الأعضاء الإشتراك و التسجيل

الملتقيات
ADs

هل من حق الزوج الزواج من اخرى اذا رفضت زوجته الابتعاث معه

هل من حق الزوج الزواج من اخرى اذا رفضت زوجته الابتعاث معه


NOTICE

تنبيه: هذا الموضوع قديم. تم طرحه قبل 2782 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. والله وانا اخوك موضوعك له اكثر من حل
    بس الواحد منآ يدور الصعب
    سهل الامور تسهل معاك
    من الحلول الي ذكروهآ لك الشباب كلمهآ
    والمثال الي يقول كثر الدق يفك اللحام ماجاء من فراغ
    غير كذا عندك حل ثاني انك تقدر تروح لوحدك مايحتآج زوجتك تروح معآك
    فـ وين المشكله لو رحت انت وخل زوجتك على راحتهآ
    المهم المهم خذ الحلول السهله الي ماتخلف اثر لا عليك ولا على زوجتك ولا على بيتك
    فـ وانا اخوك خل زوجتك عندك وخذ الامور بحكمه والكلام المعسول يفيد مع النساء
    اجل ما في المرأه عاطفيتهآ بكلمتين بإذن الله بتلين معآك

    والله يوفقك وييسر لك امرك
    7 "
  2. عزيزي انا ابقولك شي ..

    انت واضح انك السالفة عندك طواري .. يعني طرأت لك فكرة الابتعاث وقلت خلني اسافر اروح ادرس بدون ماتاخذ الموضوع من كل نواحيه وتدرسه .. وبدون ماتحط في بالك ان شريكة حياتك لها درو في اتخاذ القرار .. لا وودك تسافر الحين بعد .. يعني لعبوني ولا بخرب ..


    انت كم سنة لك متزوج .. سنة سنتين .. ما اتصور اكثر من كذا اذا كنت تقول زوجتك عمرها عشرين وانت واحد وثلاثين .. لذا ياعزيزي لاتصير تكروني .. يوم اقتنعت بالفكرة قلت علي وعلى اعدائي .. فكر بشريكة حياتك وزوجتك اللي مفروض انها تقرر معك مستقبل حياتكم ..

    هل فكرت انك تنتظر زوجتك حتى تتخرج من الجامعة .. وبعدين تروح انت واياها تدرسون ماجستير .. هل فكرت انك تأجل الموضوع كله سنه او سنتين وتحط ببالك انك تخلي هالفترة فترة اقناع بالتي هي احسن لزوجتك .. لأنه واضح انكم لاتعيشون سويا .. لذا الحميمية قد تكون مفقودة بينكم .. والا حنا نعرف ان الزوجة بدرب زوجها وين ماراح راحت معه .. لكن هذا لما تكون تحبه وتغليه وتشوفه الدنيا كلها .. لكن لما تكون انت حاطها فقرة في الحياة ممكن انك تتجاوزها وتروح لغيرها .. فلا تنتظر منها تضحية عشانك .. عشان كذا الامور تجي بالسياسة والحب واللين .. وفيه دليل ثاني على كلامي .. انه بنات هالزمن يحبون الطلعه والسفر برا والروحة والجية .. لكن لما تجي واحدة عمرها 20 سنة يقولها زوجها يالله نسافر تقول ما ابي .. انا يجيني تساؤل هل انت أكرمت زوجتك وملكت قلبها وجعلتها لاترى الابعينيك ولا تسمع الا بأذنيك .. او انها تمنعت من السفر لانها تتخوف انها تسافر معك لانها لاترى منك اسلوب راقي في التعامل معها


    عزيزي الامور اعمق من الطريقة اللي انت تفكر فيها .. انت ودك تروح تبتعث .. زوجتك مالها رغبة .. تقولها اذا ماراح تروحين معي راح اتزوج عليكي واروح .. بالله ما تضحك على نفسك وانت تقرا هذا الكلام .. يعني ماتحس انك مع احترامي لك تفكر بسذاجة وسطحية .. واعذرني على هالعبارة .. هل فكرت لما تنتهي السنتين او الثلاث وترجع للسعودية .. وش راح يكون وضعك ووضع الزوجتين .. او تبي تقولي انك تبي تطلق الاولى بعد عشان تكمل السالفة .. هل زوجتك الاولى ستعدل معها .. وتعطيها كافة حقوقها الزوجية ام ان اهم شي انك تحقق طموجك وزوجتك بالطقاق ..

