الأعضاء الإشتراك و التسجيل

الملتقيات
ADs

تقرير عـنـد وصـولـي لـمـطـار واشـنـطـن تـفـاجــــآت!!

تقرير عـنـد وصـولـي لـمـطـار واشـنـطـن تـفـاجــــآت!!


NOTICE

تنبيه: هذا الموضوع قديم. تم طرحه قبل 2750 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية حسآآآم
    حسآآآم

    مبتعث جديد New Member

    حسآآآم الولايات المتحدة الأمريكية

    حسآآآم , ذكر. مبتعث جديد New Member. من السعودية , مبتعث فى الولايات المتحدة الأمريكية , تخصصى ادارة اعمال- ادارة مالية , بجامعة Martin University
    • Martin University
    • ادارة اعمال- ادارة مالية
    • ذكر
    • Martin, teneesse-martin
    • السعودية
    • May 2010
    المزيدl

    June 2nd, 2010, 05:08 AM

    بسم الله الرحمن الرحيم
    السلام عليكم ورحمة الله وبركاته

    ياشباب انا قبل مااسافر صرآآحه كنت خايف من التفتيش في المطار واجراءات الدخول والعفش الزايد وكلام الناس يخوف لان صصراحه كل ماسألت احد قال انتبه وانتبه ولاتسوي ولاتسوي ولاتجيب شي غريب ولا ولا..
    فاعششان كذا انا بقولكم وش صصار اول ماوصلت..
    الحمدلله بعد وصولي لواشنطن الساعه 3 العصر بتوقيت واشنطن ..ا
    نزلنا والمطار كان زحمة وانا كنت في اخر الصف وعلى بالي بنتظر لساعات لكن الحمدلله خلال 45 دقيقة وصلت لشباك تختيم الجواز ..

    طبعا انا عندي الانجليزي لكم عليها مكسرة وافهم ومااعرف ارد فااقالي عطني I20 فاكان معاي نسخ ومامعي الاصلي !!
    وقالي ابغى الاصلي..!
    وقعد يناظر فيني وشاف علامات التعجب فوق راسي ورحمني..!
    وصراحه ماقصر اخذ الملف مني وقاعد يفتش بالاوراق وعارف اني ماافهم عليه ابد ومالقاها ..
    طبعاا في مصري تبع السفارة السعودية يكون موجود للطلاب السعوديين فااستدعوه وقالي وين الI20 فاقلت له هذا اللي معي اللي هوو صورة ..
    قالي المصري انتظر على بال مايتأكدون ..
    قلت له طيب والشنطة والاغراض؟!!
    قالي لاتخاف عليها موجودة ومارح تروح انت بس خليهم يشيكون عليها..

    انتظرنا في صالة انتظار مغلقة وكان فيه مجموعة طلاب سعوديين.. طبعا اخذوا جوازاتنا وبعد ساعتين ينادون بالاسماء ..ناداني وجيت وسألني اسئلة بسيطة وين ولايتك وطبعا المترجم موجود وليش جاي هنا قلت دراسة..قالي في احد يقرب لك في امريكا اوعائلتك في امريكا قلت له لا..قالي وين بتسكن قلت ممكن سكن الجامعه..قال عندك العنوان قلت له لاا

    وختم لي الجواز وقال اهلا بك في امريكا يلا طسس ورح خذ اغراضك..

    طبعا ماصدقت خبرر انا ورحت للعفش ولقيت شنطتي واغراضي على جنب اخذتها وكنت خايف من التفتيشش ...الله يهدي ربعنا بس بغيت اديور من الخوف قبل مايفتشوني وابد ماالتفت لايمين ولايسار <<في واحد من الشباب قال لاترتبك تراهم بيلعنون خامس خامسك ههههههههههه

    اول ماوصلت للجمارك قال الجواز واعطيته قالي تفضل من هنا ..
    واهوجس انا وقلت بس رحت فيهاا اكيد انهم بيفتشوني تفتيش ملعون ام وبيفصخوني ههههههه..

