اختبار الايلتس IELTS وسحب الاموال بلا احترام مشاعر الطلاب ..تفضلو

السلام عليكم ورحمة الله وبركـاته

اليوم ابي اتكلم عن اختبار يمثل للطلاب الكثير والكثير وفكـ الازمات من المعهد وهو اختبار الايلت الكل عارف ان

اختبار الايلتس اسهل من التوفل بـ كثير بنظريتي وبنظرية الكثير من الشباب والبنات ولكن لا ادري اين تكمن المشكلــه في هذ1 الاختبار وخاصة انه حاليا صار اختبار مادي لا اقل ولا اكثرـر لماذا؟

كثيرـر من الشباب اعرفهم مستوياتهم ممتازهـ وفوق الممتاز ايضـاا يخبرون للايلتس ومطلوب منهم هذي الدرجه فرضا قلنا 6 ونص ..تلقون يختبرون اول مره جابو 5 ونص قالوا مش مشكله اول اختبار نبي نعرف كيف طريقة الاختبار اختبروا الاختبار الثاني ونفس الدرجه ايضا 5 ونص استغربو قالو ممكن نجرب كتب ثانيه يذاكرون فيها والاختبار الثالث 5 ونص ايضا حااامت كبدهم صارو يتمنون ياخذون 4 زهقو من الخمسه ونص طيب قالوا بنحاول نختبر للمره الرابعه صارت خمسه:help:شوي وتجيهم جلطه ماعاد فيه عذر سو كل الي يقدرون عليه قالو المرره الخامسه يختبرون وايضا 5 ونص طرطعت معهم قالوا بختبر للمره السادسه اخذو 6 وكان جايب درجات عاليه ونزلووه فيه بارت الاسبيكنق اللي هو مررره ممتاز فيه وكان دايم ياخذ فييه بين 8 الى 8 ونص وعطوه 6؟؟؟؟؟؟ى كانهم حاسين انه هالرجال يبي هالدرجه 6 ونص؟؟؟؟

طبعا بعضهم حامت كبدهم رجعو السعوديه واحتبروا الايلتس باول اختبار حصدوو 7 ..

طبعا بعد بحثي عن اختبار الايلتس ومعاناة الطلاب اكتشفت ان هالاختبار ماااااااااااادي بحت ..يجبرون الطلاب يختبرون اكثر من اختبارررررررر كي يستفيدون طيب وش ذنب الطلاب اللي لهم وقت محدد يجيبون الدرجه المطلوبه والله عيب من مركز الايلتس يسووون هالحرركه ..فيها تضيعة اوقات وفيها سفرر عشان هالاختبار واخرتهااا يسووون بالطلاب كذ1 همهم الماااده ..

انا اعترف كـ مثلي انا وغيري الكير من الطلاب استفدنا من الايلتس وانا منهم واخت الدرجه المطلوبه بس بعد 3 اختبارات وكنت اغير من مدينه الى مدينه ..

ولكن لو نرجع للاساس الايلتس مادي وكله نصب في نصب يتحكموون في تغيير رنج الدرجات على كيفهم ولو تسئلونهم كيف تحكمون على الدرجات يقولون هذي اشياء خاصه ؟؟؟؟؟؟؟؟؟

انا اتمنى ان يكون من الملحقيه تسوي اي شي يكون رادع لمركز هذا الاختبار بما انه نصب واحتيال اموال الطلاب باعادة الاختبار اكثر من المعقووول ..

مع ان للامانه ان هذا الاختبار يفك ازمات للي طفش من المعهد وحاب يطلع للجامعه ..

بس هالسنتين لاحظت فيه انه يهتمون للماده وعدم احترام لمشاعر الطلاب وطموحهم ..

يعني الواحد مش معقوله يخبر هالاختبار الى 7 او 8 مرات لين يجيب الدرجه يحسس الواحد يأنه درج كان بالمعهد او لفته دماررر؟؟؟ او السبب من المرركز مع انو اختبار الايلتس سهل جدااا بشكل عام..

انا ابغى ارائكم ونصايحكم للطلاب اللي بيختبرون هالاختبار او اللي اختبره يشرح لنا معاناته بهالاختبار المادي ..

وشكرا

شكلك فاهم السالفه كلها خطا وتراه لاتجاري ولا يبون فلوس

اخوي اكيد التقييم واداء الاختبار في السعوديه غير امريكا .. انا اختبرت في البحرين جبت 6 واختبرت في السعوديه جبت 7

خلنى افهمك السالفه عشان ترتاح بما انى متخصص في اللغة والتقييم

شوف دائما الاختبار اللى فيه تقييم انحيازي تجد ان المصحح يكون تقييمه معتمدا على المجموعه اللى معاه

مثلا انا لما اختبرت في السعوديه كان اللى معاي اختبروا سبيكنق كلهم يشتغلون في شركه ولايعرفون يقولون جمله على بعضها ويجي المختبر ويسجلهم واحد ورى الثاني واجيك انا وصرت بالنسبه لهم ملك ههههههه فالمصحح يحط لي درجه عاليه . وايضا هذا الكلام ينطبق في الكتابه .

