ارغب في تجنيس ابنائي

اهم شي عندك الفيزا .. لأنهم في العادة يرفضون الحامل انها تطلع فيزا .. الا بعد الولادة
ثانيا كثير من شركات الطيران ترفض اصعاد الحامل بأكثر من 7شهور الى الطائرة ولكن اذا تم المضيفيات عندهم خبرة يتعاملون مع زي كذا مواقف يعني بس خل بالك على هذي النقطة واسأل الدكتور حقكم في السعودية اذا بيكون خطر على الجنين رحلة 14 ساعة؟؟
ثالثا الله يعينك على المصاريف لأنه من جد غالية غالية غالية
انا بس سويت اشعة وفحص بسيييييييييط وطلعت ب 700 دولار الحمد لله عندي تأمين غطاها .. يعني اذا الفحص ب 700 دولار بكم الولادة فراح تكون نار ولازم تكون حاسب حسابك .. لو تروح ولاية ما يكون فيها تاكسس يمكن تكون احسن لك
بس اذا الفلوس الحمد لله جاهزة وامورك سليمة توكل على الرحمن.. وانت تصير مخول تآخذ قرين كارد

ان شاء الله احد يفيدك من ناحية الولايات الزينة
الله يرزقك الذرية الصالحة ويكتب لك الخير حيث ما كان

انا لما كنت بالسفاره انا و زوجتي اتذكر مساعدة القنصل سألت زوجتي " انتي حامل ؟"
الشي الثاني اعتقد ان لهم انظمه مايعطون الجنسيه الا للي يكون ولادتها بعد دخولها امريكا 8 شهور

السلام عليكم ورحمة الله

مجرد ما ينولد الطفل في أمريكا يقوم المستشفى بإرسال الأوراق إلى مكتب المواليد الجدد في المدينة التابع لها حتى يتم إصار شهادة الميلاد. وقت ما تصدر شهادة الميلاد يعني الطقل عنده الجنسية الأمريكية

طبعا مولازم تخبرون موظفي السفارة بأمر الحمل. إنت مو أول واحد ولا آخر واحد ينوي السفر في وقت الحمل

بالنسبة حق صعود الطائرة، تقدر تجيب نموذج موقع من الدكتورة تفيد بأن المرأة الحامل تستطيع السفر. أعتقد ان النموذج تخصل عليه من شركة الطيران أو المستشفى. لكن أعرف ان شركات الطيران لديها مثل هذا النموذج.
بالنسبة لتكاليف الولادة في حالة وجود تأمين طبي، الفاتورة مكلفة جدا. حوالي 6000 أو 8000 دولار فقط للولادة. وأيضا حوالي 2000 دولار للاعتناء وفحص المولود الجديد ليومين أو ثلاثة. ليس عندي علم عن التكلفة في حالة عدم وجود تأمين

أيضا، لازم تعرف إن مسألة الأوراق الرسمية مثل شهادة الميلاد ورقم الضمان الإجتماعي تأخذ وقت مابين اسبوعين إلى 10 أسابيع. وبعدها يمكن الطلب على الجواز الأمريكي وهو أيضا يحتاج حوالي اسبوع 4 أسابيع، ولكن في شركات تقدر تخلص لك الجواز في وقت أسرع لكن بسعر أغلى

وطبعا لازم تخبر السفارة السعودية عن المولود الجديد وطلب تذكرة مرور مؤقته ، يعني جواز سفر لمرة واحدة فقط ، بالإضافة إلى طلب ترجمة وتصديق شهادة الميلاد حتى تقدر تصدق شهادة الميلاد من وزارة الخارجية بعد الرجوع للمملكة

إحذر انك تروح السعودية وما عندك جواز سعودي مؤقت للطفل، وإذا أخبرتهم إن الطفل لديه جواز أمريكي فللعلم أن موظفي المطار لديهم الحق بسحب الجواز الأمريكي ، يعني لا قدر الله تسوي لنفسك سالفة ودوارة بين السفارة الأمريكية والسلطات السعودية ، ويمكن يرجع الجواز ويمكن لا

معلومة أخيرة،إذا ما كان عندك وقت إضاقى لاستخراج الجواز الأمريكي ولكن عندك شهادة الميلاد ورقم الضمان الإجتماعي، تقدر ترجع السعودية بدون ما تصدر جواز أمريكي أثناء وجودكم بأمريكا ، أي باستخدام الجواز المؤقت للمولود، وبعد ذلك يذهب الأب والأم معا للقنصلية الأمريكية ويحضرون شهادة الميلاد ورقم الضمان الإجتماعي ويقدمون طلب اصدار جواز أمريكي.

للمعلومية ما كتبته هو عن تجارب شخصية لعدد من الطلبة السعوديون ، وما نقول الا الله يسهل عليكم وبالتوفيق إن شاء الله

الاخوان ماشاء الله ماقصروا.

بغيت أضيف نقطة أخيرة ، وهي أن والديّ الطفل لايحق لهم التقدم بطلب الاقامة الدائمة (Green Crad) لمجرد أن ابنهم مواطن. يجب أن يبلغ الطفل 18 عاما ، ثم بامكانه بعد ذلك التقدم بطلب الاقامة الدائمة لوالديه.

هذا الكلام عارٍ عن الصحة

كندا يطلبون تحليل دم ولا تمنح الفيزا الا بعد الدولادة, ولكن امريكا يمنحونها حتى لو كانت حامل

يمكن سؤال فضول وميانه

زوجتي حامل وبجوارنا بالطيارة مبتعثة في نهاية الشهر الثامن واثنتين من اللي زاملوا زوجتي في الدورة الالزامية اخذوا الفيزا رغم الكرش

الشكر الشكر للجميع على الردود التي سعدتني وجزاكم الله خير وانس لكم غربتكم وسهلكم دراستكم اخواني الاعزاء

مشكورين اخواني ماقصرتو والي عنده افاده عن الاسعار الولاده وتكلفتها وهل في تامين يغطيها سواء من مكاتب الطيرانالي في جده او من نفس المدينه الي رح اقيم فيها