نصائح مهمة قبل تروح لأمريكا وأثناء وصولك هناك

حبيت أضيف بعض الاشياء اللي مرت علي أنا قبل اسبوع

الأوراق الاصلية طبيعي تكون معك لكن انسخ منها نسخ احتياطية لأي ظرف كان ممكن يطلبون منك نسخه
تذكر ان جميع اوراقك معك:
- الاي توني
_الجواز _
صورة من بطاقة الاحوال واذا الاصل معك احسن
- صورة مكشوف الرأس عدد اربع اقل شي (نفس الصور اللي صورتها للسفارة انسخ منها وحطها في محفضتك)

-عنوانك في المملكة كامل البيت الحي الشارع صندوق البريد

-اسم ابوك وامك بالانجليزي كامل وتاريخ ميلادهم ضروري بالميلادي طبعاً

-تصور تذاكر السفر عشان ترسلها للملحقية اثباتاً لدخولك للأراضي الامريكية(من المتطابات لتسجيل الطالب المبتعث حسب ماهو موجود في موقع الملحقية)

-عنوانك اللي تبي تسكن فيه بأمريكا (يعني قبل تجي لازم تكون عارف سكنك سواء مع عائلة او في شقة لحالك او سكن زميل لك في نفس الولاية اللي تبي تروح لها او في أسوأ الظروف لازم تكون تعرف عنوان الجامعه او المعهد اللي تبي تدرس فيه وتكتبه في الاوراق اللي مطلوب تعبيها يمشي الحال بعنوان المعهد)
ونصيحه نسق للسكن قبل تجي لأمريكا لأنك موضوع السكن مو سهل خاصة مسألة اللي يبي يسكن مع عائلة ماراح يلقى على طول وفيه مواقع كثير تسجل فيها وتعطيهم مبلغ معين وهم يدورون لك

واذا تعرف احد في الولاية اللي تبي تروح لها بعد حلو خله يشوف لك من بدري قبل تجي باسبوعين على الاقل واحسن قبل شهر

-خلي في حسابك رصيد حلو يعني من ال15000 ريال اقل شي لأن السفارة يطول موضوعها يعني الشهر مافيها كلام على ما تنزل مكافأتك
وانت اول ماتجي راح تصرف كثييييييييييييييييير اولها المعهد اللي بتدرس فيه راح تدفع لهم من جيبك لحين ماتقوم الملحقية بالدفع ذاك الوقت تسترد فلوسك
والسكن ودفعاته الاولى و.... أشياء كثيرة منها التلفون والاكل


- نقطة ضرورية شنطتك قبل تشحنها اوزنها اذا اكثر من 32 كيلو نقصها بقدر ماتقدر
خويي اخذوا عليه 100 دولار عشان 4 كيلو !!!!!
يعني لو تشتري جديد بدال الموجود بالشنطة أصرف!!!! ولا تدفع لهم 100 دولار
وتستفيد اذا كان وزنها 32 واقل ورحلتك من السعودية على الخطوط السعودية تقدر تطلب منهم يوصلونها الى آخر محطة توصل فيها انت :
يعني مثلاً أنا كانت رحلتي الرياض جدة نيويورك سياتل
من الرياض الى نيويورك على الخطوط السعودية
لكن من نيويورك الى سياتل على خطوط امريكية اسمها الدلتا
ومع ذلك السعودية توصلها لك لحد سياتل مثلاً وتستلمها من مكار سياتل احسن من انك تسحبها معك في نيويورك وتدخلها مره ثانية وشغله طويله عريضة ( وهذا اللي صار معي لأن وزن شنطتي كان فوق 32 عشان كذا رفض الطيران السعودي يتكفل بنقلها لسياتل لاني متعدي الوزن اللي تسمح فيه الخطزط الامريكية)

-مسألة الأفياش تكلموا فيها الشباب كثير وفيه شباب حاطين صورة للفيش المطلوب جلبه من السعودية

-اشتر قاموس ترجمة واطلس يمدحونه اذا ماديتك حلوه واذا ماديتك نص ونص ترى مو ضروري مره يكفي كتب الترجمة اكسفورد واخوانه

-في المطار الامريكي اذا مافهمت شي اطلب مترجم (يجيبونه غصب عنهم مو طيب منهم)

-لا تقول في ألاوراق او اذا سألك الموظف انك تعرف أحد بأمريكا بعدين يشغلونك (يطلبون منك تفاصيل عنه كامله)

- مايحتاج تروح للملحقية بامريكا الا بالعكس ماودهم انك تجيهم .والافضل خلي خط سير رحلتك على الولاية اللي بتدرس فيها وهناك اذا وصلت صور الاوراق واطبعها من موقع الملحقية وعبيها وارسلها فيدكس بـ90 ريال وتوصلهم في خلال 24 ساعه)

-وش بعد وش بعد وش بعد والله نسيت


-اللي يقول لك انهم يفتشون الجهاز والبرامج المنسوخه ماعنده سالفة تعال وانت متطمن انا دخلت ولا قالوا لي شي مع ان كل برامجي منسوخه من حبيبك قوقل

-وضع النقاب مافيه اي مشاكل لأخواتي اللي يبون يروحون حتى انك تقدر تطلب ان اللي يكشف عن وجه اختك ا و زوجتك تكون موظفة مو موظف وهم حبيبين يوافقون ويحترمون ديانتك ويحضرون لك موظفة على طول تشوف وجهها وتخليها تروح والسلام


هذا اللي في ذاكرتي الحين واذا فيه اي استفسار عن اي اجراء انا مستعد

ودي اخدم كل واحد حسب مقدرتي

مشكور اخوي ويعطيك الف عافيه . .