هذا ينطبق على المثل المشهور العور على العميان باشا ههههههه

فدائما اذا بتختبر روح مكان اللى يجونه مو جيدين عشان تاخذ سكور جيد :)

غير صحيح واعتقد اللي عنده لغه بيعديه من اول مره
طريقة الاختبار مهمه جدا واعتقد بانها سبب لعدم اجتيازه من اول مره

عندي قناعه بان اللي يدرس بينجح ويتعلم اسرع ونص الشباب هنا لاتنطبق عليه هالشروط

مع احترامي وتقديري للجميع

والله انا مقهوره من ذا الاختبار اول مره جبت 6 وهو يغتبر زين على اول مره بس ثاني مره جبت 5.5 والله اني اتحمطت لان الاختبار المره الثانيه كان اسهل بكثير من الاولى وخصوصا ان ماعندي وقت بس انا احس كلام سرفايفر .... صح لان انا اول مره اختبرت مع طلاب اغلبهم من شرق اسيا وجبت درجه عاليه في السبيكينغ والمره الثانيه مع سعوديين نزلت نص المهم بختبرالمره االثالثه وان شاء الله اعدي لان ماعمري سمعت احد نزلت درجته الكل يا يثبت ياترتفع لذلك انا متحطمه شوي وان شاء الله خير لان ماودي ارجع لمعهدي المقيت ابدا :(:(:( الله كريييييييييييييييييييييم

مايفرق المكان .. هو لجنه مختصه بالتقييم تصححه والدليل ان السبكنق يتسجل ..

سعد الله يجزاك خير ع الموضوع

والله انا لغتي الانجليزية حلوة جدا بس عندي تخوف من ناحية الرايتنق انا رايح فيها في ترتيب الاسييات
بس السبلنق والفوكاب عندي الحمدلله اوكي
ووالله ودي اختبر ايلتس وافتك وش تنصحونني فيه فيه كتاب مفيد جدا
انا لقيت تاب فيه نماذج الا ختبارات بس غالي شوي ب 300 ريال مدري هل يستاهل ولا مايستاهل ؟؟؟؟

انتو اللي في أمريكاا كم المده اللي وصلتو امريكا وللآن مااخذتو درجه كويسه؟

اقتباس:

---

المشاركة الأصلية كتبت بواسطة فزعتك ياغريب الاوطان

سعد الله يجزاك خير ع الموضوع

والله انا لغتي الانجليزية حلوة جدا بس عندي تخوف من ناحية الرايتنق انا رايح فيها في ترتيب الاسييات
بس السبلنق والفوكاب عندي الحمدلله اوكي
ووالله ودي اختبر ايلتس وافتك وش تنصحونني فيه فيه كتاب مفيد جدا
انا لقيت تاب فيه نماذج الا ختبارات بس غالي شوي ب 300 ريال مدري هل يستاهل ولا مايستاهل ؟؟؟؟

---

حرام عليك تقول 300 غالي
هنا بامريكا الكتب نار نار
بعض الكتب اللي ندرسها سعرها على 80 دولار
نصيحة اشتر من عندك.

الموضوع هذا قبل 7 آشهر وإنت جـآلس تسأل سعد :D

والله يا جماعه اختبرنا في فبراير بالدمام وصارت لنا مشكله بالصوت بالنسبه لاختبار اللسيننق جابو لنا سماعات حقت اعراس والمفروض كل واحد له هيدفوون علشان يسمع المحادثه ويلقط الي يلقط وهاجوو عليهم الطلاب واعترضو وصارت شوشره واثر على اختبارنا بالاجزاء الباقيه وبعدين كان اختبار السبيكنغ باول يوم وثاني يووم قمه في المهزله وعدم الاحترام طق ومطاقق وبعدها يرسلون لنا اعتذار على الايميل ويقولون لنا بيعيدون الاختبار بس في جزء اللسينق مع التاثير على باقي الاجزاء وتم الرفض من البعض والقبول من البعض وانا من المعترضين وصارلنا حول الشهرين مابقى ايميل مارسلناه مابقى مكالمه ما كلمناهم لكن لاحياة لمن تنادي بربسه هالايلتس وشفط فلوس والمشكله عالم عليه