الأعضاء الإشتراك و التسجيل

الملتقيات
ADs

هل من حق الزوج الزواج من اخرى اذا رفضت زوجته الابتعاث معه

هل من حق الزوج الزواج من اخرى اذا رفضت زوجته الابتعاث معه


NOTICE

تنبيه: هذا الموضوع قديم. تم طرحه قبل 2747 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. وانت اول الحلول عندك الزواج !! عجبي

    ترا الزواج الثاني عمره ما كان حل لمشاكل البيت الاول .. يعني لو صارت لك مشكلة مع الثانية بتتزوج الثالثة وهكذا ؟

    المشكلة انك انت الكبير 31 يعني المفروض تكون الاعقل والاحلم

    البنت لسا صغيرة 20 سنة انت اخذتها اصغر منك بكثير لازم تتحمل هالشي .. ولازم تفهمها وتقنعها

    قول لها انه الرجال ما يقدر يعيش لوحده فترة طويلة .. وانا انسان ما ودي تزيغ عيني لما حرم الله .. اذا ما بتجي معاي راح تكوني انتي السبب
    يعني كلمها مرة ومرتين وثلاث وكلم امها او اختها الكبيرة تفهمها
    هم حريم ويعرفوا يتفاهموا مع بعض


    بالنسبة لدراستها تتركها ولا لأ على حسب ..
    اذا هي قطعت شوط طويل في الدراسة يعني سنة ثالثة ولا رابعة هنا حرام تقطعها عليها ..خليها تخلص دراستها وبعدين تلحقك

    اما اذا توها سنة اولى او ثانية بالجامعة هنا ممكن انها تقطعها وتجي معاك ..
    الجامعات بالخارج ممكن تعادل لها بعض المواد اللي درستها

    المهم انك ما توقف في طريق اكمال دراستها ابدا


    البنت لو حست انك فعلا بتخليها تكمل وتدرس بدون مشاكل مااظن ترفض
    لكن تفصلها من جامعتها وتطلب انها تجي معاك مرافقة لا شغلة ولا مشغلة وانت تنجح وتتخرج وهي تخسر دراستها وترجع ايد ورا وايد قدام اكيد مافي بنت في العالم راح تقبل هالشي
    قمة الانانية لو كنت تفكر كذا

    اعطيها الضمان انها راح تكمل دراستها
    وقدم لها على الجامعات من الان
    متأكدة لو جبت لها قبول في الخارج راح تتحمس وتوافق
    مافي بنت بهالزمن ما تتمنى الدراسة برا والعيشة برا


    اما اذا جبت لها قبول ووضحت لها كل الامور ودراستها ماراح تخسرها ولا في اي مشكلة ولسا معاندة وماتبغى السفر بتاتا .. بهالحالة يحق لك اما الطلاق او الزواج الثاني
    بس بعد ما توضح لها كل شي .. وهي واختيارها
    7 "
  2. كما تدين تدان
    كلما واقتعها واعرف اسبابها اذا لقيت الرفض التام سافر لوحدك ((مو عشان تتزوج ولا شيء لا ))
    عشان طال عمرك تكون عارف المكان صح وعارف امورك كلها وغير كذا من الاساس كل واحد فيكم بعيد عن الثاني
    بعد ما تخلص دراستها صدقني لو تقولها تعالي كملي معاي والله اضمن لك 60% بتجيك لانها خلصت دراستها واكيد تبي تكمل
    واسمح لي حلك انك تتزوج موب حل ابد

    تحياتي لك
    7 "
  3. اخوي انا اعرف واحد هنا مبتعث معانا بنفس المعهد متزوج وترك زوجته وبنته بالسعودية لأن زوجته بنفس حال زوجتك باقي تدرس وقالي انو يخطط بعد إكمال المعهد يجيب اهلو ويصيرو مرافقين معاه,,شوف الأدمي كيف صابر سنة كاملة مايبغى يخرب زواجه فكلها سنة وتكمل زوجته البكالوريس وتطلع عنده,,ياخي اصبر انت اطلع البعثة وشوف الوضع كيف راح يتغير 180 درجة,,,اول شي زوجتك راح تشتاق لك وتتمنى تعدي الشهور الباقية على دراستها عشان تطلع عندك وانت بعد راح تشتاق لها

    نصيحتي لك لاتخرب زواجك كمل معهد اللغة وراح تتيسر ان شاء الله
    7 "
  4. هلا اخوي ( كما تدين تدان )

    نصيحة من اخو >> لا تتزوج ابداً
    وشيل هـ الفكرة من بالك
    وبما ان زوجتك عند اهلها خارج مدينة الرياض وانت بالرياض
    فـ مثل ماقالوا الاخوان قبلي روح الله يوفقك او حاول تقنعها
    عن طريق اقرب الناس هي تسمع كلامه يعني مثلاً امها او اختها
    او او ،،،،

    والبنت لسى صغيره حرام تتزوج عليها وتقهرها وتحطمها
    في بداية حياتها الزوجية ،، اصبر وحاول تقنعها ولا تفكر
    تتزوج ابداً ،، والله يسخر قلبها لك وتوافق ويخليك لها ..


