الأعضاء الإشتراك و التسجيل

الملتقيات
ADs

وش ردة فعلك إذا مر عليك هالموقف ؟؟؟؟

وش ردة فعلك إذا مر عليك هالموقف ؟؟؟؟


NOTICE

تنبيه: هذا الموضوع قديم. تم طرحه قبل 2753 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. المشاركة الأصلية كتبت بواسطة محد غيرك بقلبي
    اللي يسمعكم اللحين يقول انكم رايحين امريكا على منصب سفير ,,

    ياربع تراكم رايحين طلاب يعني يمكن تروحون وترجعون زي ماجيتوا

    لذلك لحد يشوف نفسه على ربعه حتى لو فيهم وما فيهم خلوكم زي ماكنتوا

    مع ان الواحد المفترض اذا راح هناك هو اللي يكون بحاجتهم مو هم اللي بحاجتك ...

    موفق اخوي ,,
    أنت فاهم غلط ..

    آمين الجميع
    7 "
  2. المشاركة الأصلية كتبت بواسطة BLACK MOON
    والله يا تايجر نفس حاااالك بالضبـط

    يا شيخ يجيني آد من ناس والله ما ادري من همـ بس ماعــليكـ اصفـــط


    انا نفسك والله محد كان يسأل ولا يعرفك يوم سافرت حتى اللي مايعرفك صار يعرفك
    بالضبط .. والتصفيط الي سويته لأعمامك وخوالك بعد ؟؟؟
    7 "
  3. المشاركة الأصلية كتبت بواسطة محروم من اللي في بال
    آآآآآآآآآآآآآآآآآآآآآآآآآآآآه لا تذكروني

    والله عانيت حتى وصلت امريكا واسأل الله ان يوصلكم يا حبايبي امريكا وتفرحون وتستانسون وان شاء الله ترجعوا دكاترة وتجلسوا بحلوق حسادكم

    تخيلوا لأني الوحيد من عائلتي مبتعث وقف 90% من جماعتنا في وجهي من جدي الى جدتي الى اخوالي الى اعمامي الى اعمامي من قفى الى اقربائي الى الى...
    و9% ساكتين و1% نص نص

    لا تقولوا ليه علمتهم
    غصب عني لأني بغيت اسافر قبل الان وتكنسلت فعرفوا كل الناس

    تخيلوا دق ابو ابوي على ابوي ويقول له لا تطلع ولدك
    ودقوا اهل امي على امي ويحذروها ويخوفها وشوفي حميدان وشوفي امريكا ويش سوت في العراق وولدك بيروح عندهم ويش بيسوون فيه والله حتى جثته ما يرجعونها لكم

    ورحت لأهل امي اللي هم خالاتي وقلت لهم العلم سلامتكم والله رايح رايح الله لا يعوق بشر فلا تخلون اختكم تبكي عليّ انتم سلُوها والا انا رايح رايح قالوا تعوذ بالله قلت اعوذ بالله منكم وبعد نقاش رضيوا انهم يسلون امي الله يسعدها والحمدلله زانت الامور

    ومن ناحية الوالد الله يسعده صارت لي سواليف معاه كثيرة حتى وافق في البداية قال لا قلت مرة قال ايه قلت خلاص فرصة طيبة تقابلنا وفرصة تعرفنا عليك وانا رايح رايح ( والله قلتها ماني صادق بالله ما احد يهاوشني )
    وبعد فترة قال خلاص استخر والله يوفقك والله يبيض وجهه هو اللي وقف معي بعد ما اقتنع بالفكرة ووقف في وجيه جماعتنا حتى طلعت على خير

    ولا صدقت اني بأجي الا يوم وصلت امريكا
    وحتى اول الايام ما كنت مصدق والله

    وتوصلون بالف سلامة حبايبي ولا تنسون ترقون انفسكم وتتعوذون بالله من شر حسادكم تروا العين حق

    وانصحكم لا تشمتوا على احد وتحسون انفسكم احسن منهم انتو طلعتوا وهم لا ترون والله عاقبة الشماته سريعه وكل شي ممكن تتأجل عقوبته الا الشماته والله ما اذكر اني شمت في احد الا وجنيت ثمرتها بسرعه وتخيلوا الله لا يقدر بعد سنه ونص ما تجتازون اللغة ويرجعوكم وتصيرون مضحكة حسادكم

    الله يحفظكم ويسعدكم وتوصلون بالف سلامة
    إضافة مميزة

    +1

    اللهم آمين يارب ..

    شكراً لك
    7 "
  4. المشاركة الأصلية كتبت بواسطة Mohammed ALmousa
    شف حبيبي
    انا اول كنت اكره نظااااام اسمه مصلحجيه

    لكن الدنيا ما تمشي اللا كذا
    مصاااااااااااالح
    وافضل لك تقوي العلاقه معهم
    قليل تعرفهم ما بينك وبينهم مصالح

    وهم دايما يكونوا اعز الناس لك
    صحيح ..

