مليت وانا احاول اتعلم الانجليزي لكن مافيه فايده من عنده الحل

الاخ feeling مسجل بالمنتدى عشان يحط هالمشاركة

ياخي قل خيرا او اصمت ..

بئس النصيحة نصيحتك .. مايمكن الانسان يتعلم لغة الا بهالطريقة .. لا والله هذا من تزيين الشيطان .. واتباع هوى النفس ..

اخوي صاحب الموضوع .. اظن في موضوعك ..ذكرت المشكلة .. وذكرت الحل ايضا ..

يعني انت ماقلت لنا انك لك ست شهور ماتعلمت لغة وخلاص ..

لا .. انت قلت ايضا .. السبب .. اللي هو هالمجموعة اللي معك طول فترة اقامتك ..

وبخلاف ضررهم عليك بتأخر تعليمك .. قد تؤدي صحبتك لهم الى ضرر على اخلاقك ودينك .. وهذا الزم ماعليك الحفاظ عليه ..

لذا اخي .. اترك هؤلاء الشباب .. أول خطوة لك .. ثم اجعل تعليمك شبكي .. وهذه الكلمة تعلمتها من احد الشباب ..
كيف شبكي ..

يعني معقد .. يعني لاتعتمد على طريقة واحدة في التعليم .. المعهد مثلا فقط ..

لا .. بل اجعل تعليمك بعدة طريق ..

المعهد اولا .. ثم تأتي الطرق الاخرى .. العائلة التي تسكن عندها ... ايضا التعليم عن طريق الانترنت .. يوجد العديد من المواقع المفيدة للتعليم .. النزول للشارع والاحتكاك بالناس ايضا طريقة .. كتابة كلمات جديدة وحفظها يوميا ايضا طريقة .. الاستماع لمحادثات عن طريق النت ايضا طريقة .. التواصل مع الناس عن طريق برامج المحادثة باللغة الانجليزية ايضا طريقة ويوجد مواقع متخصصة في الانترنت لتعليم اللغة بهذه الطريقة .. قراءة قصص بسيطة وتتدرج بشكل علمي ايضا طريقة جيدة مثل قصص بينقوين .. وضع مواد صوتية مثل الكتب المسموعة في الاي بود او في جهاز الجوال والاستماع لها وقت التنقل بالسيارة او القطار على قدميك ..

الطرق كثيرة .. وكل ما كثرت الطرق وتشعبت .. تجد نفسك تتطور بشكل سريع في نواحي عديدة ..

الاستماع مهارة ..

المحادثة مهارة ..

الكتابة مهارة ..

القراءة مهارة ..

اذا لو عدت للطرق التي ذكرتها لك ستجد ان كل طريقة تخدم مهارة من مهارات اللغة .. وانت تنمي هذه المهارة بحسب ماتعطيها في التعلم من وقت وجهد ..


موفق اخي ومعان ..

هاه يا ابناء بلدي ياحبايبي^_^ من اللي عنده شي يبي يظيفه او برنامج اخر غير اللي ذكروا الشباب
الله يعطيهم العافيه شي مجرب ومبتكر انا مستعد أطبق اي شي تقولونه

انتظر لين أجيك .. اعلمك ياباني مو بأنقليزي

وبعدين صدق تعرف على بنات وتكلم معاهم انقليزي .. ياخي التعرف مو شرط يكون حب ومدري كيف وعلاقه محرمه

ممكن تكون صداقه .. وترى الأنثى غالبا تكون مهتمه لذا شف بنات من اي دوله واقعد سولف لها عن الدراسه وزي كذا

ولا خلصت رح للبيت يعني اشوفك تواعدها ولا تعزمها على عشاء يا ويلك .. هع

والله يوفقكـ

والله شوف يالغلآ والله كثيرة لك 6 شهور ولا تعلمت ولا حاجه

ياحبيبي المعهد مو كل حاجه المعهد راح يكون 25 % او 30 %

والباقي عليك على الآختلاط بالناس وتتكلم معهم لآن الاختلاط هو

اللي يخلي الواحد يتكلم بطلاقة وبرضوا يخلي الواحد يطلع مهاراته

برضوا السكن مع عائلة جدا ً جدا ً مفيييد لأنها سبب من أسباب انك تختلط

بدون أختلاط والله ماراح تتعلم وأبعد الخجل عنك يعني تغلط في كلمة وتستحي

لا لا تستحي ولا حاجه شف اعرف واحد بالحرام يا أنه يصفقها ببعضيحط الحاظر مع الماضي وماشي الرجال

