رد: مليت وانا احاول اتعلم الانجليزي لكن مافيه فايده من عنده الحل
الله يسر دربك ياغالي ابتعد عن هالجحلط الي رايحين لامريكا عشان البارات والبنات و حاول تختلط واجد بالامريكان
والله اني خفت ياخوي انا تو مابمشي الا في اغسطس واخاف القى هالاشكال الي تضيع بلد مو بس تضيع طالب
الله يوفقك ويوفق الجميع
رد: مليت وانا احاول اتعلم الانجليزي لكن مافيه فايده من عنده الحل
اقتباس:
المشاركة الأصلية كتبت بواسطة آه يا حظي
احفظ في اليوم 5 كلمات معناها و كتابتها
وراح تتعلم غصبن عنك مع الوقت
لكن لا تنسى تحفظ كل يوم 5 كلمات على الاقل
هلا بك
طيب اذا حفظت كلمات وشلون استخدمها وشلون اربط بينها
رد: مليت وانا احاول اتعلم الانجليزي لكن مافيه فايده من عنده الحل
اقتباس:
المشاركة الأصلية كتبت بواسطة a7sas.mbt3th
الله يسر دربك ياغالي ابتعد عن هالجحلط الي رايحين لامريكا عشان البارات والبنات و حاول تختلط واجد بالامريكان
والله اني خفت ياخوي انا تو مابمشي الا في اغسطس واخاف القى هالاشكال الي تضيع بلد مو بس تضيع طالب
الله يوفقك ويوفق الجميع
نصيحه مني كمجرب اي واحد تشوفه يلف يمين او يسار اكرشه على طول انت في امريكا لا تطيح فيهم ثم تاكلها مثلي
قسم بالله ورعنه ورعنه حاول تشوف لك واحد سعودي ممتاز فالدراسه ولا تتكلمون عربي نهائيا و اي واحد تشوفه مايحب يتكلم انجليزي ابتعد عنه على طول ..ياخي انا ماخذ مواعيد ومواثيق وحلف وشهود على خويي مايتكلم عربي بس مافيه فايده يسلك لي واحس انه متضايق يحاول يتهرب عشان يتكلم عربي خلاص مليت عفت الانجليزي قسم بالله
حتى لو ابتعدت عنهم يجوني لبيتي وحنا في تربيتنا ماتعودنا نصرف الضيف ولا نطرده
رد: مليت وانا احاول اتعلم الانجليزي لكن مافيه فايده من عنده الحل
الحل هو انك اذا شفت سعودي او حتى عربي تشوته برجلك ...
وراح تشوف الفرق الكببييييير في غضون شهرين من اول شوته ...
رد: مليت وانا احاول اتعلم الانجليزي لكن مافيه فايده من عنده الحل
شف اخوي انا انشالله بعطيك بعض الاشياء الي يمكن تفيدك والشباب مشالله ما قصر عطوك حلول لاكن خذها مني الشباب الي انت معهم اول شي لازم تسويه انك تحاول قد ما تقدر انك تبتعد عنهم يعني مو على طول تقطعهم لا شوي اشوي وتقدر تقطعهم على طول إذا قالولك شفيك يا فلان قلهم بصريح العبارة انا ابي اتعلم ما ابي ارجع السعوديه حداد بدون فحم هههههههه بس لا تخاف ان شكلك انسان تبي تتعلم لو انك ما تبي تتعلم ما جيت وطرحت موضوع تبي الحلول لمشكلتك بعطيك بعض الاشياء
الاول انك تتركهم
الثاني انك لازم تتعرف على ثنين او ثلاثه اجانب مو شرط امريكان اهمشي اجانب تمارس اللغه معهم