    عزيزي .. واضح انك كتبت الكلام قبل ماتفكر فيه .. انا اشوف انك تغصب زوجتك تروح معك .. افضل من انك تقول ابخليها واروح اتزوج عليها .. انا ابسألك سؤال اخير .. لو قدر الله انك دخلت السجن .. لأي سبب كان .. هل تتوقع ان زوجتك راح تجي وتقول لك طلقني انا ابغى اعيش حياتي واتزوج رجال ثاني واحقق احلامي بالحياة .. او راح تضحي وتصبر معك وتنتظر حتى تعدي محنتك ..
    الجواب هو اللي يحدد قرارك في هالمسألة ..

    والسلام .. ( يازين العزوبية بس )
    7 "
  3. ابو ربى

    انا نصحت الرجل ( صاحب الموضوع) بعض النصائح

    وكان يتخلل هذا النصح بعض المزاح ( ملكات جمال و و )

    مايستاهل الامر تبرر لي

    وبعدين ياخوي الاوربين والامريكان مافيهم جمال يعني

    مافيهم اجسام طويله وبياض وشقران وعيون الوان

    تقولي وصخين

    هههههههههههههه

    القبيح قبيح لو يتفرك بليفه مخمره بكلوركس وش بيصير يني

    وبعدين مين جاب موضوع انو السعوديات اجمل و و و

    انت تبي تشبها بيني وبين اخواتي السعوديات

    يعني يومي اقول ملكات جمال بأمريكا


    يصير مافي العالم كله ملكات جمال

    وبعدين البنات عندنا متسترين ولله الحمد

    مانشوف شي

    نسمع بس



    بس هناك عريانين

    يعني تظهر لك البنت بكامل جمالها

    هههههههههههههه


    الزبده ياصاحب الموضوع

    نصيحتي لك

    اطلع وخل زوجتك تكمل جامعتها في بيت اهلها وانت سافر

    وادرس ولايهمك ترى مافي ملكات جمال بأمريكا وحتى لو حصلت بتلقاهم خايسين على كلام ابو ربا يقول عده خبره من عام 2003 إلى

    هههههههههههههههه

    يعني مافي فتن هناك


    وانشاء الله بعد 3 سنوات ترجع وانت ماجستير وزوجتك جامعيه

    بالتوفيق حبيبي
    7 "
  4. اخوي فهد ليه تحمل بعض الاعضاء مسئولية


    ياخي صاحب الموضوع إنسان واعي وفاهم

    وهو الي طرح الموضوع برغبته

    وهو متوقع اكثر من جواب

    يعني الوضع مافيه مشاكل

    وابي ابين نقطه

    الطلاق يهتز له عرش الرحمان

    وابليس ينبسط إذا طلق الزوج زوجته

    فماله داعي يطلق عشان دراسه

    انت ياللي بتدرس

    ليه بتدرس؟

    اكيد تبي ترتقي بنفسك

    طيب وبعدين إذا ارتقيت لمين؟

    اكيد لنفسك واسرتك

    طيب شلون تطلق او تفكر كذا




    الله يوفقه انشاء الله

    وعاد إذا اتخذ قرار معين

    يسأل اهل العلم والمشايخ لعلهم ينصحونه

    والله يوفقه انشاء الله ويوفق الجميع
    7 "
  5. يؤ موضوع غريب شوي << توها ماأستوعبت ؟ كل هذا عشان دراسه مسوي هالزحمه ؟

    امممممممم الموضوع حريه شخصيه والرد هم حريه شخصيه

    ماأقدر أعلق أكثر من اخواني الي ردو ع الموضوع بس أتفق وبشده مع الأخ ( فهد ) والأمر راجع لك بالأول والأخير
    7 "
  6. يالغالي

    الامور ماتاخذها بهالطريقه

    في شي تروح لم زوجتك بما ان عمرها 20 سنه تعتبر صغيرهـ وعقها شوي يبيلك تمسكها وتقعد وياها وتحاول بها ان هذا مستقبل ومن هالكلام الزين ليمن تلين راسها وبتوافق ..

    ام تجينا بحالة هياط اتزوج عليها..انت اول حاول وقردنها يمين ويسار ليمن تقتنع قلها هذي اخر فرصه بحياتي وعندي بعثه ولا ابي افرط بها اذا انتي ماهمك دراستي قلها الله يستر عليك ورثة طلاقك جايه لك ويسهل امرك انشالله


    وفكر ترى الاسلوب الطيب والزين يمشي مع البنات
    7 "
  7. المشاركة الأصلية كتبت بواسطة مان
    أخوي فهد .. ما هكذا تورد الإبل !

