عرض للطباعة
السلام عليكم ورحمه الله وبركاته
مساكم / صبحكم ... الله بالخيـر ..
اخواني .. عندي مشكله بخصوص البرنت الي طالبته الملحقية (للمرافق) اضغط هنا للتوضيح
الاحوال المدنيه عشان اطلع منها برنت تحتااج خطاب موجه لها .!
كلمت الملحقيه وقالو مانعطي خطاب .! كلمت الوزاره وقالو مانعطي خطاب .. والاحوال مو راضيه تعطيني برنت الا بخطاب ...!! فـ وش الحل ياجماعه ومن صارت له نفس المشكله وقدر يطلع برنت .! وش اسوي .!
طبعا انا طالب ماني بـ موظف .!
إن شاء الله أمورك سهاله وبإذن الله تجد الحل المناسب وأتمنى لك التوفيق
أخوي روح مكتب العمل على انك تبي تطلع فيز قول لهم ابي خطاب اجيب لكم البرنت اللي طلبتوه من الاحوال باني متسبب ...
راح يعطونك برنت الاحوال اهم شي تطلع بخطاب ..
راح يعطونك برنت مو موجه لااحد وانت شيله واعطيه الملحقيه .
طيب اللي مرافقها صغير بال19 وعزوبي كيف تعطيه وزارة العمل خطاب عشان يطلع برنت
أسامة
صور بطاقتك واطلع للأحوال و ادخل مكتب المدير وقول لهم أحتاجه يوقع لي عشان برنت ، الرجل جزاه الله خير فاتح مكتبه للكل
ادخل وقول له وضعك وأبد بحول الله يوقع لك لا مانع وانزل للي تحت يعطونك اياه مباشرة
موفق
عادي عزوبي ولا متزوج و19 << اشوف انه كبير مو صغير ... يقدر يروح مكتب العمل ماهي بوزارة العمل يروح له ويقول ابي خطاب اطلع برنت اني متسبب فقط لانهم يعطون خطابات بس لايروح يقول خطاب للوزاره من شان الملحقيه بيقولون ويش دخلنا ..
بالتوفيق
زي ماقال اخوي السامي اطلع للمدير انت والاخت اللي تبي اخوها ياخذ خطاب ويشرح له الوضع ويطلع له خطاب ..
ترى الامر عادي ... بس اذا لزم الامر سوي اللي قلته لك
الاحوال المدنية يعطونك ترا وحصلت لي نفس قصتك بس للأسف ماطلع البرنت الا بواسطة بس هم يحبون يتعبون العالم وبس
وبعد ماطلعت البرنت ماطلع موجه لأي ادارة اللهم برنت تعطي الملحقية بس مكتوب عليه اسمك وعمرك وبعد المعلومات العادية
تبغى نصيحتي شيل الوالد او اي اخ اكبر منك واطلع لمدير الاحوال اشرح له حالتك من طق طق لسلام عليكم
الله يعينك
اول الحل هو الواسطة
ثاني حل إطبع لهم صفحة الملحقية اللي موضح فيها إن البرنت مطلوب
ثالثحل أكتب خطاب لمدير الأحوال وإرفق معاك قرار إبتعاث المبتعث
الله ييسر لك أمورك
ترى السالفة بسيطة سو مثلي اطبع حالة الطلب اللي في موقع الوزارة واللي يبين انك انت المرافق واطلع على مدير الاحوال او نائبه وقوله السالفة وبيخليك تكتب خطاب وبتستلم البرنت في نفس الوقت ولا مكتب عمل ولا بطيخاقتباس:
المشاركة الأصلية كتبت بواسطة alhaime
موفق ...