    افهم منك ، إنك تحاول توصل مبتغاك قبل هم مايوصلون مبتغاهم منك

    شي حلو
    7 "
  5. المشاركة الأصلية كتبت بواسطة arroori
    والله الموضوع احس انو فعلا كثير ناس يواجهو هذا الشي....بس انا اظن انها ماهي حسد قد ماهي لقافة...يبغو يعرفو فين رحت وفين جيت ومع مين وايش تدرس وكيف البلد وكيف الناس ويا سلام يا بختو بيتمشى وبينبسط واحنا عيالنا هنا لا احد راح ولا احد جا.. هوا اللي حيشوف الدنيا واشمعنى...عارف؟؟؟ ومن دا الكلام....
    انا رأيي انو اعملهم آد واتكلم معاهم كم مره وخبرهم عن البلد وكده بس لا تقول كل الحقيقة يعني لا تبين انك مبسوط والمعهد حلو وكده..لأ...خلي امورك طبيعية...بعدين بلووووووك وانتهى الموضوع...وفي الاعياد ورمضان ممكن تكلم مثلا على بيت جدتك وتسلم عليهم وتكلم الموجود...اللي مو موجود وقتها قول سلمولي عليه...وبكده انت انتهى دورك..وسويت اللي عليك ولا زعلت اهلك منك..

    واهم شي انو هذا كلو بس عشان تدخل في دائرة صلة الرحم ان شاء الله...

    اتمنالك التوفيق ونصيحة لا تفكر فيهم كتير...خليك اناني في دي الفترة وفكر في نفسك ودراستك بسسسسسسسسسس
    أكره اللقافة

    ومستحيل أكذب علشانهم ،

    آمين يارب

    شكراً
    7 "
  6. المشاركة الأصلية كتبت بواسطة Golden Eagle
    [/COLOR]



    أخوي TIGER

    السلام عليكم ورحمة الله وبركاته

    حبيت بس اقولك شي صغير والله يوفقك بحياتك

    صف نيتك عشان الله سبحانه وتعالى يرزقك


    موفق خير ان شاء الله والله يوفقنا جميع
    جزاك الله خير أخوي

    ذكرتني بشي كنت غافل عنه

    آمين يارب
    7 "
  7. المشاركة الأصلية كتبت بواسطة دندونة الكون
    اولا اخوي

    انا من النوع اللي اعطي كاااش ف الويه ( احيانا ) ... يعني اذا الموضوع واضح انه مصلحه على طوول اقولهم انهم مصلحجيه ... لكن لازم افهم الموضوع قبل

    يمكن عماتك او اعمامك بس حابين يتطمنون عليك ويمكن ما اقول اكيد وما ابي اضن فيهم ضن سيء لانه يمكن نيتهم شينه

    ومعاك حق يمكن هم يبون يتفاخرون فيك جدام الناس وهاي شي كلش مب حلوؤوؤ

    لكن انت قولهم في وجهم ما تذكرتوني كل هالفتره والحين عرفتوني ؟!؟!! وتفاهم معاهم ومع كلمة ( المصلحجيه ) .. يمكن انت اصلن فاهم الموضوع غلط لكن قولهم اللي قلت لك اياه وشوف شنو بيسوون ؟؟ يعني يمكن مو مصلحجيه مثل ما يقول البعض

    والله اعلم



    بالتوفيق ان شاء الله
    الله أعلم بالنفوس ..

    أما تعطينهم كاش بوجيههم كذا تزيدين الطينة بلة

    آمين يارب
    7 "
  8. المشاركة الأصلية كتبت بواسطة NORA.S
    الله الهادي و اكذب الحديث الظن..عامل الناس كما تحب ان يعاملوك
    المشاركة الأصلية كتبت بواسطة Be4
    قاعدة خلها في بالك ( دامك من الناس مالك غنااا عن الناس )

    وصف النية ,,
    المشاركة الأصلية كتبت بواسطة haitham halim
    معليش خليك انتا الكبير

    المشاركة الأصلية كتبت بواسطة ALN
    أخوي هذي صارت معي .. ولكني مع الطرف الآخر .. أنا كان عندي اخويا .. علاقتي مهم جيدة لما كنا في السعودية بالعكس ما أحرص عليهم مع أن بعضهم واصل .. ولكن لما سافروا حنيت لهم وأحسست بالذنب وصرت أتواصل معهم حتى أعوض ما فات .. والتواصل الحقيقي لما تكون بعيد عن الناس ولا تستطيع عمل شيء لهم ..
    /