    لنفسك حق الصمت إن لم يكن لديك المشورة المناسبة .. الرجل سأل سؤالاً يليق بمقتضاه كقضية إجتماعية وليست مسبّة شخصية وجهها لك .. إني أقدّر لك التصرف السليم والكلام الجميل في حفظ الحقوق الزوجية ولكن يا أخي .. لا تكن ليّناً فتعصر ولا تكن قاسياً فتكسر .. والإعتذار للأخ كاتب الموضوع نيابة عن جميع من واجهك بالهجوم أو التجريح أو النقد الغير بنّاء ونيابة عني شخصياً .

    أحب أوضح لك نقطة أخي كما تدين تدان .. أنه إن للمرأة ظروف لا يفهمها إلا المرأة .. إن كنت لا تستطيع فهم هذه المسألة من زوجتك العزيزة فافهم عنها ظرفها أو سببها للرفض عن طريق شخص آخر ( ولا تضيع على نفسك فرصة إكمال التعليم أبداً أبداً ) .. بالنسبة للنساء أخي كما تدين تدان ولست عالماً فيهن .. يجب أن تأخذك فيهن الرأفة واللين حتى وإن كانت خلاف ذلك تماماً .. فمن لها غيرك وغير أهلها ؟

    الرسول صلى الله عليه وسلم وصّى بالنساء خيراً وقال استوصوا بالنساء خيراً .. ولعله خير .. ولعله لدينك ودينها خير إن شاء الله .. فأنصحك أن تعمل ما هو آتي فضلاً لا أمراً :

    01- خذ الموضوع بكل رحابة صدر وسعة صدر وإيجابية ولا تجعل هذا الشيء باب إرتداد لقوامك الدراسي .
    02- أعذر المرأة ثم أعذرها ثم أعذرها لطبيعة خلقها وكيانها حتى ولو كانت أقرب الناس إليك .
    03- إجعل من هذا الموقف ما يزيدك قوة نحو الأمام لا قوة تتراجع بها عن فكرك الرئيسي وهدف السامي .
    04- أدع الله لها أن يرقق قلبها لك ويرق قلبك لها .
    05- من إيجابيات عدم ذهابها معك هو أن تستكشف ما يجب استكشافه في رحلتك كرجل وليس كعائلة .
    06- تحمّل وكن مالكاً لقلب الرجال وابتعد عن نقاط الخلل العاطفي في العلاقات الزوجية وغيرها .. وإن كانت هذه النقطة هي نقطة بداية خلاف فاترك المجال لغيرك حتى يحكم ويقرر مصيره كيف يشاء في أمور أنت تدرك تماماً مداها وعقباها .. فلن تتركها وحدها بل ستذهب إلى أهلها وهناك الأمان حيث ولدتها أمها .
    07- لا تضغط ولا تسرف وتبالغ في المسائل العاطفية وتكون صاحب رد فعل عقابي لشيء يشترك معك فيه رأي إنسان آخر إلا في ما لا يرضي الله سبحانه وتعالى .
    08- كن أنت الألطف والأرحم وقل لها ( من عيوني ) وين ما تشوفين راحتك قرري .
    09- قد تسكن مع عائلة مؤقتاً فلن تسعك مسألة الراحة النفسية .
    10- لا تفكر أبداً في الزواج من أخرى .. فبالتالي ستزداد شغلاً عما أنت عليه من هدف سامي وستقتلك الغيرة .
    11- كن رجلاً قوياً يصبر في الشدائد والمحن شاكلةً وقولاً وفعلاً .
    12- عندما يراودك الشعور بالغضب والوسوسة مرة أخرى ( كيف كلامي ما يمشي .. كيف ما جت معي .. ليش ما تبي ترافقني ) وعندما ينتابك الشعور لتتزوج من أخرى لغرض السفر .. إقرأ النقطة رقم 1 حتى 12 .


    تحياتي لك وأتمنى لك التوفيق

    اتمنى لك التوفيق

    مان ماقصر ونصيحتي لك اذا انت بتدرس لغه اولاً فلا تصلح العائله معك خلص اللغه وتفاهم معها خاصه انها متعلمه وفاهمه وخذها معك اذا بدأت تدرس في الجامعه
    7 "
3 من 8 صفحة 3 من 8 ... 234 ...
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.