الأعضاء الإشتراك و التسجيل

الملتقيات
ADs

مـخـنـوق .. فضفضة

مـخـنـوق .. فضفضة


NOTICE

تنبيه: هذا الموضوع قديم. تم طرحه قبل 2757 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية T I G E R
    T I G E R

    محظور

    T I G E R الولايات المتحدة الأمريكية

    T I G E R , ذكر. محظور. من السعودية , مبتعث فى الولايات المتحدة الأمريكية , تخصصى ! , بجامعة !
    • !
    • !
    • ذكر
    • L0S ANGELES, CALIFORNIA
    • السعودية
    • Apr 2010
    المزيدl

    May 29th, 2010, 09:52 PM

    السلام عليكم ورحمه الله وبركاته

    " حسبي الله لا إله إلا هو عليه توكلت وهو رب العرش العظيم "

    وصلت أمريكا يوم 23 ومابديت دراسة لسع أبداها يوم 1

    لي فأمريكا أسبوع ودراستي باقي عليها يومين

    آآآآآآآآآآآآآه يناس آآآآآآآآآآآآآآآآآآآآآآآآآآآآآه

    أنا مفتون بأمريكا وبالأفلام الأمريكية وبحياتهم بشكل عام والحضارة الي هم فيها

    وكنت استنى سفرتي على عجلة متى أسافر ياربي متى أسافر طفشت من البيت

    يوم وصلت أمريكا وعشت الواقع مو أشوفه عن طريق تلفاز أو كمبيوتر اممممم مدري كيف أقولكم شعوري

    أنا بأرفه مدينة بأمريكا لوس انجلوس فوق هذا ماني مرتاح ومخنوق ومتضايق

    والله ياشباب يازين عيشتنا بالسعودية فوسط أهلك تاكل الي تبي حتى الأكل فيه بركة كل شي عندك وكل شي تبيه تجيبه

    تصبح وتمسي على وجه أخوانك وأمك وأبوك تزور أقاربك تروح المسجد تسلم على معارفك يابساطة حياتنا ويازينها

    كل شي فيه بركة

    صراحة فااااااااقد أمي وأبوي وأخواتي وأخواني .. والصغنوووووون فاقده .. فاقد الفطور عسل وطحينه وجبنه سايلة وخبز فاقد الغدى رز ولحم والعشاء .. فاقد كل شي

    قلبتها براسي قمت أفكر وش الفرق لو درست بالسعودية وعند أهلي معزز مكرم وأعيش معهم مو أحسن من إني هنا لحالي ولاني داري عنهم ؟؟؟؟

    تجيني أفكار يناس استغفر الله مدري كيف ، أخاف لا سمح الله واحد من أهلي يموت وأنا بعيد عنه

    أقسم بالله ساعتها أنا مدري وش راح أسوي قليلة انتحار

    أفكر بأبوي المريض .. خصوصاً إني دارس على حسابه اضغط عليه وهو تعبان يادوب يقوم من فراشه

    وأذله يروح يكلم فلان وعلان .. مع إن ملفي كامل والذل هذا والمعاناة الي أعيشها كلها من الدولة ولا حياة لمن تنادي

    طز بالفلوس وطز بكل شي ماهو محور اهتمامي هذا

    أبوي ياعالم والله خوفي يصير له شي لاسمح الله أكون السبب أنا

    وأمي المسيكينة أنا ولدها البكر عزوتها بعدت عنها

    وأخواتي وأخواني الصغيرين

    الوضع هنا ماينطاق شين شين شين .. مدري فيه أحد يحس بلي أحسه أنا ولا أنا لحالي ..

