اي واحد جرب هذي الجامعة يدخلUNVERSITY OF NORTHRN COLORADO ويسجل اسمه

هلا نحولة ايــــــــــــــــــــــــــــــــــه سألتيني عن أجراءات التأشيرة



أنا شيب قلبي


وتعبت وتنازرت عشان أطلع هذي التأشيرة


من الوزارة الى السفارة

ومن السفارة الى الوزارة


على العموم عشان أختصر لك الطريق


أول خطوة وأكبر خطوة وأهم خطوة

أخذي صورة من جوازك

وصورة من خطاب السفارة


وخلي أحد من أخوانك يروح الى الدكتور ماجد الحربي

أو الدكتور أحمد الجبيلي


وتطلبين منهم يرسلون اسمك الى السفارة

لازم تقولين لهم انك بعثة تربية خاصة <<<< ضروري

بعدين تجهزين الأبلكيشن الخاص بالسفارة

تعبين النماذج بالكمبيوتر

وتاخذين الأي تونتي الأصلي

والسيفس

و فاتورة الدفع حق السفارة

والجواز الأصلي

وأحتياط صورة الشهادة المترجمة

وخطاب السفارة وكم صورة لك حجم خمسة في خمسة خلفية بيضاء



ترى أي اورقة تنقص كل تعبك يروح

طبعا الأوراق الي تخص السفارة و كيفية تعبأتها تحصلينها في قسم

إجراءات التأشيرات وأمور القنصلية Visas Affairs

أنشالله مانسيت شي


بس مثل ماقلت لك لاتنسين شي من الأوراق

ولا تنسين انهم يرسلون اسمك(بعثة التربية الخاصة) الى السفارة هذي أهم خطوة

وسامحيني على التقصير

أنا أنتظر قرار الأبتعاث ,,,, دعواتكم

ماشاءالله اخوي ظهليل
اليوم احنا حنستفيد من خبراتك مع السفاره والوزاره

الله يهونها عليك وتخلص امورك على خير

جزاك الله خير ظهليل ماقصرت المختصر المفيد
ربي ييسر لك ولي وللجميع ان شاء الله
انا رحت للسفارة وكان اسمي موجود ولله الحمد واعطوني الورقة الصفراء لتكملة ا لــ i-20 والسيفس
الحمدالله انك معي بنفس الجامعه عندك خبر عن بدا الدراسة فيها بالضبط (المهم موعد المعهد )
بلييز اذا عرفت شي خبرني .

اقتباس:

---

المشاركة الأصلية كتبت بواسطة نحولة

جزاك الله خير ظهليل ماقصرت المختصر المفيد
ربي ييسر لك ولي وللجميع ان شاء الله
انا رحت للسفارة وكان اسمي موجود ولله الحمد واعطوني الورقة الصفراء لتكملة ا لــ i-20 والسيفس
الحمدالله انك معي بنفس الجامعه عندك خبر عن بدا الدراسة فيها بالضبط (المهم موعد المعهد )
بلييز اذا عرفت شي خبرني .

---

هلا أختي نحولة

بالنسبة عن موعد دراستك أنا ما عندي علم

بس الي أعرفة أن هذي البعثة على دفعات

كلهم مشوا


بس باقي دفعة شهر أغسطس

ودفعة شهر يناير

وأعتقد انك من دفعة شهر أغسطس

ولا تستعجلين ترى الوزارة هي الي تتكفل بالأي تونتي

ماعليك الا الأنتظار

اما عن نفسي المفروض اني رحت من قبل اسبوع

بس قرار الأبتعاث مابعد يطلع <<< ويمكن انة ماراح يطلع :19:


لازم تتأكدين من خطابات مؤسسسة الأمير سلطان الخيرية

وأي أستفسار ثاني أنا حاظر

ابشرك ظهليل الحمدالله وصل الـــ i-20 بس الله ييسر على الباقي
وادعي لي ربي ييسر حكاية المرافق شيبة منها !!!!!!!!!
الله يوفقك وييسر لي ولك كل خير في هذي البعثة والمسلمين اجمعين

