الأعضاء الإشتراك و التسجيل

الملتقيات
ADs

وش ردة فعلك إذا مر عليك هالموقف ؟؟؟؟

وش ردة فعلك إذا مر عليك هالموقف ؟؟؟؟


NOTICE

تنبيه: هذا الموضوع قديم. تم طرحه قبل 5046 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. المشاركة الأصلية كتبت بواسطة جاي وماشي
    هههههههههههههههههههههه

    هذي مصلحة وتصير مع اي وااااااحد مو بس انت ولو مامعك شهادة والله مادروا عنك

    لانك تعيش في عصر المصلحة والمااااااال

    على شان اذا جيت ان شاءالله ومسكت منصب بيجونك ويقولون تكفى وتكفى فا يضبطون العلاقة من اللحين
    انشهد مانطق لسانك إلا بالحق

    خالي يوم تخرجت أنا رفض يتوسط لي بأرامكو لكن خيره من ربي إنه ماتوسط لي وعوضني الله خير بالبعثة الحمدلله

    وبإذن الله ارجع وامسك منصب كبير ويحلمون أخدمهم ولو بشي بسيط
    7 "
  2. المشاركة الأصلية كتبت بواسطة درر*
    أخوي TIGER



    نصيحه: عاملهم باللي يرضي الخالق وماعليك منهم سواء كانوا حساد مصلحجيين محبين

    لاتقولون ممكن أنتي أقاربك غير

    والله من كثر خوفي من معارضتهم لبعثتي مادروا عني الا بعد ماوصلت أمريكا


    لكن مع كذا أضفتهم وكلمتهم وتقبلت عتابهم <<<< هواشهم

    وهالحين فيه وحده منهم تغيرت سبحان اللي يغير ولا يتغير

    صح أن وحده تتغير بالنسبه لأقاربنا عامه تعتبر نسبه ضعيفه لكن يظل بالنسبه لي إنجاز


    ومضه *: لاتدري من يكونو غداً ومن تكون؟؟؟
    لاتدري من يكونو غداً ومن تكون



    رائعة
    +1

    لكن تصدقين الصد والجفاف والعين الحمرى هالأيام تمشي العالم مزبوط

    الطيبة أيام أول مو الحين
    7 "
  3. أنا ياصاحبي مؤيد للردود الايجابية والعقلانية والتي تحدثت عن الموضوع من منظور اسلامي

    عندما يامرنا ديننا الحنيف بصلة الرحم وحسن الظن ماكان ذلك الا لخير وحكمة

    انت متحامل شوي على الاهل الله يصلحهم ويصلحك ويصلحنا وياكم

    أحببت ان اشارك لاني تذكرت مقولة رائعة تقول :

    أحبب حبيبك هونا ما عسى
    أن يكون بغيضك يوما ما ،

    وأبغض بغيضك هونا ما عسى أن يكون حبيبك يوما ما
    7 "
  4. المشاركة الأصلية كتبت بواسطة T I G E R
    السلام عليكم ورحمه الله وبركاته


    أكيد واحد أو وحده منكم مر عليه هالموقف لا محالة

    أنت قمت تجهز نفسك لأمور السفر لأمريكا طبعاً أهلك يعرفون أكيد وكاتم الموضوع عن أقاربك

    وأقاربك مايسألون عنك ولا يدرون عنك ولا يفكرون فيك حتى

    يوم سمعوا خبر إنك بأمريكا ( كذا فجأة ) قاموا يقولون سلمولي عليه هاتوا رقم جواله بأمريكا هاتوا إيميله

