الأعضاء الإشتراك و التسجيل

الملتقيات
ADs

دراسة الصيدلة في أمريكا (موضوع شامل)

دراسة الصيدلة في أمريكا (موضوع شامل)


NOTICE

تنبيه: هذا الموضوع قديم. تم طرحه قبل 2746 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. والله يا عزيزي هرجة انهم يعطوك خمس سنين وبس هذي ماهي دقيقة .. هم يعطونك حق مرحلة البالوريوس كاملة سواء كانت 4 سنوات أو 5 أو 6 هذا اللي سمعته من واحد قريبي .. خصوصا ان فيه كثير سعوديين يدرسون صيدلة على حساب الحكومة .. ماهو انه تخصص نادر وما أحد داري عنه .. المقصود ان البعثة يعطونك حق الفترة الدراسية اللي المفترض تخلص فيها دراستك .. أما اذا لا قدر الله رسبت وزادت عليك سنة بسبب الرسوب .. في هذي الحالة صح الوزراة مالها صلاح في الفترة الزائدة عن المدة الافتراضية

    بالنسبة لجامعة rutgers أظن اللآيلتس حقها 6.5 واما بالنسبة للتعقيد في القبول .. ماهي معقدة بذيك الدرجة زي هارفرد وام آي تي .. حتى المتطلبات اللي يطلبونها جدا سهلة .. بس أهم شي تكون جايب في السات والثانوي نسبة عالية عشان يقبلونك .. لأن الصيدلة عندهم شي جدا مطلوب والمنافسة عليه شديدة .. العام الماضي وقف القبول عندهم على نسبة 95% في الشهادة الثانوية .. طبعا النسبة ذي ماهي ثابتة وتختلف من سنة لسنة

    (للمعلومية هذي الجامعة تطلب الشهادات من صف 9 إلى صف 12 يعني تجيب الشهادات حق ثالث متوسط وأولى وثاني وثالث ثانوي)

    بالتوفيق
    7 "
  2. أخي dr.pharmasist
    أنا خريج الأردن ومعدلي تقريبا 60 % وشهادتي بكلريوس صيدلة عادي يعني مو فارم دي ولا أملك خبرة
    منذ فترة كنت أبحث عن ماجستير صيدلة في بريطانيا لكن واجهتني مشاكل عدة بعضها يتعلق بعدم وجود خبرة لدي والاخر بمعدلي ومشاكل أخرى تتعلق بالتعليم العالي
    استفسار هنا متمنيا مساعدتي
    هل القبول من جامعة أمريكية بمعدل 60 لدراسة الماجستير قي الصيدلة السريرية او الفارم دي ممكن؟
    وما هي خطوات القبول اذا كان الجواب بنعم؟
    وماذا عن مدة الدراسة لكلا البرنامجين؟
    وماذا عن الملحقية وشروط الانضمام للبعثة؟
    وكم تكلفة الدراسة ع حسابي الخاص شاملة مصاريف الجامعة والمصاريف الشهرية من سكن وغيرها طبعا بدون لغة لأن عندي لغة؟
    وأنا أسف لو أخذت من وقتك لأني تعبت من مكاتب القبولات ووعودهم المزيفة
    ورحم الله والديك
    7 "
  3. دكتور صيدلي '' كساك الله ثوب الصحه والعافيه وستر الله عيوبك وغفر الله ذنوبك ونصرك الله اين ماكنت وجزاك الله عنا كل خير". بخصوص جامعة Rutgers. أنا معاي دبلوم مثل مانت عارف ومعدلي بالثانويه حدود 80بالميه مادري هل راح يكون في قبولي نوع من التعقيد وهل راح اقدم لهم بشهاده الثانويه او الدبلوم ،اما بخصوص Rhode lsland هل القبول فيها سهل وهل الولايه الي فيها الجامعه امنه ورخيصه وياليت تبين لي هل فيه معادله للدبلوم وكم ساعه راح يعادلونها اذا فيه ، اتمنى مانثقل عليك اخوي دكتور. *عندي استفسار بسيط لو مثلا جاني قبول من معهد وطلعت الفيزا على ضوء هذا المعهد وعندي قبول جاني من احد الجامعات Rutgers,,Rhode هل اقدر التحق بهم واكنسل المعهد اللي جاتني الفيزا على ضوه وكم يبي له من وقت
    7 "
  4. المشاركة الأصلية كتبت بواسطة صيدلي الأدرن
    أخي dr.pharmasist
    أنا خريج الأردن ومعدلي تقريبا 60 % وشهادتي بكلريوس صيدلة عادي يعني مو فارم دي ولا أملك خبرة
    منذ فترة كنت أبحث عن ماجستير صيدلة في بريطانيا لكن واجهتني مشاكل عدة بعضها يتعلق بعدم وجود خبرة لدي والاخر بمعدلي ومشاكل أخرى تتعلق بالتعليم العالي
    استفسار هنا متمنيا مساعدتي
    هل القبول من جامعة أمريكية بمعدل 60 لدراسة الماجستير قي الصيدلة السريرية او الفارم دي ممكن؟
    وما هي خطوات القبول اذا كان الجواب بنعم؟
    وماذا عن مدة الدراسة لكلا البرنامجين؟
    وماذا عن الملحقية وشروط الانضمام للبعثة؟
    وكم تكلفة الدراسة ع حسابي الخاص شاملة مصاريف الجامعة والمصاريف الشهرية من سكن وغيرها طبعا بدون لغة لأن عندي لغة؟
    وأنا أسف لو أخذت من وقتك لأني تعبت من مكاتب القبولات ووعودهم المزيفة
    ورحم الله والديك
    أخوي خريج الأردن .. أتوقع ان قبولك بهذي النسبة صعب جدا, إلا إذا كان في جامعة أي كلام قد يكون ممكن .. مدة الدراسة سنتين لكلا الاثنين .. لكن ترا ذا وادي وذا وادي .. الفارم دي لما تكمله تكون لساعك باقي بكالوريوس .. أما ماجستير صيدلة سريرية تعتبر أكاديميا درجة أخرى .. الفارم دي لو كلمته بتحتاج انك لسا تكمل بعدها زمالة (سنتين برضه) عشان يصير اسمك صيدلي أخصائي
    الفاردم دي لو كملته معناته مجالك حيكون في المستشفى كدكتور صيدلي .. لكن ماجستير الصيدلة السريرية معناه خروجك عن المسار المستشفياتي ممكن تشتغل في مصانع ممكن دكتور في الجامعة وإذا انك اشتغلت في مستشفى ما بتكون دكتور صيدلي
    وبصراحة ما أملك معومات كافية عن حالتك وأقترح تسأل الأخ أبو فراس صاحب الموضوع لأن هو نفس حالتك مخلص بكالوريوس وقاعد يكمل فارم دي

