مليت وانا احاول اتعلم الانجليزي لكن مافيه فايده من عنده الحل

اقتباس:

---

المشاركة الأصلية كتبت بواسطة Abadi 177

الحل هو انك اذا شفت سعودي او حتى عربي تشوته برجلك ...

وراح تشوف الفرق الكببييييير في غضون شهرين من اول شوته ...

---

والله ماعندك تفاااااااااهم هههههههههههه

اقتباس:

---

المشاركة الأصلية كتبت بواسطة احمدااا

شف اخوي انا انشالله بعطيك بعض الاشياء الي يمكن تفيدك والشباب مشالله ما قصر عطوك حلول لاكن خذها مني الشباب الي انت معهم اول شي لازم تسويه انك تحاول قد ما تقدر انك تبتعد عنهم يعني مو على طول تقطعهم لا شوي اشوي وتقدر تقطعهم على طول إذا قالولك شفيك يا فلان قلهم بصريح العبارة انا ابي اتعلم ما ابي ارجع السعوديه حداد بدون فحم هههههههه بس لا تخاف ان شكلك انسان تبي تتعلم لو انك ما تبي تتعلم ما جيت وطرحت موضوع تبي الحلول لمشكلتك بعطيك بعض الاشياء

الاول انك تتركهم

الثاني انك لازم تتعرف على ثنين او ثلاثه اجانب مو شرط امريكان اهمشي اجانب تمارس اللغه معهم

الثالث امسك ورقه A4 واكتب بالخط العريض وكبر الخط اكتب فيها مثلا "انا لازم اتكلم انجليزي" وحطها في مكان واضح انت دائما تشوفها وحاول انك تطبع لك كذا نسخه وتعلقهم طبعا الطريقه ذي نوع من انواع "البرمجه العقليه "

الرابع إذا تقدر تغير المدينه الين تعدي مرحله اللغه يكون افضل لك


ولو حصل وغيرت المدينه اول شي السعوديين والعرب اسحب عليهم لا تتعرف إلا على واحد او ثنين ويكونون من الممتازين او زيك يبون يتعلمون ولا تختلط فيهم كثير خلك كل سبوع مره او مرتين بس خلك على الفترة ذي الين تحس انك تمكنت من اللغه وتتكلم بطلاقه بعد كذا عادي رح مع الي تبي وحاول تدور الممتازين وخل عنك الكسالى


سو الي قلت لك عليه وانشالله انك تعدي بذكرلك تجربتي

انا درست في معهد نيوهرايزن في السعوديه لمد 8 اشهر بس اللغه عندي مو ذاك الزود وقلت لازم اطورها
و ادق التذكرة على نيوزيلندا طبعا كنت اتكلم بس اتعتع كلام مكسر رحت اول شي سويته سحبت على اي واحد سعودي اقابله سلام وعليكم السلام وبس اروح اصلي الجمعه في المسجد تخلص الصلاة على طول الهوم ستي تعرفت على واحد بس وله 6 شهور في نيوزيلندا طبعا جلست ودرست لمدة شهر ونص يوم جيت ارجع السعوديه قيمتني المدرسه 6.5 في الأيلس في السبيكنق بس تصدق اني اتكلم احسن من الي كان معي وتقريبا طلاقتي في الكلام زي الي جالسين 7 شهور و8 شهور بس طبعا تنقصني المفرادت طبعا خلال الفترة الماضيه تعرفت على كم واحد سعودي بس ما اطلع معهم يحاولون بس نو اتمنى انك تستفيد من تجربتي واتمنى الي قلتلك عنه واتمنى ان الخطوات الي قلتلك تفيدك ودعواتك لي بالتوفيق طالع كند خلال فترة بسيطه على حسابي دعواتك لي بلألحاق المبكر


وسلامتك الله يسر امرك انشالله

---

قسم بالله كلام من ذهب تسلم الله يجعلها في موازين حسنا تك ويلحقك فالبعثه بكره ياكريم...^_^ شكرا

اقتباس:

---

المشاركة الأصلية كتبت بواسطة first ksa

السلام عليكم ورحمة الله وبركاته ..

اولاً : كيفك ياخوي "يالله الخيره" ان شاءالله بخير :)

ثانياً : احب اقولك اخسر 1000 دولار واسكن مع عائلة وتعلم
ومارس اللغة مع اهل اللغة ولا تخسر وقت من عمرك يضيع بدون فائدة ،،
لانك مثل ماتقول لك 6 شهور بأمريكا ولا استفدت اي شي
وهالمدة ترا موب بسيطة وانا اخوك المفروض انك خلال 3 شهــــــور
من وصولك لامريكا بدأت بالانطلاق في التعلم وهذا وقت وعمر يمـــر
من حياتك من دون جدوى ،، وحاول قدر المستطاع تبعد عن
بعض الشباب اللي قسم بالله مايستاهلون حتى يبتعثونهم لليمن
لكن وش نقول اذا البعض منهم واسطته قووويه وماخذ الوضع
تسلية وفله على قولهم ،، وعليك بحفظ اي كلمة جديدة عليــــــك
ومراجعتها بشكل يومي ومارس اللغة باستمرار وراح تشــوف
تحسن بأذن الله ..