    جميل جداً .. شكراً لكم


    /


    المشاركة الأصلية كتبت بواسطة ريم المدينه
    نفس الشيء صار معـآيٍ


    وأنـآ أقولكٍ

    (عـآملهمٍ بـٍ أصلكٍ وـأخلاقـكٍ ,, وأتبـعٍ سيئـآتهمٍ حسنــآتٍ .. وخـآلق النـآس بخلق حسـنٍ)

    موفق




    أعجبتني ياريم العبـــارة وغيرت طريقة تفكيري

    +1

    /

    المشاركة الأصلية كتبت بواسطة عناب
    تايجر لا تزعل مني

    كلام الهايم صحيح

    عماتك وعمانك انت اللي مفروض تسأل عنهم وتزورهم

    واذا على قولتك صاروا يسألون عنك يوم ابتعثت
    هذا يدل على حبهم لك وخوفهم عليك وانت برا

    وما أدري وش اللي راح يتغير في نظرك اذا صرت مبتعث وتدرس برا؟

    ماتغير شي أنا قلت الي أشوفه مازدت ولا نقصت وأعتقد أنت ماشفت ردي على الهايم

    /

    المشاركة الأصلية كتبت بواسطة فضل الفران
    هههههههههههه . ياخوي ضحكتني .
    وش ليهم مصلحة في أمريكا عاد إللي يسمعك إنك في الجنة وترى حفنة تراب من بلدك أفضل وأشرف من أمريكا كلها .
    وعالعموم إللي ماله خير في أهله ماله خير في أي أحد .
    وربي يحفظك ويسعدك .
    /

    طيب يالحبيب ماشفنا خير منهم أبداً أبداً ، وكويس إني ضحكتك .. آمين

    /

    المشاركة الأصلية كتبت بواسطة xopl
    احلى ياللي بيحتل العالم



























    لا تزعل مني بس تراك في امريكا لا اكثر ولا اقل وبالنسبه لعمامك انت اللي تسال عنهم مش هم اللي يسالون عنك ياصاح.
    وعلى فكرة السعوديين اللي هنا اكثر من اللي في السعوديه ^^
    god bless you dude
    ترى في فرق الي جاي سياحة والي جاي يدرس .. ترى في فرق الي يدرس لغة والي يدرس لغة وجامعة .. ترى في فرق الي يدرس هندسة والي يدرس إدارة أعمال ..

    الي يجلس بأمريكا يومين ويرجع السعودية تشوفينه إنجاز ؟؟؟؟ أمحق

    لو على قولتك كلن يجي أمريكا هم ليش ماوصلوا لها رغم إنهم يتفوقون عليّ نفسياً ومادياً !!!!!!

    ولا تزعلين مني أعتقد أنتِ من نفس طينتهم
    7 "
  9. * تعلمت إني أكون حليم وصبور ومعاملاتهم على نفسهم هذا يدل على تدني أخلاقهم والي يحاسبهم ربي ماهو أنا .
    * ممكن يكون اختبار يبيّن معدنك !
    * اتخذ رسول الله صلى الله عليه وسلم قدوة لك .

    /

    كنت بحالة عصبية وبحالة تفكير وتشتت ، ولكن تعوذت من ابليس وصليت وذكرت ربي والحمد لله ارتحت

    والفضل بعد الله أنتم ، بعض الكلمات أيقظتني من نوم عميق ، فشكراً لكم

    من صفات الرسول صلى الله عليه وسلم إنه قليل الكلام وكثير الصمت ، لذلك سوف أتواصل معهم " رسميات فقط " من باب صلة الرحم

    سبحانك اللهم ربنا وبحمدك أشهد أن لا إله إلا أنت استغفرك وأتوب إليك
    7 "
  10. وعليكم السلام ورحمة الله وبركاته

    أخي تايقر خلك جبل والجبل ماهزه الريح ترى الأقارب يجي منهم الحالي والحامض

    ولكن أنت تغاض عن اللي صار وابدأ صفحه جديده والله ماتندم وصدقني تدعي لي

    أنت بتجي إجازه وتشوف الترحيب والإستقبال والتهاني والعزايم

    يقول شايب عندنا لولده ياولدي أطعن عدوك في بطنه .................... يقصد أكرمه أمل بطنه يموووووت غبن وقهر

    ولاتحسسهم إنك شايل عليهم شي نصيحه أرم اللي في بالك ورا ظهرك

    والخلاصه صار لي مثلك والأمور تغيرت اللي كانت تواجهني والحمد لله الآن أتوقع مايشوفون إلا انا.

    ويمكن يدعي لك أحدهم دعوه طيبه قد تنفعك

    وبعدين يمكن تحدك الحاجه نصيحه مالله ما انت خسران والله ما أنت خسران

    والله يوفقك في الرحله العلميه ومزيدا من التفوق والنجاح
    7 "
8 من 9 صفحة 8 من 9 ... 3789
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.