**** هل يحق لعميد الكلية ان يرفض ابتعاثي اذا لم اكمل سنة ****

هلا اخوي راعي الشاذليه
بالنسبه لسوالك على حسب شروط كليتك اذا كان محتاجينك تبقى عندهم لفتره معينه
بس غالبا ما يعارضون لانك طالع طالع بس نصيحتي ظبط العلاقه مع عميد كليتكم واشرح له وضعك وحاول تعطيه القبول والفيزا وتقول انا جاهز للابتعاث وان شاء الله ما يرفضك..
لان ياخوي اللي على الورق غير والافعال غير يعني يتقاضون عن بعض الشروط انا معيد لي اربع شهور ومشغليني كل شوي متصل علي العميد بسرعه جب قبول وطلع مع العلم اني موقع ان اعمل عندهم لمدة سنه ثم ابتعث فغالب يتقاضون ..
ومثل ماقلت لك ظبط العلاقه مع العميد وخل الاوراق معك والفيزه علشان يمشونك وبالتوفيق

وياليت تسال في قسم المعيدين لكي تحصل اجابات اكثر....

ياخي ليش تتحسب على الرجال

النظام يقول


يشترط فيمن يبتعث من الموظفين :
أ – أن يكون قد أمضى سنتين على الأقل في الخدمة بعد حصوله على درجة البكالوريوس أو الليسانس أو مايعادلهما وذلك بالنسبة للحصول على دبلوم عال أو درجة الماجستير أو الدكتوراه وغيرها من الدراسات العليا ، أمابالنسبة للمبتعث للحصول على الليسانس أو البكالوريوس أو مايعادلهما والمبتعث للحصول على الدبلوم المتوسط فيشترط أن يكون قد أمضى ثلاث سنوات في الخدمة مع حصوله على الثانوية أومايعادلها .(1)


(1)صدر قرار مجلس الخدمة المدنية رقم 1/1028 وتاريخ 24/1/1426باستثناء منسوبي الكليات ( المعيدين والمحاضرين ) في غير الجامعات من شرط السنتين والإكتفاء بسنة واحدة

ياخويalhaime

خله يتحسب على كيفه يحق له لان الناس ظروفها ماهي واحد
ليش عميده يعقدها بوجه مع العلم ان النظام يخول العميد ان يطلعه حتى لو ما كمل شهر واحد
تصدق واحد من زملائي ما كمل شهر وطلع حتى راتبه ما استلمه ..

فالنظام شي والواقع شي.. حسب المزاجيه اذا كان رايق طلعك حتى لو ما كملت سنه .
بس اخوي راعي الشاذليه حتى لو ماطلعت الابعد سنه الحمد لله انت موظف وتستلم راتب محترم وتحسب لك خدمه اكاديميه سنه يعني ما عليك ضرر.. واتمنى لكم التوفيق
ولكم فائق الاحترام