    بالتوفيق
    7 "
  5. المشاركة الأصلية كتبت بواسطة طواري ليل
    دكتور صيدلي '' كساك الله ثوب الصحه والعافيه وستر الله عيوبك وغفر الله ذنوبك ونصرك الله اين ماكنت وجزاك الله عنا كل خير". بخصوص جامعة Rutgers. أنا معاي دبلوم مثل مانت عارف ومعدلي بالثانويه حدود 80بالميه مادري هل راح يكون في قبولي نوع من التعقيد وهل راح اقدم لهم بشهاده الثانويه او الدبلوم ،اما بخصوص Rhode lsland هل القبول فيها سهل وهل الولايه الي فيها الجامعه امنه ورخيصه وياليت تبين لي هل فيه معادله للدبلوم وكم ساعه راح يعادلونها اذا فيه ، اتمنى مانثقل عليك اخوي دكتور. *عندي استفسار بسيط لو مثلا جاني قبول من معهد وطلعت الفيزا على ضوء هذا المعهد وعندي قبول جاني من احد الجامعات Rutgers,,Rhode هل اقدر التحق بهم واكنسل المعهد اللي جاتني الفيزا على ضوه وكم يبي له من وقت
    أخوي طواري الليل .. شوف .. ادخل الموقع حق الجامعة https://pharm.rutgers.edu/content/pharmd_curriculum
    ... University of Rhode Island - College of Pharmacy (في الرابط الثاني دور على كلمة acdemic requirments) وشوف ..
    اذا ان المواد اللي هم طالبينها في البري فارمسي أخذتها كلللها خلال الدبلوم تقدر تعادل شهادتك من مركز WES و تقدم عليهم بشاهدة الدبلوم على السنة الثالثة كطالب منتقل .. لأن عندهم ما يمديك تدخل البرنامج الفعلي للصيدلة (اللي يبدأ من السنة الثالثة) إلا اذا انك مكمل كل متطلبات البري فارمسي سواء عندهم أو عند غيرهم .. أما اذا فيه مواد هم طالبينها وانت منت ماخذها فهذا معناه انك غير مستوفي لشروطهم وبالتالي ماينفع تقدم إلا كطالب جديد بشهادة الثانوية وتقديمك للجامعة بنسبة 80% أتوقع آمالك مح تكون قوية جدا إلا إذا جبت في اختبار السات درجة عالية .. وترا ما عندهم هرجة انهم يعادلون لك بعض المواد والباقي تكملها .. ياكلّها يا بلاش .. لكن فيه جامعات أقل مستوى تقبل انها تعادل المواد المتوافقة مع موادها حتى لو انت منت مكمل كل المواد اللي هم طالبينها لكن طبعا هذا في الجامعات اللي مستواها ماش زي جامعة MCPHS اللي شخصيا ما أنصح فيها .. لكن فيه طريقة تسويها وهي انك تقدم على وحدة من الجامعات اللي ماهي مرة وتكون مواد البري فارمسي حقها توافق مواد البري فارمسي للجامعة اللي تبغاها وتدرس في الجامعة ذي أبو أي كلام وتخلص البري فارمسي عندهم وبعدين تحول على الجامعة اللي تبغاها .. لكن انتبه في بعض الجامعات مسوية حركة وصخة وهي اذا ماكنت ماخذ البري فارمسي عندهم وجاي محول من جامعة ثانية يطلبون اختبار الـ PCAT وبعضهم يقولون مستحسن بس ماهو شرط