    أهل أمي معليش ودي أفضفض حساااااااااد من العيار الثقيل مايسألون عني هل وصل هل هل .. ويوم درو إني بأمريكا قالو ليش داسة الموضوع ولدك مو زايد كل الناس راحت أمريكا < الناس تقول الله يوفقه يرجع بالسلامة ان شاء الله ومعه الشهادة استغفر الله بس ماذبحنا إلا الحسد الله يكفينا شره

    وأنا الفلوس الي معي تكفي مدة شهر فقط .. أنا محتاااااااااااااااااااااااااااااااار مرة

    إذا مرت شهر وخلصت الفلوس ولا قدر الله ما انضميت أرجع السعودية وأفرح الحساد عليّ وأضحكهم وأطأطأ راس أهلي بعد مارفعته

    حالتنا المادية مش ولابد مدري منحرج أقول لأبوي طلع قرض ثاني بإسم أي واحد اففففف ياربي وش الحالة الي أنا فيهااااااااااااااااااااا ليش كذا ياربي لييييييييييييييييييييييش استغفر الله أحمدك ياربي حمداً كثيراً مباركاً فيه

    تخيلوا ياعالم شوفوا حظي العاثر مدري هو حسد من الي حولي ولا حظ البعثة أفكر فيها من رمضان الي فات المهم كانت سفرتي فـ يوم 13/4 ودراستي 26/4 لكن شوفوا كيف قدر الله والسفارة قالوا نبي اي تويني جديد ؟؟؟؟؟

    وجبت لهم واحد بيوم 1/6 .. لو ماطلبوا اي تويني جديد كان رحت 13/4 وشملني قرار الملك عبدالله الإلحاق

    ليييييييييييييش يصير معي كذا

    مدري ياعالم وش أسسسسسسسسسسسسسسسسسسسسسسسوي وش الي أنا فيه وش حطني هنا مدري ارجع السعودية ولا اكمل مدري مدري
  2. استعذ بالله من الشيطان الرجيم.
    وساوس وأفكار تلاحق الغريب واليعيد في غالب الأحوال.
    انشغل بما يهمك، ودعك عنك الآخرين.
    والدك ووالدتك وإخوانك يدعون لك بالخير، ويلحون على الله أن يسدد دربك، ويفتح الخير والفضل في وجهك.
    ابتعد عن كل ما يسيء إليك في دينك ودنياك، واستنهض عزيمتك، واحرص على أن تكون ساعات خلوتك قليلة قدر المستطاع، تجول في الشوارع، حادث صديقاً، اكتب خاطرة، شعراً، همهة، اقرأ كتاباً...
    تددير القرآن واقرأه بقلب خاشع خاضع.
    صل ركعتين، وادع بما شئت من خيري الدنيا والآخرة.
    ابحث عن مصادر القأل والسعادة.

    كما يقولون الكرة في مرماك، اجتهد في تحصيل هدفك، وابذل الأسباب، وتوكل على الله خالقك ورازقك ومدبر أمرك.
    7 "
  3. نفس معاناتي ، نفس تفكيري ، نفس كل شي صار فيني اول ماوصلت امريكا

    اقدر اقول انك كتبت بالضبط اللي صار فيني ، اللهم تغيير المعرف لا اكثر

    بس احب ابشرك ، هذا الشعور يبي يروح بعد اول شهر بالكثير ثاني شهر

    لين تبدأ الدراسه ، تتعرف على ناس جدد ، تشوف نفسك ويومك يخلص بسرعه

    تتقبل الثقافه الجديده ، تعيش فيها لين تحس نفسك دخلت جوها وماتقدر تتركها او بالاصح ( تعايشت مع الوضع )

    والله وهذاني احلف لك يا ان اللي كتبته صار لي اول ماوصلت امريكا لدرجة اني بغيت ارجع مابقى شي .. نفس تفكيرك بالضبط

    بالاهل ، بالاكل ، اسال نفسي اقول ورى ماادرس في السعوديه عند اهلي .. اقووولك نفس تفكيري

    لكن هذي معاناة بداية الغربه ، معاناة تقبلك للثقافه الجديده ، شعب جديد ، لغه جديده

    هذا شي طبيعي ، لو تلاحظ انت حياتك تغيرت كليا ً تغيرت 180%

    عشان كذا لازم يجيك هالشعور لكن تحمل وانا اذكرك بعد شهرين من اللحين

    انا اللحين شايل هم الرجعه ،،، لكن برجع عشان امي وابوي واهلي بس

    ولا كان مارجعت ..

