الأعضاء الإشتراك و التسجيل

الملتقيات
ADs

نريد أن نرفع شكوى على الملحقية وعدم تجاوب المشرفين والمشرفات مع الطلاب سجل معاناتك

نريد أن نرفع شكوى على الملحقية وعدم تجاوب المشرفين والمشرفات مع الطلاب سجل معاناتك


NOTICE

تنبيه: هذا الموضوع قديم. تم طرحه قبل 5036 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية امنيه حياتي
    امنيه حياتي

    مبتعث مستجد Freshman Member

    امنيه حياتي الولايات المتحدة الأمريكية

    امنيه حياتي , ذكر. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى شبكات , بجامعة آه لسا
    • آه لسا
    • شبكات
    • ذكر
    • أه لسا, اي دونت نو
    • السعودية
    • Nov 2009
    المزيدl

    June 15th, 2010, 07:55 AM

    السلام عليكم ورحمة الله وبركاته

    الملحقية السعودية في واشنطن عطوني رايكم فيها

    انا من ناحيتي ما يردون علي سواء عن طريق البريد أو عن طريق الجوال فما الحل وليس أنا فقط جميع الشباب اللي معي 99% ما يردون عليهم
    هل بإمكاني رفع خطاب وشكوى للوزارة بعدم تجاوب المشرفين على الطلاب وعدم التعاون معهم وتطنيشهم لماذا يفعلون هذا الشيء ما عندهم مسؤول
    معي ورقة المشرفين وكلهم دقيت عليهم وارسلت لهم رسايل ما رد على الا وحدة وحولتني على المشرفة الخاصة فيني وحتى انقطع الخط

    والملحقية السعودية في واشنطن في انحدار الا إذا حطوا مسؤول عنده ضمير
  2. والله يالغالي انا اتفق معكـ بس صراحه ماودي اظلم الكل

    فيه بعض المشرفين زي مشفي بتكساس الحين والله عسل يرد على الايميلات اول باول والمكالمات بعد وخدووووم حيل وكل الطلاب اللي هنا يحبوووونه ويمزح معنا لا كلمناه الرجال مررره فلاااوي وخدوم احسن مشف مررر علي بامريكا ام الباقي الله بالخيرررر لو تدق من اليوم لين اسبوع مايرد عليك

    والله انا عندي ادفايزر اسمها بلقيس التميمي والله ماحولك احد ماتعرف شي اسمه تلفون ولا ايميل االله يكون بالعون
    واحنا معاكم بالشكوى
    7 "
  3. وانا معكم , ارسلت كذا مرة بريد لكن ماردوا علي.

    لو اني بنت كان جاني الرد من اول ساعه ارسلت لهم ...حسبي الله ونعم الوكيل عليهم.

    انا معك ياخوي بس قولنا وش المطلوب واحنا حاضرين , لازم نوقف هالمهزلة عند حدها ... مدري منو لنا لو اهم ما وقفوا معنا !
    7 "
  4. انا مابعد طحت في مثل هالمواقف وعساني مااطيح فيها ولا يطيح فيها اي طالب
    لكن انا عندي مشرف ينحط على الجرح يبرى الايميل ارسله اذا وقت دوام يوصلني بعد دقيقة بالتمام الرد
    من اسباب تراجعي عن تغيير الولاية هو بصراحة وين القى مثله
    اتذكر اني يوم رحت لواشنطن دخلت قسم المشرفين مكاتب كثييييييييييييييييير وفيه وحدة كانت تكلم في التليفون طالب وانواع التهزيء الظاهر انها ماترد عليه ودق وهو متنرفز وغسل شراعها وعاد هي مصرية لسانها يلوط اذان جيرانها
    ترى عليهم ضغط وبيني وبينكم فيه طلاب يرسلون على كل صغيرة وكبيرة لدرجة يرسلون عشان يسألون اسئلة تافهة او غامضة يعني خل تواصلك مع المشرف للضرورة باقي الامور ضبط اوضاعك انت بنفسك
    الشي الثاني الذرابة يعني يكون العنوان واضح فيه معلومات الطالب
    الرسالة يكون فيها سلام وتحية وطلب بطريقة مهذبة
    وخاتمة الرسالة تكون ايضا بشكر ودعاء ترى حنا نتعامل مع بشر يعني اسلوب الرسالة يحرج المتلقي والعكس
    مااتهم احد بشي ولا ادري عن شي لكن بس نصيحة
    الله يوفق الجميع ولا يحوجنا لأحد يارب
    7 "
  5. انا كانت عندي مشرفه عسل عسل تخيلوا الرد على الايميل في دقيقة والرد على التلفون على طول
    والحمدلله غيرت المعهد وهي عندي هي اللي تعلمني ويش لون ارفع الاوراق من الحكومة ويوم خلصت وقدني بارفعها لقيتها قد رفعتها لي علشان لا اتأخر
    الله يسعدها وين ما راحت
    والان غيروها حطوا لنا مشرفه انا باقي ما تعاملت معها لكن اسمع الشباب يسبونها

    بس ملاحظ شيء ان البنات ما يشتكون من المشرفين تبعهم يعني لو كنا بنات مشت امورنا؟؟؟؟؟
    7 "
  6. موضوع رائع ...

    ياحليلكم بس متوقعين ان مشاكل المشرفين بس مع الشباب ؟؟!!!!

    عموما بس حبيت اضيف لكم اني بنت ومشرفي مايدري عني ولا جاب لي خبر ...

    لي شهر اطامر وراهم عشان الضمان المالي للمرافق .. ولا عندي احد كل شي بالقطارة ولا فيه اي انجاز في الموضوع

    ولكم ان تتخيلوا .... لا ضمان مالي ولا مكافئة تنزل للمرافق ...


    الغريب انهم ماخذين اوراقه وكل شي في واشنطن .. اتفاجأ يوم وصلت مدينتي انهم ما اعترفوا فيه ابد ...لا ضمان ولا مكافأة يعني عايشين انا وياه على مكافئتي خخخخخخخخخخخخخ... الله ييسر بس ...

    يعني اللحين لو يدرون ان فيه بنت ما معها مرافق قوموا الدنيا وقعدوها... واللحين انا معي زوجي ولا اضافوه

    ما اقول الا ... اللهم افتح لي ابواب رحمتك و وسع علي وعلى جميع المسلمييييييين ...


    تحياتي لصاحب الموضوع ...
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.