    بالنسبة لجامعة رود آيلاند ما أعتقد ان القبول فيها سهل حتى جامعة رتغرز ولاهو تعجيزي أو مستحيل في نفس الوقت , وبالنسبة للمعادلة أغلب الجامعات تشترط لما تجي تقدم كطالب منتقل تشترط ان الدرجات في جميع المواد ما تكون نازلة عن C حتى لو انت مستوفي جميع المواد.. لكن ممكن لو راسلتهم وتفاهمت معاهم يزحلقونها لك لو كانت مادة وحدة بس .. بالنسبة للولاية ما عندي خلفية الصراحة هل هي آمنة أو رخيصة , لكن اللي استشفيته من خلال بحثي ان الولاية أصغر ولاية في أمريكا وجوها بارد وهادية والبحر قريب منك ويندر فيها السعوديين ..
    بس شوف .. كل وحدة من هذي الجامعتين لها ميزة .. جامعة Rutgers يميزها تصنيفها القوي جدا مقارنة بـ Rhode Island و northeastern .. لكن اللي يميز rhode Island ان دخولك إلى برنامج الفارم دي أضمن نوعا ما .. لأنهم مسوين حركة حلوة في النظام .. وهي ان كلللللللللللل الطلاب الحاصلين على معدل 2.5 في السنتين حق البري فارمسي مؤهلين للخضوع لمقابلة شخصية والمقابلة الشخصية هي اللي تحدد تدخل ولا لأ .. بينما في Rutgers وباقي الجامعات يكون فيه مفاضلة وأفضل 100 معدل هم اللي يدخلوا البرنامج

    وعلى فكرة .. لو قدمت على أي جامعة كطالب منتقل ما يشترطون اختبار السات


    بالنسبة لسؤالك عن الفيزا ماعندي خلقية الصراحة

    بالتوفيق عزيزي ..
    بس أبغى منك طلب .. أبغى تدعيلي قد ما تقدر في أوقات استجابة الدعاء .. لأني ترا زيك حااااااااااااااااااااااااااااااااايس وإلى الآن مالقيت جامعة .. كله عشان موضوع اختبار التوفل والسات
    7 "
  6. مشكور اخوي دكتور والدعاء والله من قلبي الله يسر امورك ويفرج همومك ........ الشي اللي ودي اقوله أنا دخلت جامعه وردايلاند من شروطها بعد السنتين التحضيرية. اختبار بي كات ....وشفت المواد حق per -pharmacy تقريبا ١٢ ماده اللي خذيت منها تقريبا سبع او ثمان مواد ،،،،،،،،،والله أني محتاس وش تنصحني فيه ادخل معهد انجليزي واخلص اللغه وبعدين ادور على جامعه او ادخل معهد جامعه وأبدا على طول per-pharmacy ؛الشي الثاني وش اختبار السات؟. تكفى يادكتور دلني على الجامعه اللي اقدر اكمل دراستي فيها بدون تعب ومشاكل ..... وشاكر لك على تعاونك
    7 "
  7. أخي dr.pharmasist شكرا على الرد
    ماجستير صيدلة سريرية لا يتيح لي العمل في المستشفيات غريبة !!!!
    أنا أحد زملائي تخرج من نفس جامعتي بكلريوس صيدلة وكمل في جامعة اخرى ماجستير صيدلة سريرية واشتغل بعد التخرج في مستشفى البابطين في الشرقية وحاليا هوه شغال في مستشفى ارامكو في الظهران وموقعه جدا ممتاز
    واعرف العشرات كذلك واحدهم حاليا في مستشفى الملك فيصل التخصصي بالرياض

    عموما أشكرك على الاهتمام بموضوعي والله يوفقك
    7 "
75 من 88 صفحة 75 من 88 ... 257074757680 ...
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.