    ..مادريت الا انا عند بوابة المطار طالع لافتششوني ولاهم يحزنون ولامسكوا اي غرض معي ولافتحوا لابتوب ولاغيره..
    لقيت لي مصري قدامي قالي سعودي..
    قلت ايه نعم
    قالي:هذا ملف تعبيه وتعطيني اياه ولاتبغى تعبيه على راحتك وتجيبه لنا يوم الاثنين
    قلت له: طيب الحين وين اروح ماعندي حجز فندق ومااعرف اي شي
    قالي: ولايهمك اطلع فوق وتلقى الباص موجود ورح نوصلك الفندق

    طلعت فوق ولقيت الباص ووصلت الفندق بحمدالله ودخلت وكأني بالرياض سعودين وسعوديات كبار واطفال .. كأني في سوق بالرياض..

    وسسسسسسلامتكم..
    اي استفسار انا حاضر ياحلوووين
  2. عليكم السلام ورحمة الله وبركاته

    الحمدلله على السلامه
    المشاركة الأصلية كتبت بواسطة حسآآآم
    الحمدلله بعد وصولي لواشنطن الساعه 3 العصر بتوقيت واشنطن ..ا
    اوما (( العصر ))بتوقيت واشنطن قويه حسيت انك مسافر لتبوك ههههههههه


    المشاركة الأصلية كتبت بواسطة حسآآآم
    وقعد يناظر فيني وشاف علامات التعجب فوق راسي ورحمني..!
    بصراحه انا عشششت اللحظه



    المشاركة الأصلية كتبت بواسطة حسآآآم
    وختم لي الجواز وقال اهلا بك في امريكا يلا طسس ورح خذ اغراضك..
    والله لو هو قايلي طسس لتهاوش معه << فاهم غلط


    المشاركة الأصلية كتبت بواسطة حسآآآم
    الله يهدي ربعنا بس بغيت اديور من الخوف قبل مايفتشوني وابد ماالتفت لايمين ولايسار <<في واحد من الشباب قال لاترتبك تراهم بيلعنون خامس خامسك ههههههههههه
    انا خفت من خويك وانا في السعوديه عاد وشلون انت هههههههههه


    المشاركة الأصلية كتبت بواسطة حسآآآم
    واهوجس انا وقلت بس رحت فيهاا اكيد انهم بيفتشوني تفتيش ملعون ام وبيفصخوني ههههههه..


    لابس من غير هدوم يوم !!!


    المشاركة الأصلية كتبت بواسطة حسآآآم
    طلعت فوق ولقيت الباص ووصلت الفندق بحمدالله ودخلت وكأني بالرياض سعودين وسعوديات كبار واطفال .. كأني في سوق بالرياض..

    انتبه لاتشغل بلوتوث هههههههههههههههه


    بالتووفيق لك اخوي حسام

    وتقبل مرور انا
    7 "
  3. المشاركة الأصلية كتبت بواسطة محد غيرك بقلبي
    بالتوفيق ان شاء الله

    انت تقول i-20 مو معك الاصل
    اجل يوم جيت تطلع الفيزه بالسفارة بالسعوديه مايطلبون الاصل ولا ايش ..
    لاحبيب قلبي كان معي الاصل في السفارة بس بعد ماطلعت الفيزا نسيته في الرياض..
    7 "
  4. الحمد لله على السلامه ..

    اجل انتظرت 45 دقيقه عشان تختم جوازك .. وانتظرت ساعتين عشان ينادون على اسمك

    انا من نزلت من الطياره ولحد مواقف السيارات كلها نصف ساعه

    بالتوفيق .. وثاني مره لا تنسى اغراضك .. رايح بدون i20
    7 "
  5. الحمدلله على الســلامه ..

    هههه انا لو اني من الموظف وقلت لي مامعي اصل الاي تونتي والله يا انا ببهذلك .. << نذل

    الحين عنبو داارك فيه احد ينسى الاي تونتي ؟؟ انا انسى البوكسر ولا انسى الاي تونتي ..

    إن شاءالله اخر الوهقات وفالك البيرق قصدي الشهاده
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.