جاري البحث عن سيارة...في احد جرب يشتري عن طريق مواقع على النت؟؟؟؟وايش هية المواقع؟؟
roza7 June 13th, 2010, 01:27 AM
7 " lexus .. Gs .. قيمتهـآ 200.000 سعودي
الموديل : 2010
للحين ما شريتها بس ناوي عليها في المستقبل .. خخخخخخ
bLaCk DaY June 13th, 2010, 01:49 AM
7 " شباب انتبهو من المواقع
انا شريت من الكريقلست لكن هو حاط جواله وقريب مني رحت شفت السيارة واختبرتها واعطيته الفلوس
ونقل الملكية والله شي غريب
ما اخذو مني الا الرخصة السعودية وورقة المبايعه بس ولا جواز ولا يحتاج يجي ولا شهود ولا شي
والله يوفقكم.
محروم من اللي في بال June 13th, 2010, 02:50 AM
7 " كركلست ليس موقع خطير ..ومن تقديري هو افض موقع ممكن انك تشوف السياره فيه ..صورتها و معلوماتها ...و تاخذ معلومات مالك السياره ..اغلب الاحيان (البائع الصادق) يضع رقم تلفونه و ايميله ..
اول شي تسويه انك تتصل على صاحب السياره ...او ترسل له ايميل ..تبلغه باعجابك بالسياره ...ثم اذا عندك اي سؤال محدد حول السياره ..مثلا شفت ضربه و تبي تسال عن سببها او غيره....الشي الثاني تطلب من صاحب السياره يعطيك شي اسمه VIN بالسعودي ينقال له رقم الشاصي ...هذا الرقم يتكون من ارقام و حروف ...لازم تاخذه من صاحب السياره بدقه بالغه ..لا تغلط في ولا حرف او رقم ...بعد كذا تروح الى موقع اسمه Carfax.com تسوي لك اشتراك ب 44.99دولار ....هذا الموقع يعطيك تقرير مفصل عن السياره ...كل شي عن تاريخها ...كم مالك للسياره ..و ايش الاحداث الي صارت عليها ...و هل حصل لها حادث او لا ...و يطلع لك مدى ضرر الحادث الي صار ...برضو يطلع لك اذا السياره عليها ضمان او لا ..و يطلع بعض الفحوصات الي يخصعوا لها السياره ..و الي من خلالالها يتضح لك اكثر عن وضع السياره ..مثل حالة المحرك ..و البريكات ..الخ ..اذا فيها اي عطل برضو يطلع لك نوع العطل بالتفصيل ...يعني لو كان المكيف خربان ..رح يبين معك ...لازم تركز على هذي النقاط ...طيب الموقع رح يعطيك اشتراك الى انك تحصل على تقرير الى 5 سيارات تقريبا ...ثم بعد ان شفت التقرير حول السياره ...اذا اعجبتك السياره ..و لقيتها نظيفه مثل الفل ..مافيلا ولا عطل ولا خراب ...ترجع تكلم صاحب السياره ...و تحدد معه موعد ( اليوم و الساعه )...تروح و تشوف السياره ...تفحصها عن قرب ....و تساله اذا سمحك انك تجرب السياره و تسوقها ..اغلبهم لطيفين و يسمحوا لك ...طبعا احتياطا ..انا اقول خله يطله معك في السياره و انت تجربها ...يعني ..علشان يكون اضمن لانه البعض يخاف انك تسرقها....المهم ..اذا اعجبتك السياره ..توكل على الله و فاوض في السعر ...ثم حدد يوم الى انك تروح معه تسووا المبايعه و تقلب التايتل باسمك ..و مبروووك عليك السياره ...
في بعض الملاحظات الي احب اني اوضحها ...
