دراسة الصيدلة في أمريكا (موضوع شامل)

والله يا عزيزتي أنا قيد أخذت الكورس ذا لما كنت في جامعة الملك عبدالعزيز وبصراحة كان صعب مووووووووووووووووووووووت .. صعوبة لاتصدق .. درجات الكورس كانت مقسمة على درجة اختبار الميدتيرم + اختبارالفاينال + اختبارات المعمل
فما أدري اذا كان جامعتك عندها تقسيم ثاني بحيث انه يكون أسهل .. بس عموما المادة كانت جدا صعبة وطويلة
فإذا كنتي ناوية تاخذيه وتشدي حيلك خذيه .. أما لو كنتي تبغي تدرسي وتفلّي في نفس الوقت فما أنصح نهائيا انك تاخذيه في الصيف
بالتوفيق

شباب أنا أدرس بكالوريوس الآن في جامعة الملك سعود السنة الثانية ( المستوى الرابع ) ومخطط آخذ فارمدي بعد التخرج إن شاء الله

لكن من كلام أخونا أبو فارس إن بدت الفرص تقل لحملة البكالوريوس للحصول على الفارمدي . فهل أبتعث من الان وأتخصص فارمدي قبل مايروح الوقت

ولا أصبر إلى التخرج .؟ الصراحة محتار . جزاكم الله خير

تبغى نصيحتي روح ادرس برا , أولا عشان فعلا الجامعات اللي تعطي فارم دي بعد البكالوريوس قليلة جدا جدا .. ثانيا انك حتى لو متخرج من السعودية ومعاك فارم دي وحاب تكمل برا بعد كذا ريزيدنسي يبغالك تدرس ستنين مواد تكمليلية (عشان تعادل الشهادة السعودية بالشهادة الأمريكية , لأن الشهادة السعودية ماهي معرف فيها عند أمريكا) بعد كذا تختبر اختبار في جميع ماتم دراسته من سنة أولى إلى نهاية السنتين التكميلية واذا اجتزته عاد تدخل برنامج الريزيدينسي (طبعا هذا كله غير الدوشة حقت رخصة مزاولة المهنة وحقت القانون الأمريكي واظن حتى في توفل خاص لازم تاخذه غير التوفل العادي)

وثالثا طبعا قوة التعليم واللي لمستها فعلا هنا , لأني أنا زي حكايتك درست سنتين في جامعة الملك عبدالعزيز صيدلة "فارم دي" وبعدين تركتها وجيت أمريكا وفعلا لمست الفرق في مستوى التعليم بين السعودية وهنا

ملاحظة: بالنسبة للسبب الثاني ماني متأكد اذا هو ينطبق على جميع خريجي الفارم دي في السعودية ولا بس اللي متخرجين من جامعة الملك عبدالعزيز
بالتوفيق

بيض الله وجهك على الرد .. طيب بما انك نفس حالتي وش سويت عادلت الساعات ولابديت من أول شئ .؟ ونظامك كان التحاق بالبعثة ولا على حسابك .؟ وكيف كان اختيارك للجامعة

لاني راسلت كم جامعة ولاجاني رد .! معليش كثرت عليك أسئلة بس لاتلومني أتوقع انك مريت بالحال : (

الله يسلمك عزيزي .. طبعا بدأت أدور على جامعات "كويسة" تقبل انها تعادل المواد اللي أخذتها بس للأسف ما أحد وافق إلا وحدة وبالقوة حصلتها والحمدلله ربي يسرها لي وانقبلت فبها قبول مشروط , لكن البقية اللي راسلتهم كلللهم ما وافقوا .. وحتى حقتي قالولي نعادل لك بعض المواد "الغير علمية" فقط وحتى بعضها بس اللي فيها تطابق مع حقتهم .. حط في بالك مكان ماتروح حتى لو عادلولك بعض المواد انت بتعيد من البداية , بس انك ماتدرس المواد اللي عادلوها لك , بس ترا مسألة انك بتعيد من البداية هذا شي محسوم وأكيد..
طبعا انا دارس على حسابي ودعواتك أنضم في أسرع وقت , بس أنصحك انك تقدم على البعثة الصيف الجاي إذا كانت درجاتك في القدرات والتحصيلي فوق الـ 80 والثانوي فوق الـ 90 وتطلع على حساب البعثة لكن إذا درجاتك ما تساعدك توكل على الله واطلع على حسابك
طبعا طريقة اختياري للجامعة كانت على عدة اعتبارات:
1. انها تكون ماتطلب اختبار الـ PCAT بعد سنتين الـ pre-pharmacy
2. تكون تصانيفها جيدة
3. تعطي قبول مشروط
4. ما تطلب اختبار SAT
5. تقبل انها تعادل على الأقل بعض المواد اللي أخذتها في جامعة الملك عبدالعزيز

طبعا النقاط الثلاثة الأولى كانت جدا أساسية بالنسبة لي لكن الاثنين الباقية كانت أقل أهمية
بالتوفيق

الله يعطيك العافية , يعني أنت درست لغة قبل انضمامك للجامعة . ؟ اأجل خلنا نقدم بالصيف الله يعين .

السلام عليكم ورحمة الله وبركاته

انا حبيت استفسر عن تخصص bachelor of pharmaceutical science
هل فيها سنتين per-pharmacy
لأني مالقيت التخصص هذا الا في بعض الجامعات واغلبهم pharmaD
وهل الجامعات تعادل دبلوم صحي ( مع انهاماتفرق معي) بس الافضل لو عادلوها

أنا حاليا أدرس لغة وناوي أبدأ دراسة الجامعة بإذن الله على بداية السنة الدراسية الجاية اللي تبدأ على 22 Agust تقريبا 5 شوال , وترا وجهة نظرك سليمة أبدأ لغة من الصيف الجاي , أو ممكن لو حاب تستعجل , اسحب من الجامعة الآن وابدأ لغة على الشهرين الجاية قبل الصيف بشهر كذا يصير تلحق ترجع تقضي رمضان في السعودية (وجهة نظر شخصية).

السلام عليكم . هلا اخوي دكتور بعد السلام والتحيه ارجوا منك اعطائي اميلك او رقم الجوال للاهميه. ومشكور اخوي على ماتقدمه من معلومات تفيدنا الله يسعدك ويوفق جميع المسلمين تقبل مروري

اخوي دكتور الرسائل الخاصه مااقدر افتحهاا اتمنى تضيفني على الاميل Ran.130@hotmail.com يمكن ماتوصل اضافتك ارسلي رساله على البريد وانا اضيفك للاهميه