    اهم شي لاتفكر بالرجعه اللحين ، حاول انك تتعايش مع الوضع ، لاتجلس لحالك لاتتذكر الماضي ، اشغل نفسك بإي شي

    هذا مستقبلك لازم تصبر عشانه لازم تكافح عشانه .. عشان ترفع راس ابوك واهلك

    البعثه مغامره+ثقافه جديده+غربه .. كل هذولي راح يكونوا ذكريات حلوه في حياتك بعدين !!!
    7 "
  4. السلام عليكم

    يا اخي قول اعوذ بالله من الشيطان الرجيم وقوم اتوضا وصلي ركعتين تشرح صدرك ان شا الله

    اعتقد هدا شي طبيعي .. انا لسا ما رحت .. وخايفة جدا من هالاحساس .. بس اعتقد انه ان شا الله لما تبدا الدراسة وتستكشف المدينة والاجواء شوية شوية رح يخف هالاحساس ... بيني وبينك بما انك على حسابك كان اخترت مدينة رخيصة مو لوس انجلوس مرة وحدة ... ولكن قدر الله وماشاء فعل .. اتوكل على الله وارمي تكالك عليه وان شا الله ما يخيبك ..صدقني ما في شي في الحياة يقهر قد ما تقول لو اني رحت او لو اني سويت .. ادري صعب ما تفكر فيه بس قول خلاص هذا نصيبي وان شا الله ربي يعوضك بفرصة افضل ..لا تفكر في الناس .. خليك بنفسك .. يعني الحساد ذول بيرفكت ؟؟؟ ... انت لو لا سمح الله رجعت بترجع مو عشان وطيت راس اهلك بترجع لانك ما انضميت للبعثة ونقصت عليك الفلوس .... بس لا تفكر كدا لا تفكر بالرجعة .. ثابر .. روح المعهد وادرس .. وبالمعهد ممكن تلاقي شغل ساعتين الى اربع ساعات فياليوم وهذه مسموحة للطلاب بفيزا F1 يشتغلو فيها داخل المعهد .. اتواصل مع السعوديين وزور المساجد .. حاول تتاقلم مع المكان .. ولكن اهم شي ما تنسلخ ... اتاقلم .. هالاحساس اكيد طبيعي وطبيعي جدا .. انا من الان وانا في السعودية اقول هل محرزة كل دي الشحططة ؟؟ ... وارجع اقوي نفسي انه ايوة ان شا الله محرزة اقلها تتعلم وتعتمد على نفسك وتتعلم لغة وثقافات اخرى

    وبالنسبة للاكل ترا حسب ما اسمع ماشاالله السعوديين ما يقصرو مع بعض .. والامهات اللي يكونو مع عيالهم بيطبخوا لاصحابهم .. او اذا واحد متزوج معاه اهله يقدرو يتجمعو فبيته على كبسة ولا رز ولحم .... عشمي في الغربة انها تقرب اولاد البلد بمختلف مناطقهم ببعض ويكونو عون باذن الله

    ربي يشرح صدرك ان شا الله وييسر امورك وان شا الله تفرج من اوسع الابواب
    7 "
  5. السلام عليكم ورحمة الله وبركاته

    عليك بالصلاه .. الصلاه والصلاه .. والاستغفار .. ولا تجلس لوحدك ابدا ابدا ابدا

    اشغل وقتك .. فكر ايش راح تقضي للمطبخ والاكل .. فكر كيف ترتب امورك في الدراسه .. ايش تشتري للدراسه من كتب وشنط واقلام وا وا ..

    اشغل وقتك وانا اخوك .. ابدا لا تجلس لوحدك .. راح يجيك الوسواس .. ويذكرك بـ اهلك وا وا ..

    صدقني .. راح يفرحو اهلك لمن يسمعو عنك كلام طيب .. ويعرفو انك موفق في دراستك ,. وهذا الي انت تبغاه وهم يبغوه

    اجمد قلبك وانا اخوك .. واتذكر فيه ناس غيرك يتمنو الي انت فيه ..