في الكركلست ..و بالذات في المدن الكبيره ...فيه البعض يسوي عروض وهميه ...يعني يحط لك سياره مثلا نقول لكزس 2008..و يقولك انه يبي يبيعها ب 3500دولار ....طبعا انت تنهبل تقول صيده مامثلها ...هذا النوع لا يضح رقم هاتفه ..و يكتفي بالايميل ..اذا انت ارسلت له ايميل ..يرد عليك انه جاه تجنيد اجباري ..و لازم يروح العراق او افغانستان .. و انه لازم يبيع السياره باسرع ما يمكن ...و انه السياره موجوده في مدينه ثانيه ..في شركة الشحن ...و السياره على اتم الاستعداد الى ان تشحن الى عنوانك ...و انه لك مهله 5 ايام او 10 ايام ..الى انك تجرب السياره ..ان اعجبتك رح تكملوا البيعه ...و انا ما اعجبتك تقدر ترجع السياره وانه رح يتكفل بمصاريف الشحن ...لكن يقولك ..انت ارسل اسم و عنوانك و تلفونك ...الخ..وانه رح يفتح حساب عن طريق الاي بي eBay علشان اثنينكم تضمنوا حقكم ..انت ترسل له الفلوس و هو رح يرسل لك السياره ...وانت عندك مهله 5 ايام تفحصها و تشوفها ... انتبهوا ثم انتبهوا ثم انتبهوا ...هذا خداع ...
اولا: انا شخصيا ارسلت الي الاي بي موتور و سالتهم هل عندهم برنامج ممكن عن طريقه يتم بيع و شراء السيارات ..و يضمن حق البائع و المشتري ..علما انه السياره ليست معروضه على الاي بي ..و ردوا علي ..لا يوجد برنامج يغطي بيع او شراء السيارات الموجوده في مواقع اخرى ..نحن مسؤولين عن السيارات التي تعرض على موقعنا فقط ..و شروطنا تغطيها ..و انتبه تراها خدعه ...ولا تشتري سياره بهذي الطريقه ..لانك رح ترسل الفلوس ...و البائع الوهمي رح يستلم المبلغ ..لكن مارح توصلك السياره ..ولا تقدر تسترجع حقك لانه ما عندك اي دليل فعلي انك انخدعت ..لانك رح تكون ارسلت الفلوس بكامل ارادتك ...و تعرفوا القانون لا يحمي المغفلين ...
و بالتوفيق للجميع
est144 June 13th, 2010, 05:20 AM
7 " عن نفسي ماطراني اشتري سيارة من النت
اروح اشوف بنفسي وعلى فكرة اغلب المعارض حرامية يشتري السيارة بألف دولار ويجلدك بثلاثة الاف وخمسمية
بس نصيحة تجول في الاسواق والاماكن المفتوحة والمزدحمة وحول الجامعة وراح تلقى ناس عاديين يعرضون سياراتهم للبيع يعني موقف السيارة وكاتب للبيع وحاط رقمه هذا افضل شي لان المالك الحقيقي بيكون سعره ارخص لدرجة النص احيانا عن المعرض
او تدور عالنت بس يكون في نفس مدينتك وماتدفع ولا سنت الين تشوفه وتقابله وتجرب سيارته وتفحصها بنفسك مع ملاحظة ان أي سعر قابل للتفاوض فلا تحسب ان السعر نهائي ترى ممكن احيانا ينزل السعر اكثر من خمسمية دولار
تفاكير June 13th, 2010, 07:09 AM
7 " في حاجة حلوووووووووة عندهم في امريكا زي الحراج عندنا
في حاجه اسمها الاكشن
فيه سيارات بالهبل احيانا 1000 سيارة او اكثر
ولا يدخل احد الاكشن الا بتصريح
فانت دور لك واحد معاه تصريح وفهمان في السيارات ورح معه واشتر السيارة اللي تبي واعطه 500دولار اتعابه
بهذي الطريقة لا احد يلعب عليك ولا انت تلعب على احد
كيف تجرب السيارة؟
الاكشن مثلا يوم الاحد
يوم السبت تنزل قائمة باسماء السيارات وتقدر تروح تشوفها وتجربها وتختبرها
واليوم الثاني تروحون الاكشن وحط في بالك سعر بيبدأ زي الحراج عندنا وكل واحد يعطي قيمة واللي توقف عنده ياخذها
الاسبوع الماضي انمباعت تشارجر 2007 ب7500دولار انا اشوف انها حلوة موت
وعندهم هنا السيارة تعتمد على الاميل كل ما زادت الاميال زاد السعر
والله يوفقك ويرزقكم.
محروم من اللي في بال June 13th, 2010, 08:14 AM
7 "
بصراحه ماقصرت كفيت ووفيت يالغالي
مشكوووووووووووووووووووووووووور