مبرووووك نحولة على وصول القبول

ومتى دراستك انشالله ؟؟؟؟؟؟؟

على فكره انا للاسف ماراح اكون معاكم لان يون الاحد لما مريت الوزاره قبل موعدي علشان اتأكد اذا وصل يسير اخذه معاي يوم الاثنين قالوا ماوصل فطلب زوجي ورقه للسفاره علشان يتأكدوا اني في البعثه واعطاه استاذ مشعل الورقه ومكتوب فيها universty of wtoming
قاله زوجي انت قلتلها انها بكولورادو قال لالالا هي بهذي الولايه

انا على طول اتصلت عليه واتأكدت قالي معليش لما سألتيني قبل شهر ونص كنت اعتقدك في كولورادو واتأكد من الكمبيوتر قال لالا فعلا انتي ب wyoming

والله زعلت لانه اتعرفت عليكم وعلى ساره وكان نفسي اشوف كل اللي بكولورادو بس انشالله فيها خير لي


دعواتك

مرحبا اخوي ظهليل

بشر انشالله قرار الابتعات طلع خلال هاليومين

ربي يسهل امورك

وبالنسبه لدراستك ايش راح تعمل هل في موعد ثاني ممكن تسافر عليه او راح تأخر الدراسه ؟

سيكولجيست
مشكورة عيني
بس للاسف طلع في i-20 خطا ورديته للوزارة ترسله للمعهد
ربي ييسر
موعد الدراسة كا في 20 اغسطس بس الان بعد الخطا الله العالم؟؟؟؟؟؟؟؟

ظهليل اش اخبارك طمنا عليك اش صار معك بالوزارة؟؟؟؟؟
الله ييسر امورك

اقتباس:

---

المشاركة الأصلية كتبت بواسطة Psychologist

مرحبا اخوي ظهليل

بشر انشالله قرار الابتعات طلع خلال هاليومين

ربي يسهل امورك

وبالنسبه لدراستك ايش راح تعمل هل في موعد ثاني ممكن تسافر عليه او راح تأخر الدراسه ؟

---

هلا بأخواتي نحولة و Psychologis

قرار أبتعاثي بعدة ماطلع

وبالنسبة لدراستي طلبت آي تونتي جديد من الجامعة عن طريق البريد الألكتروني

في أقرب موعد لدراسة
وهو 22 أغسطس 2007 م


وبكل صراحة أحس أن الوزارة تبغى تصرف بعثتي يأي طريقة

في البداية تحججت علي بأن مافي دليل رسمي على قبولك

قلت لهم و خطاب القبول

قال هذا دليل مو رسمي <<<<<< أجل شنو الرسمي ؟؟؟؟!!!:19:



قلت أنا ألحق الكذاب لبيت أهله أخذت أغراضي ورحت مؤسسة الأمير سلطان بن عبدالعزيز

عند الدكتور مساعد الغنام

وتساعد معاي وأعطاني صورة من خطاب القبول من المؤسسة

وفيها أسمي واسماء الجماعة كلهم

تصورو ان خطاب القبول صادر قبل سنة وشهرين !!!!!!!!!!

رحت الوزارة وريتهم صورة من خطاب القبول

قالوا هذا ماينفع خطاب قبول قديم

قلت لاحول ولا قوة الا بالله

رجعت مؤسسة الأمير سلطان وخبرتهم بهذا الكلام طبعا معاي زميل ثاني من أهل الشمال منكوب مثلي

الدكتور مساعد الغنام تساعد معنا

وعمل لنا خطابات جديدة موجهة لسعادة الأستاذ صالح آل الشيخ

وبعد هذي الفحطة كلها قال لنا أنتظروا شوي

راح نكون لجنة مختصة لتدقيق بشأن بتعاثكم

وأنا أمر في مرحلة التدقيق الى ان يفرجها رب العالمين

وبعد هذا الكلام كلة أنا مافيني صبر أكثر من كذا و مخاسير على الفاضي

ووعود كاذبة على ألسنة المسؤلين

أنا امامي أسبوعين اذا ماصدر قرار الأبتعاث

أعتقد اني راح أستسلم

وراح انسى امر البعثة
وراح افهمها انها تصريفة متعمدة من الوزارة

أصلا انا خف حماسي للبعثة يوم راحت علي الرحلة وشفت زملاء لي مشوا امريكا


مع اني كنت معاهم ومتابعهم خطوة بخطوة

حتى النهاية بس ربك حكيم كتب لهم الذهاب وكتب لي البقاء

لربما لحكمة ربانية

والحمدلله على السراء والضراء