    كـــل التقدير ،،،،،،،
    7 "
  5. المشاركة الأصلية كتبت بواسطة مان
    أفضّل أخي ( كما تدين تدان ) أن أشكرك على اختصاصك بإسمي في هذا الرد على أن أرد على التفاهات والردود الأخرى الموصوفة بالعنجهية كأصغر وصف غير متعدي .. ولا تقلق لأن الله وحده هو يعلم ما تسر النفوس وما تعلن .. لما تجد ناس تتصرف بغلظه تنفر الناس من حولها ومن رأيها ولو كان سديد .. الله سبحانه وتعالى يقول في محكم التنزيل ( ولو كنت فظّاً غليظ القلب لانفضوا من حولك ) سورة آل عمران الآية 158 .. أعطي لنفسك المجال والهدوء في تهدئة الأمور وامسك العصا من المنتصف ولتكن العلاقات هذي كما قيل عن شعرة معاوية .. إن شدّها أحد من الطرف الآخ فارخها قليلاً وكن عقلانياً .

    الصبر جميل وانا اخوك .. وحط في بالك بأنه : عسى أن تحبوا شيئاً وهو شر لكم وعسى أن تكرهوا شيئاً وهو خير لكم .. وفي جميع الأحوال إجعلها بحسن النية والأخلاق وابتسم وأنت تسمح لها واجعلها من القلب للقلب ليست عن كره أو إجبار وبإذن الله سترى الأمور تختلف بشكل تام ولو قدرت تروح انت ويا عيالك وتعتمرون في مكة قبل ما تسافر يكون سويت الخير كله لنفسك وأهلك .

    نصيحة :

    أكتب ثم أكتب ثم أكتب .. فضفض وتكلم وقل ما في نفسك بالشكل الموازي للحنكة والعقلانية .. ولا يكن في داخلك من يشدك عن شؤال المشورة أو الاستفسار أو الاستعلام عن أي ما يبدوا لك أو يخفى .. الحياة ثقيلة عندما تكتمها في داخلك ولا تجعل من يضغط على قلبك ولسانك يريدك أن تلتزم بالكتمان .. فأنت رجل سوي بالفعل ولا تحتاج إلى أن تتلقّى هذه الكلمات من أحد ولكنني في مقصدي الرد على أطراف هاجت كقطيع الغنم المحبوس عن الأعلاف .


    شكراً لكم جميــــــــــــــعا وأسعدتني مشاركتكم .
    مان
    عجبي لك تأمره باللين وحسن الخلق بالتعامل مع الناس ومع زوجته بالخصوص وانت فقدت هذه الصفات لمجرد نقاشي لردك!! فانظر كيف ازبدت وارعدت لمجرد خلاف في الرأي في الموضوع ووصفت مخالفيك كالبهائم!! يالحسن خلقك
    عجبت لك تأمره بحس الخلق وانت سيئه!! الم تقرأ تنبيه المنتدى قبل كتابة الرد؟(قارن بين المضلل باللون الاخضر والاحمر)

    سأكتبه لك لتتعلم ادب الحوار
    • الإختلاف في وجهات النظر لا يعني بداية خلاف حيث إن الإختلاف لا يفسد للود قضية وهو سنة من سنن الحياة.
    • سلعة أعضاء مبتعث هيا الإحترام المتبادل فنرجو أن تعطي ما تأخذ.
    • أعلم أن ما تكتب قد يطلع عليه عدد لا محصور من الزوار لعدة سنوات قادمة.

