مساعدة بخصوص حضانات الاطفال (صوت الآن) وضم صوتك

وانا اضم صوتي لصوتكم واسأل الله ان يأتي الفرج عن قريب يااااااااااارب

اضم صوتي لكم واتمنا التوفيق

السلام عليكم
يا جماعة الخير اول شي اذكرو الله وصلو على محمد وعلى اله وصحبه اجمعين
المشكلة ان انحن نتكلم في المنتدى وهذا سهل يبي لنا احد يوصل الموضوع للمسؤالين واذا فيه احد يقدر ياصل لابو متعب لانه يبي يجي لامريكا فهذا شي جدا ممتاز الدعوه ورقة يكتب فيها الشي الي صاير ان حضانة البزر تكلف حول 1000 دولار في الشهر وهذا مرهق لميزانية المبتعث
ارجع واقول الكلام في المنتدى بدون فعل وكل واحد يتكل على الثاني مهيب جايه نتيجة فانا واعوذ بالله من قولت انا اقول اذا فيه احد يقدر ياصل للملك وقت جيته ويشرح له يسوي خير وماله الا الدعاء من كل المبتعثين سوا مبتعثين امريكا والا غير امريكا
وبالتوفيق للجميع ان شاء الله

السلام عليكم
اخوي Sharey نصيحة وشور من شار عليك لا تبلش وتجيب شغاله معك منتب ناقصن مشاكل يا اخيي باتسر والا عقبه تنحاش والا تروح تشكي تقول سوو لي فعلو بي ثمن تنشب في سوالف انت في غنى عنها وشف وش سوو بحميدان التركي الله يفرج عنه ويفك اسره يا رب كله بسبت شغالة الله يكنسها عجلن ما ابطى
وعلى العموم انت ابخص والله يوفقك ان جبتها وان ما جبتها

اضم صوتي لكم بشده والموضوع جداً هام نرجو من ادارة المنتدي الله يوفقهم يوصلو صوتنا الى المسؤولين وجزاكم الله الف خير

والله العظيم جيتو على الجرح انا عندي طفلين واحد عمرة خمس سنوات وسجلته في مدرسة ورفضو انه يبداء على طول قالو لازم مع بداية الدراسة في شهر سبتمبر وصرت اخذة لحضانه جنب الجامعه والله العظيم اكثر من 1000 دولار في الشهر وبعدين غيرت وخليته 3 ايام في الاسبوع 600 دولار شي يقص الظهر غير الحين الصغيرة لو بدات دراسة اخوها المدام تبي تدرس وحضانة الصغار اغلى بعد شي متعب جدا ومالها ذنب المدام تقعد ما تدرس حرام هذي فرصة العمر بس فعلا لازم تدخل عاجل لحل المشكلة ارسلو ضمان مالي للحضانة اذا ما تبي تزيد الرواتب ما نبي شي ثاني لازم حل عاجل

ايوة والله الموضووع جداااا مهم ويااريت لو احد له صله قويه ويوصل لنا موضوعنا

يعني 1000 دولار في الشهر غير الاكل والمشرب

شي يقص الظهر

ربي يسهلها ان شاء الله

شباب بصراحه نبغا حل للموضوع بحيث يرفوا راتب الاطفال او يعطونا ضمالي مالي لهم بنسبة للحضانه

ياناس انتو تتكلموا في منتدى
زي ماقال الاخ أبو عبدالعزيز
ماااااااااينفع بعد مدة الكل راح ينسى و المشكلة هي المشكلة
لازم الأصوات توصل للمسؤولين
يعني أكتبو معروض للي يقدر يوصلها لاي مسؤل مهما كان
والتوقيعات أو التصويات يكون بسجل المدني يعني شي رسمي
أما في المنتدى ماأحد داري عنكم لو تصوتو من هنا لبكرررررررررررررة