هل انا من ضحايا معهد كابلن؟هل هو يصلح لدراسة اللغه ام لا؟الرجاء الرد من اصحاب التجارب
السلام عليكم ورحمة الله وبكاته
ياناس نبغى مساعدتكم انا لي قبول بمعهد كابلن بواشنطن دي سي في 18/6 تبدا الدراسه وانا لغتي مش ذاك لازم لي تاسيس يعني الصراحه الجدال حول المعهد خوفني هل يصلح لدراسة اللغه ام لااااااااااااااااااااااااا انا الحين نفس متوهقه موعدي حق الفيزا في يوم 30/7 يعني راح اكنسل موعد بدء الدراسه والحين تتطلع لنا المشكله الثانيه انه المعهد مايصلح نرجو المساعده اذا امكن من الاخوان الي درسوا في المعهد اوالي يدرسون في المعهد حاليا نرجو المساعده انا الصراحه صعبه بالنسبه لي اني اجيب لي قبول من اي محل ثاني لان لغتي ما تساعد ابغى جواب شافي بليييييييييييييييييييييز:115:
مشاركة: هل انا من ضحايا معهد كابلن؟هل هو يصلح لدراسة اللغه ام لا؟الرجاء الرد من اصحاب
السلام عليكم ,,,
اولاً يأختي انا معاك في نفس المعهد ودراستي ان شاءالله تبداً يوم 18 جون زيك مرررة ولاكن يأختي صعبة جدا اننا نغير مكان دراستنا من هنا الموضوع ومافيه اننا نطلع امريكا ومن هناك ان شاءالله نغير على المكان اللي يعجبنا ويكون ممتاز
وثانيا والله يأختي اقولها لكي مرة ثانية ماراح تقدري تغيري مكان دراستك من هنا هذا الى اذا كان معاك واسطة ...
اما بالنسبة انك تبغين تأجلين الموعد فهذا بينك وبين الوزارة تروحي تكلمي الدكتور نبيل
ولاكن اتصلي على المعهد وكلميهم كلمي بالذات اللي موقع(ة) على الاي توني حقك .. انا سويت نفس الطريقة وبعدين اعطوني رقم مشرفة طلاب وزارة التعليم العالي في لوس انجلوس تبع معهد كابلن وقالولي لازم تكلمها عشان ترسلنا طلب بتجديد موعد دراستك ..
المهم انتي اتصلي عليهم وهما راح يقولولك الطريقة ...
واي خدمة لايردك الى الكيبورد
رد: هل انا من ضحايا معهد كابلن؟هل هو يصلح لدراسة اللغه ام لا؟الرجاء الرد من اصحاب الت
ما قصر اخوي روبرت ... اذا تبغي تأجلي اتصلي بالمسؤولة اللي هي ناهد في لوس انجليس و هي رح تضبط وضعك و تواصلي مع المشرفة اللي بمعهدكم ايضا ...
المعهد هل يصلح لدراسة اللغة ام لا ؟ سؤال لا اجابة له لأنك حاطه اختيار يا اسود يا ابيض و هذا صعب ...
عمل المعهد الاساسي ليس تعليم اللغة !
إنما التأهيل للختبار المؤهل لقبول الجامعة من توفل و غيره فهو مركز TEST PREPEARATION
لتأهيلك للاختبار ...
المشكلة ليست في المعهد المشكلة في تكديس الوزارة للطلاب السعوديين في المعهد مما يشكل عائق في تعلم اللغة ...
لذا فإن اصحاب المستويات الجيدة و الممتازة لن يواجهوا صعوبة فأمريكا كلها مدرسها من الشارع و السوبرماركت و المنزل و كل شئ تستطيع التفاعل و التعلم و التطبيق معه ..
لكن اصحاب المستوى المبتدئ و الضعيف هم من سيواجهون المشكلة في التعلم و سيحتاجون لمجهود شخصي كبيير و مثابرة لتعلم اللغة ....
أما عن تحويل المعهد فهو صعب من هنا و حتى من هناك تحتاجين لاجراءات مع دائرة الهجرة ...
لذا ينصح باستكمال دراسة اللغة في نفس المعهد خصوصا و انكي في نفس العاصمة حيث الملحقية و يمكنك تدبير امورك قربها و من ثم تحويل الجامعة بعد اجتياز اللغة باذن الله
رد: هل انا من ضحايا معهد كابلن؟هل هو يصلح لدراسة اللغه ام لا؟الرجاء الرد من اصحاب الت
مشاركة: هل انا من ضحايا معهد كابلن؟هل هو يصلح لدراسة اللغه ام لا؟الرجاء الرد من اصحاب
شفي يااختي اذا انتي تبين تتكليمين انجليزي بطلاقة حاولي انك تحب اللغة حب غير طبيعي وحاولي انك ترجمين دائما مع الاستخدام في الكلام يعني الفي جملة من عندك واستخدمي الكلمة. اللغة الانجليزية لغة سهلة بس لليبي يتعلم.انا يوم جيت هنا كنت اكثر سعودي اختلاط في الامريكان وسكنت في السكن الجامعي فترة الي الحقيقة افادتني فايدة غير طبيعية. والمعهد ترى يعتمد علية بس 40 بالمائة للتعلم الاكاديمي والباقي على مجهودك الذاتي وفي النهاية راح تشوفين نفسك تتكلمين الانجليزي بطلاقة وبسرعة غير طبيعي بس اختي انت حاولي انك تقللين من الاختلاط مع العرب بشكل حاد لآن الصراحة راح يؤثر على لغتك بشكل غير طبيعي في اول البداية صدقيني من مجرب انا شفت شباب مايعرفون يتكلمون انجليزي من اول ماجوا وظلوا على نفس الحال. انشاء الله اني افتدك بشي واحنا مانبي بس غير دعواتكم لنا بالتوفيق وجزاكم الله خيرا.