الثالث امسك ورقه A4 واكتب بالخط العريض وكبر الخط اكتب فيها مثلا "انا لازم اتكلم انجليزي" وحطها في مكان واضح انت دائما تشوفها وحاول انك تطبع لك كذا نسخه وتعلقهم طبعا الطريقه ذي نوع من انواع "البرمجه العقليه "
الرابع إذا تقدر تغير المدينه الين تعدي مرحله اللغه يكون افضل لك
ولو حصل وغيرت المدينه اول شي السعوديين والعرب اسحب عليهم لا تتعرف إلا على واحد او ثنين ويكونون من الممتازين او زيك يبون يتعلمون ولا تختلط فيهم كثير خلك كل سبوع مره او مرتين بس خلك على الفترة ذي الين تحس انك تمكنت من اللغه وتتكلم بطلاقه بعد كذا عادي رح مع الي تبي وحاول تدور الممتازين وخل عنك الكسالى
سو الي قلت لك عليه وانشالله انك تعدي بذكرلك تجربتي
انا درست في معهد نيوهرايزن في السعوديه لمد 8 اشهر بس اللغه عندي مو ذاك الزود وقلت لازم اطورها
و ادق التذكرة على نيوزيلندا طبعا كنت اتكلم بس اتعتع كلام مكسر رحت اول شي سويته سحبت على اي واحد سعودي اقابله سلام وعليكم السلام وبس اروح اصلي الجمعه في المسجد تخلص الصلاة على طول الهوم ستي تعرفت على واحد بس وله 6 شهور في نيوزيلندا طبعا جلست ودرست لمدة شهر ونص يوم جيت ارجع السعوديه قيمتني المدرسه 6.5 في الأيلس في السبيكنق بس تصدق اني اتكلم احسن من الي كان معي وتقريبا طلاقتي في الكلام زي الي جالسين 7 شهور و8 شهور بس طبعا تنقصني المفرادت طبعا خلال الفترة الماضيه تعرفت على كم واحد سعودي بس ما اطلع معهم يحاولون بس نو اتمنى انك تستفيد من تجربتي واتمنى الي قلتلك عنه واتمنى ان الخطوات الي قلتلك تفيدك ودعواتك لي بالتوفيق طالع كند خلال فترة بسيطه على حسابي دعواتك لي بلألحاق المبكر
وسلامتك الله يسر امرك انشالله
رد: مليت وانا احاول اتعلم الانجليزي لكن مافيه فايده من عنده الحل
السلام عليكم ورحمة الله وبركاته ..
اولاً : كيفك ياخوي "يالله الخيره" ان شاءالله بخير :)
ثانياً : احب اقولك اخسر 1000 دولار واسكن مع عائلة وتعلم
ومارس اللغة مع اهل اللغة ولا تخسر وقت من عمرك يضيع بدون فائدة ،،
لانك مثل ماتقول لك 6 شهور بأمريكا ولا استفدت اي شي
وهالمدة ترا موب بسيطة وانا اخوك المفروض انك خلال 3 شهــــــور
من وصولك لامريكا بدأت بالانطلاق في التعلم وهذا وقت وعمر يمـــر
من حياتك من دون جدوى ،، وحاول قدر المستطاع تبعد عن
بعض الشباب اللي قسم بالله مايستاهلون حتى يبتعثونهم لليمن
لكن وش نقول اذا البعض منهم واسطته قووويه وماخذ الوضع
تسلية وفله على قولهم ،، وعليك بحفظ اي كلمة جديدة عليــــــك
ومراجعتها بشكل يومي ومارس اللغة باستمرار وراح تشــوف
تحسن بأذن الله ..
والله يوفقك ان شاءالله ويسهل امرك وييسر عليك كل معسر ..