والله يوفقك ان شاءالله ويسهل امرك وييسر عليك كل معسر ..


كــــــــــل الـــتـــقـــديـــر ،،،،،،،،،،،،

---

مثل ماقلت 6 شهور وانا ادابك هههههههه والواسطه مالها حل جزاك الله عني كل خير
كل تقديري..too

اقتباس:

---

المشاركة الأصلية كتبت بواسطة طبيب عازب

والله مع احترامي لك اذا كل هالفتره جالس مع هالشله وما تعلمت فانت مثلهم

يعني لو انك جاد كان اقرب زميل لك اجنبي بالمعهد خاويته وطلعت معهم للحدايق وسولفت معهم

واللغه اساسهاا الكلمات وما فيه حل الا انك تترجم كلمات ونحفضهاا عشان يقوى مخزون اللغه عندك وتستخدمهاا مع اللي بالمعهد

واترك عنك البشكات ودق البلوت ومطارد الشقر او خصص لهم وقت معين

اتمنى تكون صادق مع نفسك حتى تكسب الرهان اللي تغربة عشانه

وبالتوفيق

---

حبيب قلبي والله ماعنك وعن البلوت مفر لو تروح للقمر فيك فيك حتى بعض الامريكان معلينهم الشباب هنا والشله اللي انا اتكلم عنهم فيهم اللي ماصلى 4 شهور ولا ركعه عرفت نوعيتهم..

"Good advice make realtionshep with girlfrined"

اقتباس:

---

المشاركة الأصلية كتبت بواسطة CERESTY

يالبى قلبك ياشيخ .. زماان عنك .. شخبارك ياعسسل :D ..؟ وش فيك وقفت الكتابه في مدونتك < برـآ :D

صراحه احس انا اللي منزل الموضوع صار لي 6 شهور ولا آستفدت شئ .. اللي تجالسهم نفس اللي اجالسهم ونفس الصفات + التخلف + التفكير

وانا ان شاء الله بكره بمشي لمدينتي الجديده .. وخلاص بسوي مقااطعه للعرب :D وبسكن في سكن المعهد كلهم انتر ناشنال .. كنت مقرر ارجع في رمضان لكن شكلي بديت اكنسل الرجعه لين اخلص اللغه ..

عموما انا ماعندي حل :D لانو انا اعاني نفس مشكلتك بالضبط :p

بالتوفيق ياطحينه :D

---

هلا والله صديقي ههههههههههه وحشتنا الضحكه هذي :D المدونه جعل مانت بمدونه ..ماشاء الله بتسوي حمله مقاطعه
انهم لا قالوا تعال في كبسه قدر ضغط ضاعت علومك ههههههههههههه عليك بالعمريكان هناك خل منك الدشير تكفى لاترجع للسعوديه لين تخلص لغه مزبوط عشان تروح عند اهلك تبربر هههههه بالتوفيق طحينه 2 والله اني مطحون صدق وكلنا مطحونين الله لا يطحنا ^_^

اقتباس:

---

المشاركة الأصلية كتبت بواسطة feeling

"Good advice make realtionshep with girlfrined"

---

امحق نصيحة ....

اقتباس:

---

المشاركة الأصلية كتبت بواسطة feeling

"Good advice make realtionshep with girlfrined"

---

ههههههههههههههههههه >>>> Feeling ,what are you feeling
السبلينق عند غلط حاول تكتشف الغلط ^_*

اقتباس:

---

المشاركة الأصلية كتبت بواسطة خوي العز

كتب الي بخاطري
انا ساكن مع عائله صار لي شهر
وحسيت اني بديت اتفلت باللغة
وهذا الشي قالوه لي العائلة

---

ماودي احطمك كل عائله تقول كذا عشان ماتتركهم هههههههههههه

حبيبي قبل لا تترك العرب اختبر ايلتس وشوف النتيجه وبعدها اترك العرب لمدة شهرين وسكن مع عائله وختبر مره ثانيه

وشوف التطور بنفسك انا لما درست في بريطانيا كنت اقول انقليزي حقي مكسر مثل الهنود والبنقاليه ههههههههه بس سويت زي كذا وطلع تطور رهيب