مرافقين في المرحلة الابتدائيه والثانوي ....كيف وضعهم الدراسي

نفس السؤال عندي

الفرق ان اخوي هو المرافق في اول ثانوي

انتظر الاجابه والله يعطيكمم العافيه

مرحبا اخواتي الاوضاع الله اعلم بس اكيد في ناس مروا بالتجربه هاذي وحيفيدونكم اكثرلا تشغلوبالكم ترى اهل الخيركثثثثثثثثير

انا اعتقد انه عادي يقدروا يكملوا عن طريق معادلة المواد اللي هنا مع الموادـ حقت المدارس الامريكيه وبالنسبة للنقل والله ما ادري بس اكيد باقي الاعضاء حيجاوبوا

هناك خياران لك يا أختي..
أولاً: الشهادات من المدارس الأمريكية مُعترف بها هنا في السعودية ويمكن معادلتها..
ثانياً:يمكن أن يدرسوا في المدارس الأمريكية و "ينتسبوا" لمدرسة سعودية (يعني يدرسون "منازل") وتكون الاختبارات فصلية بحسب مركز الاختبار المحدد من الملحقية.. فهناك أكثر من مركز في أمريكا..

هذا بالنسبة للمراحل الأولى أما المرحلة الثانوية (ثاني وما فوق) ليس عند أي معلومة..

إضافة بالنسبة للغة "لن" يكون هناك أي مشكلة أبداً حيث أنهم "يكتسبونها" في أشهر قليلة ولن يعانوا من اللغة أبداً أي أنهم يختلفون عن الكبار ..!!

أتمنى أن أكون قد أفدت..

اهلين* مبتعثه جديده * انشالله نلاقي اجابات مطمنه وربي يسهلها

ياهلا* بالماسه * الحمدلله كل اللي بالمنتدى فيهم الخير والله ومايقصروا
اشكرلك مرورك

ياهلا *مبتعثه من جده * يعطيكي العافيه هو اكيد راح تعادل والدراسه بالمدارس الامريكيه معترف بها هنا لكن حبيت اتأكد هل هذا يحتاج يعيدوهم سنه مثلا
اشكرك لاهتمامك


اهلا *ابا عبدالعزيز*تسلم اخوي ماقصرت لكن هل يكملوا بنفس مرحلتهم او يعيدوهم سنه وبالنسبه للغه طمنتني وانا الان بحاول امهدلهم واعلم اشياء بسيطه
اشكرك ولا تنسونا من دعواتكم

اتمنى الاقي اجابه بخصوص موضوع اخوي اللي بالثانوي كيف حيكون وضعه بالضبط

في انتظاركم

انا اعرف اخو صاحبي الآن هو بثاني ثانوي و رايح يرافق اخته بأمريكا الشي اللي رح يسويه هو انه رح يراسل معهد اللغة اللي انقبلت فيه اخته و يجيب القبول و يطلع فيزا f-1 كأي طالب عادي ... بعد ما يتجاوز سنة من دراسة اللغة عشين يحسن لغته رح يعادل درجاته بمدرسة ثانوية أمريكية و ينضم لها ... طبعا هالشي يعطيه ميزة أنها من بداية وصوله لمقر الدراسة رح يكون وضعه كأي مبتعث يستلم مكأفأة و له كافة المميزات ....

من واقع تجربة..

ابني كان ناجح من الصف الثاني إلى الثالث ولكن في المدرسة الأمريكية قالوا بأن عمره حسب تقويمهم "الميلادي" يتوجب عليه أن يبقَ في الصف الثاني وقالوا لي بأنه بناءاً على الشهادة ممكن يضعونه في الصف الثالث ولكن هذا في غير صالحه بحكم أعمار الطلاب الذين في الصف الثالث..
أما بالنسبة للملحقية فأعتبروه نفي الصف الثالث وأكمل دراسته بشكل طبيعي..
وعندما عدنا لم نحتاج للشهادات الأمريكة..!!

أكرر بالنسبة للغة لا تتعبي نفسك في تعليمهم الآن لأنهم "سيكتسبون" اللغة خلال أسابيع وهناك فرق بين الإكتساب والتعلم ..!! هل علمت أطفالك "لهجتهم" أم هم اكتسبوها..؟ وهذا ماسيحدث لهم خلال فترة وجيزة، انظري إلى الخادمة كيف تكتسب لهجة العائلة التي تعمل عندها.. هذه عملية ثابته الجميع يمرون بها فهما علمتيهم لن تُفيدهم بل قد يتأثرون بنطقك وهذا في غير صالحهم فمعروف عند كل من درسَ هناك أن الأطفال يلفظون الكلمات ويتحدثون أحسن من والديهم كل هذا بسبب "اكتساب" اللغة..

أسألُ الله لنا ولكم والتوفيق والسداد وأن يجعلنا وإياكم ممن يصدق فيهم قل المصطفى (من سلك طريقاً يبتغي فيه علماً سهل الله له طريقاً إلى الجنة) أو كما قال عليه الصلاة والسلام..

وآسف على الإطالة..
أخوك

يعطيك العافيه اخي O.I.M ريحتني الله يجزاك خير

انا افضل اشرحلك وضعي شوي حتى تساعدني اكثر (انا في الاصل كان زوجي راح يرافقني وهو فعلا راح يسافر معاي في البدايه لمده شهرين تقريبا اللي حصل انه عسكري ومايقدر ياخذ اجازه بدون مرتب لانه عليه التزامات بنكيه ولو حاول يكون ملحق عسكري وهذا فعلا فكرنا فيه قد تواجهنا مشكلة مكان دراستي احتمال مااقدر اجيب قبول في مكان قريب من الملحقيه فقررنا اخذ اخوي بس بعد مايرجع زوجي وينسق اموري نحول المرافق) ايش رايك في الامر
انا راح احط رابط موضوعي السابق هنا اتمنى تساعدني

http://www.mbt3th.us/vb/showthread.php?t=18959

اسفه على الاطاله لكن هل ممكن اذا سافرت اجيب لاخوي قبول من نفس معهدي وهل يسافر من هنا بفيزه مرافق وهناك يغيرها او يسافر بفيزة طالب؟؟

وثانيا اخوي هذا يصير اخوي من الام هل في مشكله لاختلاف الاسماء او يكفي اجيب اثبات بانه اخوي



ولك جزيل الشكر على تعاونك