    كتبت لك في ردي عليك نقاط لم تقدر على ردها الا بالسب!!وهذا اسلوب من كانت بضاعته مزجاه

    مشاكل الحياه ليس حلها الخطابات الانشائيه برص السطور عن حسن الخلق والتعامل ...لأن الواقع وكما يعرفه اهل الخبره تستدعي العقلاء من الطرفين
    فالايه الكريمه( فابعثوا بحكم من اهله وحكم من أهلها#ان يريدا اصلاحا يوفق الله بينهما) تشترط صلاح النيه اولا وصلاح الحكمين بأن يكونا من اهل الرأي والحكمه فالامر ليس عرض الموضوع في المنتدى لاستطلاع الرأي والاستئناس به والتصويت عليه
    فهو لا يخص صاحب الموضوع فقط بل يخص زوجته ايضا !

    بعض الاخوه يعترضون على كلمة مجاهيل ويفضلون حل مشاكلهم بالانترنت فاقول لابأس لو كان الموضوع يخصك وحدك ولكن
    هم مجاهيل اي لاتعلم قدر عقله ورجاحة رأيه فبعضهم فشل في حياته الزوجيه او لم يتزوج اصلا!! فاقد الشي لايعطيه

    بل لعل فيهم من نقص العقل مايفسد رأيه ومعيشتك فتأمل هذا!!!
    انا افضل عرض اموري على اناس اثق برايهم ويهمهم امري قبل اتخاذ الرأي
    لا افضل عرض اموري الخاصه في الانترنت لمجاهيل يهمه ان يعطي رايه فقط

    هل رأيتم من صاحب الموضوع بأنه ذكر ذهابه لاهل زوجته وطلب منهم نصحها بالذهاب معه؟ لم هي مصره على عدم الذهاب؟ قضيه كبيره كهذه تستدعي معرفة الجوانب كلها بل نسمع رأيها لعل الخطأ منه!!؟ هل ذكر استشارته لابيه او ابيها او اخيه او اخيها او امه او امها الخ ؟!!!!!
    اختي (جنوبيه خوالها اتراك) لعل الامر افلح معك ولكن لا يصلح لغيرك فالبيوت اسرار ولكل بيت وضع يختلف عن غيره

    يقول الرسول صلى الله عليه وسلم( يلقي الرجل كلمه لايلقى لها بال فتهوي به في جهنم سبعين خريفا)
    ويقول عليه الصلاة والسلام (أجرؤكم على الفتيا أجرؤكم على النار)
    وايضا يقول عليه السلام (قاضيان في النار وقاضي في الجنه)
    فلا يقل احدكم هذا ليس استفتاء او قضاء
    بل هو استفتاء عن حكم طلاقه ومن افتاه فقد قضى بطلاقه ولو كان غير ملزم
    وان شئت فاعتبرها مما يهلك صاحبه
    والله المستعان

    ملاحظه
    قرأت في مواضيع المنتدى حكمه لافلاطون لا اذكرها بالضبط ولكن معناها( الحكيم هو من يريد ان يتحدث ليقول شيئا..والاحمق من يريد يتحدث ليقول اي شئ)
    7 "
  6. المشاركة الأصلية كتبت بواسطة Smile Girls
    فعلا ً انا اتفق مع الاخ fahad78 يعني انا ملاحظه الأغلبيه هنا نصحوه بالزواج بأخرى والمصيبه انهم كلهم من بني جنسه ,, مع اني متأكده لو كانت بنت طارحه الموضوع
    كان رأيهم حيختلف 180 درجه
    كأن البنت ماعندها طموح .. ترا المرأه مو الزايد لها

    المرأه نصف المجتمع

    .
    .
    ولما دحين صاحب الموضوع مارديت عليا حعيد سؤالي !!

    ابغا رأيك انا زوجي مايبغا يسافر معايا بعد ماجهزت كل شي ورتبت اموري .ايش اسوي
    عندكـ حل ؟؟!!
    الموضوع سهل اعتقد
    طلقيه وخذي الثاني ههههههههههههههههههههههههههههههههه >>>> يتمنو كذا البنات
    7 "
  7. لو كانت التأشيرة فتاة لتزوجتها < جاك ممدوح
    تذكرت موضوع اللي بتتزوج من امريكي
    بس للإستثارة
    ودائما مايخرجون عن صلب الموضوع
    وتكون الردود مجرد مناوشات حادة بين الاعضاء وصاحب الموضوع يسحب عليهم
    وكل عضو يكتب وشوفني عرفت اقدر ارد وسرد ردود طويلة
    قدم نصيحتك وتوكل على الله موب لازم ترد وتسوي وتفعل ( خير الكلام ماقل ودل )
    برب الى تفاهة عربية آخرى
    7 "
5 من 8 صفحة 5 من 8 ... 456 ...
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.