    والدنيا فرص .. والواحد وده يعيش حياته .. مو يعني يروح ينحرف يالطيف ويعصي ربه ؟؟

    صدقني راح تزيد عليك وحشة الغربه لو عصيت ربك وضيعت صلاتك ..

    إلزم صلاتك .. وقرآنك .. والاستغفار .. وشوف كيف تنفتح في وجهك الدنيا ..

    وخلي عنك حياة الكفره .. بلى حياتهم حلوه بلى خرابيط .. مالك الا دينك وبس .. لهم الدنيا ولنا الاخره بحول الله وقوته

    والفضفضه زينه وانا اخوك .. بالعكس .. فضفض قد ماتقدر .. حبه حبه كله يخرج من قلبك وصدرك .. وتمشي حياتك زي غيرك واحسن كمان ..

    تكفى يا طيب تكفى ..

    ترى كل واحد عايش في همه وانا اخوك ..

    ولا تسمع كلام من يقول خلك بعيد عن اخوانك المسلمين والعرب بالذات .. عشان اللغه وخرابيطها ..

    ترى اللغه تعتمد عليك انت لوحدك ..

    اخوانك المسلمين مافي زيهم .. يساعدوك ويوقفو جنبك ..

    وعيش بحسن الخلق ..

    واتعرف على الاجانب .. لكن بحدود المعقول ..

    وانتبه من الصاحب .. تكفى .. الا الصاحب ,,

    ترى اعمارنا كبيره والحمد لله .. ولسنا بمراهقين .. عشان نجامل فلان وعلان ..

    ولا تاخذك ملذات الدنيا هنا .. تراها زائفه ورب الكعبه ..

    اقطع كل المعاصي من جذورها هنا .. وربي يحفظك ويحميك ويحمي الجميع

    وراح تبدأ دراستك وتنبسط ان شاء الله

    بالتوفيق
    7 "
  6. ياساتررر كل ذا في راسك؟؟

    هونها وتهون اخوي

    وكما قال عائض القرني : يومك يومك إذا أصبحت فلا تنتظر المساء وإذا أمسيت فلا تنتظر الصبح

    خل كل تفكيرك في يومك وتوكل على الله وانت الحمدلله في نعمه في أحد مايبي يدرس بأقوى الجامعات وبأمريكا صحيح على حسابك لكنك بنعمه وادعي الله سبحانه وتعالى انو يرزقك البعثه وكل شيء يهون

    صحيح أخوي انت بكالوريس ولا وش ؟

    7 "
  7. تعوذ من ابليس
    وصلى لك ركعتين وأطلب من الله المعونة والفرج
    ويا اخوي ترى السعادة ما تجي ألا بذكر الله
    وتذكر أن والديك ينتظرونك تجي بالشهادة ما ينتظرونك تجي تسأل عنهم
    أهلك يحاتونك أكثر من أنك تحاتيهم
    شوف فرحة أبوك وأنت راجع له بالشهادة
    شوف فرحة أبوك إذا دخل مجلس وسألوه وين ولد ؟
    يقولها بإبتسامه ولدي راح يجيب الشهادة ويرجع
    وعسى الله يفك كربتك ويفرج همك
    ويطول في عمر والديك

    وحضرتني مقدمة أنشودة غرباء وفيها بعض من الأبيات الرنانة التي تدخل الأذهان عن سماعها
    ليس الغريب هو الذي فارق الديار وودع الأهل
    ولكن الغريب هو الذي يجٍد والناس من حوله يلعبون
    ويصحو والناس من حوله ينامون
    ويسلك درب الخير والناس في ضلالهم يتخبطون
    وصدق الشاعر حيث يقول
    قال لي صاحبٌ أراك غريبا.......بين هذا الانام دون خليلِ
    قلت كلا..........بل الانام غريب ...انا في عالمي وهذا سبيلي
    هذا هو الغريب
    غريبٌ عند العابثين من البشر.........ولكنه عند ربه في مقام كريم
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.