    ياسبحان الله الحين عرفوني ؟؟؟؟

    من ناحيتي أكره هالصنف من الناس ( المصلحجية ) وأنا جاتني إضافات على الإيميل

    أنتم وش رايكم ، وش التعامل الأمثل مع هالناس ؟؟؟

    الطناش أو رسميات أو أو


    كل واحد يقولنا ردة فعله
    اولأ اخوي الغلطان الي يطمن عليك مو انت وبالسعوديه وقت رخاء وعند اهلك مو ضروري يسئلون عنك مثلك مثل اي واحد من الرفاق عندهم لكن عندما رحلت الى امريكا هنا صار عندهم شوق لك بصفتك مغترب واختلف الوضع عن قبل وبعدين وش عندك حتى يتمصلحون اخوي هل اصبحت وزير او ملياردير كلك على بعضك رحت امريكا راحو لها الكثير وبل يزورونها اسبوعين وعايشين فيها وش مفكر نفسك الاخ الكريم سفير خادم الحرمين بأمريكا ولاتفكر تفكير سلبي في من هم يسئلون عن اخبارك يالحبيب والناس ماهي بحاجتك يتمصلحون معك انت اتمصلح معهم يمكن ينقص عليك فلوس تسلف منهم الله يوفقك اخوي واعذرني على هالهجه قد تكون تفيدك شكراً
    7 "
  5. المشاركة الأصلية كتبت بواسطة عقيد الغربه
    اولأ اخوي الغلطان الي يطمن عليك مو انت وبالسعوديه وقت رخاء وعند اهلك مو ضروري يسئلون عنك مثلك مثل اي واحد من الرفاق عندهم لكن عندما رحلت الى امريكا هنا صار عندهم شوق لك بصفتك مغترب واختلف الوضع عن قبل وبعدين وش عندك حتى يتمصلحون اخوي هل اصبحت وزير او ملياردير كلك على بعضك رحت امريكا راحو لها الكثير وبل يزورونها اسبوعين وعايشين فيها وش مفكر نفسك الاخ الكريم سفير خادم الحرمين بأمريكا ولاتفكر تفكير سلبي في من هم يسئلون عن اخبارك يالحبيب والناس ماهي بحاجتك يتمصلحون معك انت اتمصلح معهم يمكن ينقص عليك فلوس تسلف منهم الله يوفقك اخوي واعذرني على هالهجه قد تكون تفيدك شكراً
    صدقني لو انه مغترب في الهند والا مقدم على العسكرية ورايح الدورة في جيزان محد سأل عنه .. ولو انه دخل جامعة كاوست في السعودية والا جامعة البترول الناس تبدأ تسأل واما لو راح امريكا الناس تبدا تسأل بقوة.. لأنهم يدرون وراه زواج وان شاء الله قدامه مستقبل مشرف ان شاء الله

    عقيد الغربة الله يوفقك ترا الناس ميب زي بعضها واقسم بالله لو تفكير العالم مثلك كان صرنا كلنا كاملين بس والله الحسد ماشي 700 مع الدائري في السعودية واتحدى اي ادمي الا من رحمه ربي ينكر ذا الشي !!

    الله يسهل لنا جميع ويحفظنا من شر حاسد اذا حسد ويردنا سالمين بالشهايد
    7 "
  6. السلام عليكم

    اولا صلة الرحم واجبة ... لو همة قاطعين نحنا نوصل بما انه نحنا الاصغر وهم الاعلى مرتبة
    ثانيا في نظري انه واصلوك الان مو مصلحة ... قد ما هية فخر .. صارو فخورين بيك اكثر ... ومصلحتهم الوحيدة تعرف اش هية ؟؟؟

    انهم يقولو ولد اخونا او ولد اختنا راح درس بامريكا وان شا الله يجي يبيض بوجهنا ويرفع راسنا

    لازم نتعلم في مجتمعنا انه الفرح لازم يلم ... ليش دايما العزاء هوة اللي يلم العيلة ؟؟ ... الفرح برضو لازم يلم .. والابتعاث فرحة .,.,وان شا الله تاخد اجر لمة العيلة

    اما مصالح مادية ما اتوقع يكونو بهالسطحية .. كم من مبتعث راح امريكا ورجع بخفي حنين ... وش المصلحة من مبتعث مو كل من راح امريكا رجع مليونير ...

    مصلحتهم انك ترفع راسهم ... ويسيرو يقربولك لانك دارس برا .. ومتوسمين فيك خير


    موفق ان شا الله
    7 "
  7. اقسم بالله يالنمر موضوعك ع الجرح
    تصدق ان اخوي بامريكا ونفس كلامك صارله والحمدلله قبل اسبوعين تخرج واليوم ان شاء الله حفلهم بالسفاره بواشنطن واسبوعين وبيجي ان شاء الله الله لايضره ..
    وانا بعد كنت خلاص مابيني وبين ارامكو الا اصدار البطاقه والتوجيه لمنطقة الدراسه المهم درو الحساد ( الاقارب ) وتفركشت كلها ارامكو على مستقبلي لكن ان شاء الله ان الله بيعوضني خير منها .. وبالنسبه للي يقولون اوصل رحمك ومدري وشو انا اقول اذا يستاهلون باوصلهم اما اذا مايستاهلون وماوراهم الا الحسد وطولة العين ابعد عنهم وخلهم يبعدون عنك وفك نفسك من المشاكل وان قدرت تطلع من المنطقه اللي هم فيها يكون احسن ..
    وصدق من قال ( الاقارب عقارب ) عندك مصلحه جوك وسالو عنك .. ماعندك محد يطل بوجهك ولا احد يرفع عليك سلام ..
    وسامحوني ع الاطاله لكن والله اللي بقلبي اكبر من ذا بكثييييييييييييييييييييييييييييير ..
    بالتوفيق للجميع ,,,
    7 "
  8. حسبي الله ونعم الوكيل على الحساد وين ما كانو
    الله يرد كيدهم في نحورهم ويشغلهم بانفسهم عننا وعن خلق الله

    حصن نفسك وشد حيلك وارفع راس اهلك

    صلة الرحم واجبة خلك رسمي

    ولا تقولهم على شيئ خاصة بخصوص دراستك
    يعني لو جبت A قول D يعني لا تعطيهم جواب
    يقولون كسلان ولا يصكونك بعين

    وبكرة لمن ترجع بإذن الله ممتاز دخل الشهادة في عينهم

    ( طنش تعش تنتعش )
    7 "
4 من 9 صفحة 4 من 9 ... 345 ...
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.