مشاركة: هل انا من ضحايا معهد كابلن؟هل هو يصلح لدراسة اللغه ام لا؟الرجاء الرد من اصحاب
لا ان شاء الله مو ضحيه ولا شي كابلن متخصص بكورسات لتجهيز لامتحانات القبول للجامعات ويدرس لغه بس طبعا مو مثل معاهد المتخصصه مثل معاهد الجامعات
رد: هل انا من ضحايا معهد كابلن؟هل هو يصلح لدراسة اللغه ام لا؟الرجاء الرد من اصحاب الت
مشكورين اخواني كلكم ماقصرتوا يعني عن جد كنت انا شايله هم بس والله كلامكم ريحني يارب ايفرج عنكم كل همومكم ان شاء الله ومشكوره اختي مسافره ما قصرتي دايم انتي ماشاء الله عليك مايطلع منك اقصور ولا من الاخوان robert deniro وo.i.m وabbbbو الاخ سلاطينو بالنسبه ياخ سلاطينو الجواب هو عندي اساسيات لكن يعني تمشي الحال على لخبطه فاذا ممكن تعطيني الخبر اليقين ومشكور ما قصرت وان شاء الله ربي يفرج عنك كل اهمومك وبالتوفيق لي ولكم ان شاء الله لجميع الاعضاء المنتدى وشكرا:)
مشاركة: هل انا من ضحايا معهد كابلن؟هل هو يصلح لدراسة اللغه ام لا؟الرجاء الرد من اصحاب
هلا شرقاويه اجل ان شاء الله ماعليكي خوف وفكري انه في ناس قبلك وكانو في مستواكي واقل وخلصو اللغه وهم الان في جامعات ف ايش ناقصك عنهم يعني كل واحد فينا يقدر وخصوصا على اللغه لانها مو ذيك الصعوبه وبصراحه الاحتكاك مع الناس مافي احلى منه لانه هو الفائده الحقيقيه لتكتشف قدرتك باللغه . يعني شدي حيلك وشدي الهمه والعزيمه وحياكي
وبالتوفيق للجميع
رد: هل انا من ضحايا معهد كابلن؟هل هو يصلح لدراسة اللغه ام لا؟الرجاء الرد من اصحاب الت
الأخت شرقاوية بعد التحية ... .. .
بالنسبة لمعهد كابلن فهو يعتبر معهد لغة انجليزية ومعهد تدريب على اختبارات معينة مثل التوفل والجيمات وغيرها ، يعني يضم الميزتين صحيح تعتبر الميزة الثانية الي هي التدريب على اختبارات معينة اقوى من الميزة الاولى ولكنه يعتبر معهد لغة . وترى انا بدرس في كابلن في نيويورك - منهاتن .
بالنسبة اذا كانت لغتك ضعيفة وش يعني ترى ما انتهى العالم . والي قبلك مو احلى منك وفي نقطة مهمة (((((( اللغة الأنجليزية مو علم ممكن يستعصي على الشخص )))))) اللغة مهارة وممارسة قبل كل شي وصدقيني الي راح تتعلمينه في الشارع وفي المحلات التجارية ومن خلال احتكاك مع الناس هو اهم شي عشان تتعلمين يعني لاتخجلين وتقولين ما اعرف اتكلم وصدقيني بعد فترة راح تلاقين نفسك تتكلمين انجليزي بصورة طبيعية . وخليني اقول لك نقطتين وحطيها في بالك ..
1 ) اعرف شخص قريب لي راح امريكا وقالي اول مارحت جلست شهرين ما ادري وش يقولون بس كنت متحمس اني اتعلم وقسماً بالله العظيم ما مر عليه تقريباً سبعة أشهر الا وهو يتكلم انجليزي وبطلاقة وبصورة ماتتخيلينها .
2 ) اذا كان في بالك سؤال معين وكنتي خايفة ان سؤالك يكون غلط لاتستحين قوليه عادي لان الشعب الامريكي فيه ميزة مو في اي شعب في العالم وراح يقول لك السؤال بصورة صحيحة وراح تحفظينة وراح يقول لك " يو مين ........ " ، مثال بسيط جداً : اذا كنتي تبين تسألين واحد عن اسمه وانتي مو عارفه صيغة السؤال وقلتي : وت يو نيم ؟ هو راح يفهم وراح يقو لك يو مين : وت از يور نيم ؟ وقتها راح تحفظين السؤال . اتمنى انك تكونين فهمتي قصدي واي استفسار انا حاضر .
رد: هل انا من ضحايا معهد كابلن؟هل هو يصلح لدراسة اللغه ام لا؟الرجاء الرد من اصحاب الت
بعد التحيه لجميع الاعضاء مشكور اخوي traveler ما قصرت وعطاك الله العافيه صدقت والله بكلامك وصحيح ها الكلام الله يطمنك ان شاء الله مثل ما طمنتي وبالتوفيق لك ولجميع المبتعثين والمبتعثات وحبيت بعد اشكر كل الاعضاء الي ساعدوني وطمنوني ومنهم الاخ a7bak والاخ amer1233والاخ سلاطينو والاخت مسافره والاخ oimوالاخrobert deniro والاخ bbbbوالاخ hhhhe وجميع الاعضاء بلا استثناء الي جاوبوني والي بعد ماجاوبوني ونسيت الاخت sweet heart وعسى اكون ان شاء الله كتبت الاسماء عدل وان شاء الله مااكون نسيت احد واخ traveler انا فهمت قصدك ومشكور الحين ما عندي اي استفسار اذا عندي اي استفسار ابشر بالاسئله الله يعينك . ودمتم سالمين:)