لآنه والله مافكر فيهم بس شفه ماشاء الله تعلم ودامك تمشي مع هالشلة والله بصراحه قهر

ماغير سكارى ومحششين انت قلتها واذا قلتلهم تبي تتكلم أنقليزي يتونسون عليك

ليش والله تبديهم على مصلحتك ؟

هل بيفيدونك اذا رجعت السعودية بدون شي ؟

هل بيفيدونك اذا انفصلت وقالوا خلاص الغوك من الابتعاث ؟

والله ثم والله مايفيدونك وش وبتقول لأبوك وش وجهك اذا رجعت

انا اعرف كلامي غثيث شوي بس والله يالغلا ماقلت هالكلام الا حبا ً فيك

ومابيك تنضر على ناس ماتستاهل حتى ـآ

أتمنى يا أخوي أنك تمشي بنصائح الآخوان اللي سبق وردوا اللي يجزاهم ألف خير

والكلام اللي قلتلك عليه وتبتعد عن هالفئة اللي ماشي معهم

تحياتي لك يالغالي

ههههههههههههههه الاخ feeling ....
اخوي قيصر روما : شاكر لك حبيب قلبي كلامك عين الصواب وان شاء الله ببدأ من اليوم احاول اطبق وابحث عن الطريق اللي
احس فيه كل يوم يزيدني علم باللغه .....ربي يوفقك ويسهل امرك

..................

احبك ربي ...والله انك صادق لازم نحسب للي ينتظرونا فالسعوديه الف حساب
وانا اكره شي اللي يجيك يحذف الكلام مايدري من المضارع والحاظر ليه لانه يفسد علي اللي جمعته كله من معلومات وقررمر ولو اسويها بكون مصدر ازعاج

أنا آسـف يالغلآ لا يكون جرحتك بالكلام بس والله ماقلته الا عشـآنك غالي ومابيهم يأثرون عليك

ماعندي شي على اللي قالوه الشباب الا شي واحد ومجرب شخصيا

راح يفيدك بالإستماع وزيادة المفردات والكلمات

طبعا هو شي مسلي وبنفس الوقت لو خليته للتعلم راح تستفيد منه

هو الأفلام والمسلسلات

انا ماجيت امريكا لكني بقولك تجربتني وانا هنا بالرياض

الحين الحمد لله استفدت منها كثييير وصرت لما اسمع اي كلام او محادثه افهم محتواها مباشره

او على الأقل افهم نسبة ٧٠٪ الى ٨٠٪ من محتوى الكلام

الطريقة هي انك تشوف لك حلقة من مسلسل مثلا لوست او هيروز او اي مسلسل تحبه

تشوف الحلقة بالترجمة العربية

بعدين تروح تحمل الترجمة الإنجليزية

وتشوف الحلقة مرة ثانية بالترجمة الأنجليزية

صدقني بتطور عندك اللغة بشكل قوي جدا وبنفس الوقت انت قاعد تتابع مسلسل وترفه عن نفسك ..

طبعا حاول انك تجيب اكثر من مسلسل

مثلا فيه مسلسلات طبيه هذي راح تفيدك ببعض المصطلحات الطبيه

وعلى هالطريقة حاول انك تستفيد

ايضا متابعة القنوات بشكل عام سواء الوثائقية او الإخبارية او الحوارية

اتمنى تستفيد من هالطريقة ..


وهالمبزره اللي ضايعين مانقول الا حسبي الله على اللي جابلهم واسطه بنت ....

آآآه يالقهر ناس تبي تتسلف فلوس

وتاخذ قروض بنكيه عشان تكمل دراستها وتلاحق ورا وزارة التعليم

وهذولي رايحين يسكرون ويحششون ولعب وواسطه تمشي مليون ..

أخوي فيه محاضرة أنصحك أنك تشوفها

بقسم كندا

اسم المحاضرة كيف تعلمنها.