بمصررر كل وجيه العرب تشوفهم هناكـ.. وعندك مدينة دالاس مو مرره بس تعتبر كويسه

    فـ الاخير يالغالي انت تنق واختار وسو ري سيرش ع المدن اللي قلتلك عنها او بعض الشباب يعطونك مدن ثانيه واستخرر وشف وش اللي اقربلكـ..

    مع ان نصيحتي وانت ماستررر خلك بكاليفورنيااا وعيش حياتك وانبسط ومنها دراسه بنفس الوقت كل الخليجيين فيها وانواع الفله والطرب ..

    بالتوفيق لك يالغالي ولي رجعه معك انشالله
    7 "
  3. مشكور اخوي سعد على الرد الوافي
    الشاعر السواط يقول ( اشهد ان الزين غالي+++والرخيص ابن الحلالي) الغالي سعره فيه
    لكن الرخص يخليك مرتاح البال


    صحيح اشوف اكثر الناس تمدح كالفورنيا وكذلك مدينة بوسطن
    والغلاء جربته في بريطانيا بس اتوقع السكن اغلى في كاليفورنيا وبوسطن

    انا عن نفسي اهم شي عندي الجامعه مايكون فيها تعقيد
    صحيح عندي فوبيا طيران بس ماعندي مشكله اركب خمس رحلات توديني لجامعه كويسه وبسيطه

    في طلاب عندك في كاليفورنيا يدرسون ماجستير هندنسه مدنيه ؟ طالبك قول ايه ههههه
    7 "
  4. لا حرام عليك يالغالي تقارن امريكا بريطانيا بالنسبه لسعر السكن هو غالي بكاليوفرنيا بس مو بكايفورنيا كلها الغلا كله بالمدن الكبيره اللي ذكرتها لك ولا اتوقع انها بتكون غاليه عليك لانك انت ببريطانيا اتوقع ساكن باغلى

    اذا انت تبي شقه لحالكـ بس ماهي مأثثه وعليك الكهربا وكل شي قل بـ 900 دولار مع الكهربا والمويه كم 150 دولار اتوقع جدا مناسب ..

    انا ساكن بكاليفورنيا ... بس مو بالمدن الكبيرهــ مدينه صغيره كأنها قريه بس حلوه كل الخدمات فيها واهلها طيبين واللي ابيه موجود واذا طفشن رحت للمدن الكبيره كلها ساعه عني..

    ام بالنسبه لجامعتي والله يالغالي ودي تكون معي ..بس للاسف الجامعه اللي انا فيها كل تخصصاتها فقط بالبزنس مافيها هندسه بالمررهـ..

    بس انشاله بتلقى بجامعات كاليفورنيا واجد وتلقى يالغالي ..

    في مدن متوسطه الاسعار وحلوه بالنسبه لي انا.. هي متشفن وشيكاغو و سان انتونيو واريزونا هذي المدن حلوه واسعارها مناسبه جدااا..

    ولك الاختيار..

    شوف يالغالي في نفس القسم هذا فووق ..موجود الولايات الشرقيه والجنوبيه والغربيه ..

    ادخل على كل قسم وشف الجامعات والمدن يعني روق وانت تقرى وانشالله بتلقى اللي تبي

    وبيخدموونك اكثر مني انشاللّه
    7 "
  5. المشاركة الأصلية كتبت بواسطة أبو عبدالله 2
    ادخل عالجامعات وشوف التخصصات الموجودة
    موجود التخصص باغلب الجامعات
    بس الطلبه اكثرهم تخصص اداره واقتصاد وغيره
    مالقيت احد تخصصه هندسه مدنيه

    اكيد افضل اذا احد درس التخصص قبلك ويعطيك خبرته وملاحظاته
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.