كــــــــــل الـــتـــقـــديـــر ،،،،،،،،،،،،
رد: مليت وانا احاول اتعلم الانجليزي لكن مافيه فايده من عنده الحل
والله مع احترامي لك اذا كل هالفتره جالس مع هالشله وما تعلمت فانت مثلهم
يعني لو انك جاد كان اقرب زميل لك اجنبي بالمعهد خاويته وطلعت معهم للحدايق وسولفت معهم
واللغه اساسهاا الكلمات وما فيه حل الا انك تترجم كلمات ونحفضهاا عشان يقوى مخزون اللغه عندك وتستخدمهاا مع اللي بالمعهد
واترك عنك البشكات ودق البلوت ومطارد الشقر او خصص لهم وقت معين
اتمنى تكون صادق مع نفسك حتى تكسب الرهان اللي تغربة عشانه
وبالتوفيق
رد: مليت وانا احاول اتعلم الانجليزي لكن مافيه فايده من عنده الحل
يالبى قلبك ياشيخ .. زماان عنك .. شخبارك ياعسسل :D ..؟ وش فيك وقفت الكتابه في مدونتك < برـآ :D
صراحه احس انا اللي منزل الموضوع صار لي 6 شهور ولا آستفدت شئ .. اللي تجالسهم نفس اللي اجالسهم ونفس الصفات + التخلف + التفكير
وانا ان شاء الله بكره بمشي لمدينتي الجديده .. وخلاص بسوي مقااطعه للعرب :D وبسكن في سكن المعهد كلهم انتر ناشنال .. كنت مقرر ارجع في رمضان لكن شكلي بديت اكنسل الرجعه لين اخلص اللغه ..
عموما انا ماعندي حل :D لانو انا اعاني نفس مشكلتك بالضبط :p
بالتوفيق ياطحينه :D
رد: مليت وانا احاول اتعلم الانجليزي لكن مافيه فايده من عنده الحل
اقتباس:
المشاركة الأصلية كتبت بواسطة mohadona
الحل بسييط جدا
اول شي السكن مع عااااااااايله
ثانيا لاتطلع معاهم ماقولك بالمره يعني قابلهم في الويك اند
واذا قدرت تغير المعهد يكون احلى
وبالتوفيق
كتب الي بخاطري
انا ساكن مع عائله صار لي شهر
وحسيت اني بديت اتفلت باللغة
وهذا الشي قالوه لي العائلة
رد: مليت وانا احاول اتعلم الانجليزي لكن مافيه فايده من عنده الحل
اقتباس:
المشاركة الأصلية كتبت بواسطة CERESTY
يالبى قلبك ياشيخ .. زماان عنك .. شخبارك ياعسسل :D ..؟ وش فيك وقفت الكتابه في مدونتك < برـآ :D
صراحه احس انا اللي منزل الموضوع صار لي 6 شهور ولا آستفدت شئ .. اللي تجالسهم نفس اللي اجالسهم ونفس الصفات + التخلف + التفكير
وانا ان شاء الله بكره بمشي لمدينتي الجديده .. وخلاص بسوي مقااطعه للعرب :D وبسكن في سكن المعهد كلهم انتر ناشنال .. كنت مقرر ارجع في رمضان لكن شكلي بديت اكنسل الرجعه لين اخلص اللغه ..
عموما انا ماعندي حل :D لانو انا اعاني نفس مشكلتك بالضبط :p
بالتوفيق ياطحينه :D
ههههههههههههههههههههههه ،
يـ رجآل أرجــع بـ رمضضآنَ الصصصيآإم هنآك زين :D
وبعددينَ لـي 8 ششهور هنآ أسستحق التذذكــرة ولإ مآفـي أممممل :(
والمشكلــة الثآنيــة ورآه الملحقيــة تقولكَ مآترجـع لـ ألسسعودية الا إذآ خلصت أنقليـزي !!؟
يعنـي تقـددر تروحَ على حسسآبك وتسسحب علييهم ومآتدق َ :P
__________________________________
رآعي الموضوعَ يآخوي إتركَ عنكَ هـ السسعودينَ والعربُ ورآح تششوف شـئء يسسسرك وحآول تحتـك مع إمريككي سسكرآن عششآن يهذري معكَ :D
ب إلتوفيقَ