اخوي عناب الف شكر لك
من جد افدتني يهالمعلومات الله يوفقك يارب ويسهل امورك

بس يارب تتسهل اموري واطلع بعثه
بس بسالك سؤال يمكن داخل عرض شوي بس تحملني
اذا بكمل ماستر مو على امتداد تخصصي بكالريوس يحسب دبلوم عالي او ماستر

اي احد عنده خلفيه يقولي االله يوفقه

وشكرا مره ثانيه اخوي عناب

اقتباس:

---

المشاركة الأصلية كتبت بواسطة F A B R E G A S

مشكور اخوي ويعطيك الف عافيه . .

---

شكراً على مرورك العطر

اقتباس:

---

المشاركة الأصلية كتبت بواسطة حلمي دكتورااه

اخوي عناب الف شكر لك
من جد افدتني يهالمعلومات الله يوفقك يارب ويسهل امورك

بس يارب تتسهل اموري واطلع بعثه
بس بسالك سؤال يمكن داخل عرض شوي بس تحملني
اذا بكمل ماستر مو على امتداد تخصصي بكالريوس يحسب دبلوم عالي او ماستر

اي احد عنده خلفيه يقولي االله يوفقه

وشكرا مره ثانيه اخوي عناب

---

الله يجزاك خير على هالدعوات والله يوفقك في بعثتك ان شاء الله


وبالنسبة لاستفسارك لو عندي خلفية عنه مابخلت عليك

لكن ننتظر الشباب الطيبين يردون عليك

اقتباس:

---

المشاركة الأصلية كتبت بواسطة حلمي دكتورااه

اخوي عناب الف شكر لك
من جد افدتني يهالمعلومات الله يوفقك يارب ويسهل امورك

بس يارب تتسهل اموري واطلع بعثه
بس بسالك سؤال يمكن داخل عرض شوي بس تحملني
اذا بكمل ماستر مو على امتداد تخصصي بكالريوس يحسب دبلوم عالي او ماستر

اي احد عنده خلفيه يقولي االله يوفقه

وشكرا مره ثانيه اخوي عناب

---

لازم اخوي قبل ما تدخل برنامج الماستر تاخذ مواد تحضيريه للبرنامج نفسه اذاكان ليس نفس مسار البكالوريوس ومن ثم تدخل برنامج الماجستير وفي هذي الحاله يحسب لك ماستر ...

اما اذا انت دخلت البرنامج مباشرة وكان يختلف عن مسار البكالوريوس من دون المواد التحضيريه فيحسب لك دبلوم عالي ... ولا يحسب لك ما ستر ...

نسئل الله لنا ولكم التوفيق ....

يعطيك الف عافيه اخوي عناب .. والله من افضل المواااضيع وافيدهاا.. استفسار بسيط الحين انا جايه ومع اخوي ع حسابي الخاص كيف الطريقة اروح واشنطن ع طول الملحقيه او اداوم المعهد وبعدين والله متلخبطين مدري وش الازين علما بأن القبول الجامعي لسى فالطريق ماستلمته .

وتكاليف المعهد للشهر او الترم بالعادة كم تقريبا والتسديد اول الشهر او كيف الله يعينك على هالاستفسارماصار بسيط .. بس وربي شايله همها والسكن الدفع بعد كيف الطريقة ووش الافضل اللي تشوفه في هالاشياااااااااااااء وبيض الله وجهك.

اذا المبيتعث على حساب الحكومة مايحبذون انه يجيهم فكيف اللي على حسابه الخاص


انا اقول يااختي العزيزية روحي لولايتك واذا وصلتي هناك

ارسلي الاوراق لهم بفيدكس

طبعا قبل تمشين من السعودية ادخلي على موقع الملحقية السعودية بامريكا

وادخلي على تسجيل الطلاب الدارسين على حسابهم

وشوفي ايش الطلبات

بالنسبة
للتسديد ياحبيبتي هنا امريكا مافيها بعدين

كل شي اول بأول الدفع قبل بداية الدراسة والرسوم على الترم كامل طبعاً

اذا كان المستوى شهر يصير الدفع شهري

وفيه معاهد زي معهدي المستوى الواحد شهرين ونص

المختصر الدفع يصير على المستوى سواءا كان شهر او شهرين



بالنسبة للسكن

تبرمين معهم عقد اقل شي ستة شهور

تدفعين حق اول شهر وتدفعين تأمين يختلف من مكتب لمكتب لكن يتراوح مابين 400 دولار الى 600 دولار

واذا بغيتي تطلعين قبل ال6 شهور

يخصمون من التأمين اللي حطيتيه عندهم
والدفع يكون شهر بشهر ولو تأخرتي يوم عن موعد السدا في غرامة متفق عليها بالعقد تخصم من التامين



بالنسبة لعقود السكن لو تقرينها تنتفين شعر راسك

3 صفحات ومو مخلين شي
كل شي كاتبينه ويخلونك توقعين على الموافقة

يعني حافضين حقهم حافضين حقهم


نهاية زي ماكتبت في موضوعي الاول خلي معاكم مبلغ وقدره لأنكم في البداية بتصرفون كثير


والله يوفقك ان شاء الله ويعلي مراتبك آمين


واي شي تبيت تسألين عنه لا تستحين

انا في منزلة أخوك الكبير

تسلم اخوي على المعلومات المفيده

مشكور على النصائح وجزاك الله كل خير :)