مكتب ايجيك بالرياض تحذير جداااااااااااااااااااااااااا

خاطب الوزارة لعل وعسى

.........

لا تسكت عن حقك وانا اخوك.
قدم شكوى في الشرطة على الأقل تحسسهم بالمطالبة وعدم الرضى.
لو أنت اشتكيت وأنا اشتكيت والثالث ما سكت عن حقه، ما كانوا يتلاعبون فينا.
السكوت والصبر والاحتساب الخاطئ أسباب تعين الظالم على ظلمه.

اذا عندك ايصالات بالمبالغ المدفوعه

روح للشرطه في الحي التابع لهم ,, عند قسم الحقوق ولاتنسى تكتب المشكله بالتفصيل معهم في ورقه

وقدمها عليهم ,, وانا متاكد ماراح تطلع من القسم الا معك ورقة احضار لهم ,, بعدها مر المكتب وعطهم ورقة الاحضار

واذا جيت تعطيهم قل لهم هذي من الشرطه باقي وزارة التعليم العالي راح اقدم شكوى على وزير التعليم عشان يسكر مكتبكم ..

وعسى الله ييسر امورك بس وانا خوك لاتخلي حقك ,,

مساء الخير
انا تعاملت مع مكتب ايجك ما شفت منهم شي طبعاً عن طريق الوزارة
صحيح تاخر القبول بسبب مشكلة في المعهد اللي انا طلبته وليس منهم وتأكدت من هالشي عن طريق الاطلاع على الايميل اللي ارسله المعهد للي اسمه عبدالرحيم فلسطيني مش بطال
ما ادري اذا انت مبتعث على حسابك او الوزاره
بس انا امتاكد ان فيه مكاتب افضل منهم بس يمكن عشان تواجده في مناطق المملكة الرئيسية
بعدين هم يأخذون مبلغ الف ريال عشان قبول المرافق بالمقابل مكتب التجسير يجيب قبول للمرافق مجاناً
انصحك بالاتجاه لشرطة العليا والسلمانية في مخرج 5 اذا معك اوراق وتاخذ حقك كامل وليس النصف
دمتم بود

لا تسكت لهم وانا اخوك.. هالاجانب يموتون في دين ام الريال ...في البدايه يعطيك كلام وخر عنه.. واذا قبضوا المبلغ ..اجلس دور وراهم .

اسمع خلنا نضرب فيك المثل لا ترحمهم..عشان طلاب السنوات الجايه مايصير لهم مثل الي صار لك ..و يعرفون ان الناس مو لعبه ... لا تسكت لهم كل كشر وجهك عليهم .. واشتك عليهم ولا تتنازل حتى لو يعطونك فلوسك ..قول ابي تعويض ورد اعتبار ... شنو سته شهور من عمرك تخليها تضيع ببلاش .. اطلب بتعوض ..واذا اضطريت روح حتى حق حقوق الانسان !

اخوي انت على الوزاره ولا حسابك ؟

اذا على الوزاره قدم خطاب الى مسؤول الابتعاث بالسالفه ..واستخدم في الخطاب كلمات تدل على مدى تعبك وراهم ومدى خيانتهم للامانه الي الوزاره عهدتهم عليها.

والله ياخوي انا تعاملت معهم
تعاملهم تمام
رحت لهم ابي قبول معهد وجامعه ماستر
قلت له اهم شي عندي الوقت ابيه خلال شهر
ضحك
قال قبول المعهد في اقل من 10 ايام وهو عندك

بس الجامعه مستحيل اقل اقل شي شهرين ومعدلك له دور كبير
شاف معدلي قال كويس

قلت طيب كم الاسعار
قال قبول المعهد وقبول الجامعه بــ 3000 شامل تسديد رسوم الابليكيشن ( ممكن المعهد بـ 200$ و الجامعه بـ 200$)
بس قالي شف المعهد نجيب لك قبوله مضمووون بس الجامعه مو مضمون ممكن يرفضونك ( مالنا دخل)
بس يقول انو الجامعات الي يتعاملون معاهم نادر مايردون احد

قلت تدري عطني قبول معهد بس ودفعت له 1000 ريال حق الابلكيشن وخدمات المكتب + 188 ريال بريد اكسبريس (ممكن استغلوني في سالفة البريد العادي والاكسبريس)

وقبول الجامعه لاطلعت إنشاء الله بدور بنفسي احسن

سوري كتبت لك قصه حياتي

حبيبي مسألة تسترجع فلوسك صعب مره
حاول تشوف موضوعك شو صار عليه

وإذا بدخل الشرطه في الموضوع
يبيلك الله العالم من 4 إلى 5 سنوات مع توكيل محامي بعد مايحيلون ملفك إلى المحاكم


ههههههههههه
الله يوفقك ويفرج كربك

والله على الظالم

تقبل مروري

والله ياخوي لا تسكت عن حقك واذا انت مبتعث خذ ايصالات المبالغ يلي دفعتها وروح للوزارة واشتكيهم واذا ما شفت منهم تجاوب انصحك تروح للشرطة وبعدها تروح لجمعية حقوق الانسان وانشالله مايقصرو معاك وتشوف يلي يسرك

والله لا تسكت لو تأخذ المسألة عشر سنين اذا تعبت وكل احد اخوانك
ذولا نصابين
تخيل جاء قبولي بجده وقلت ارسلوه للرياض قلت ممكن كم يوم قالوا يومين الى اربعه ايام
تخيل ثلاثه اسابيع كل يوم يقولون مع الطريق لا ويقولوا تعطلت الشاحنه
ههههههههههههههههههههههههههههههههههههههه
سخافه عندهم والله

الف شكر لكم يااخواني على مشاركتي احزاني وانا انتظر منهم رد خلال اسبوع واذا ماحصلت رد راح ابدا اجراءت الشكوى الللللللللللللللللللللللله يصبرني على هالبلوى .................................الله يوفقكم ؟