أقرب موعد في القنصلية بالظهران او السفاره الأمريكيه بالرياض
السلام عليكم ورحمة الله وبركاته ،،،
أبغى اشوف متى في مواعيد لفيزا F1 في القنصليه الامريكيه في الظهران ،، او في الرياض ،،، ابي اقرب موعد متوفر متى؟!؟!؟!
انا سويت لي حساب عشان احجز موعد ولكن المشكله ان دراستي تبدأ في نهاية شهر اوجست والجامعه ماعدها تأجيل قبول للسمستر الجاي يعني اذا مارحت يروح علي القبول ،،، فلما جيت بشوف اوقات المواعيد لازم ادفع 45 ريال حق يعطوني رقم ومدته 3 شهور ،،، اذا دفعت وبعدين شفت ان مافي موعد قريب في هالفتره راح اخسر فلوسي على الفاضي لأن مارح استفيد شيء دراستي ماتتأجل فماراح اروح امريكا هالوقت يمكن على السمستر الجاي اذا وصلني قبول آخر ويمكن مايجيني قبول الله اعلم وش يصيرر ،،،
فالمطلوب اذا احد يقدر يشوف لي متى المواعيد الفاضيه في القنصليه بالظهران وفي الرياض ،، اذا في بالرياض مو مشكله اروح الرياض ولكم جزززيل الشكررر مقدمااا
والله يوفق ويعطي العافيه لكل من يساعدني ويسهل لكم اموركم ان شاء الله
رد: أقرب موعد في القنصلية بالظهران او السفاره الأمريكيه بالرياض
السلام عليكم و رحمة الله تعالى و بركاته....
ممكنك تتأكد من اقرب موعد ممكن من الرابط التالي:
Visa Wait Times Results Page
ما عليك الا انك تحط المقر اللي ودك تحجز فيه موعد و بعد كذا النظام يطلع لك مدة الإنتظار لأقرب موعد.
اللي انا شفته الظهران 35 يوم أما الرياض 42 يوم
رد: أقرب موعد في القنصلية بالظهران او السفاره الأمريكيه بالرياض
حبيبتي انا امس مسويه حساب تبع السفاره عشان احجز موعد ولقيت مواعيد الين اخر الشهر متوفره
وتخيلي حجزت موعد على بكره وانا معبيه الابليكيشن امس
يعني لازم تخسرين فلوسك
بس لو اجلتي موعد ماراح تحصلين بدري
بس لو تعملين حساب جدبد مليون فالميه بتلاقين
رد: أقرب موعد في القنصلية بالظهران او السفاره الأمريكيه بالرياض
مشكورين اخواني وماقصرتون والله يعطيكم ألف ألف ألف عافيه ،،،
طمنتوني الله يطمنكم بالخير ان شاء الله =)
الحين ان شاء الله راح ادفع واحجز لي موعد وان شاء الله تتسهل الأمور يارب ،،،
نسألكم الدعاء ^_^
رد: أقرب موعد في القنصلية بالظهران او السفاره الأمريكيه بالرياض
السلام عليكم حبايبي انا اتحشرت في الفيزا ذلحين
انا قدمت على المعهد وعلى الجامعه بس المصيبه انو المعهد رسل لي I20 مدته بس 12 شهر وهوا الي اخذت عليه موعد بس انا ابي فيزا 5 سنوات !! مستحيل يدوني هيا صح
لذلك رجعت طلبت الجامعه ترسل لي اي توني جديد وتكون مدته 5 سنوات
بس المصيبه انو موعدي في القنصليه هوا الاسبوع الجاي ماني داري اش اسوي والله افيدوني بالله
يعني اخر الموعد وانتظر الاي توني الجديد واقدم على موعد جديد وكيف طريقة تاخير الموعد للي يعرف
ومشكووورين
رد: أقرب موعد في القنصلية بالظهران او السفاره الأمريكيه بالرياض
هل فيه مواعيد قريبه ولالا لا لاني من جد قلقان علي الفيزا ودي بموعد قريبا
الرد الله يخليكم نبي من مجرب
رد: أقرب موعد في القنصلية بالظهران او السفاره الأمريكيه بالرياض
اقتباس:
المشاركة الأصلية كتبت بواسطة polymers
السلام عليكم حبايبي انا اتحشرت في الفيزا ذلحين
انا قدمت على المعهد وعلى الجامعه بس المصيبه انو المعهد رسل لي I20 مدته بس 12 شهر وهوا الي اخذت عليه موعد بس انا ابي فيزا 5 سنوات !! مستحيل يدوني هيا صح
لذلك رجعت طلبت الجامعه ترسل لي اي توني جديد وتكون مدته 5 سنوات
بس المصيبه انو موعدي في القنصليه هوا الاسبوع الجاي ماني داري اش اسوي والله افيدوني بالله
يعني اخر الموعد وانتظر الاي توني الجديد واقدم على موعد جديد وكيف طريقة تاخير الموعد للي يعرف
ومشكووورين
وعليكم السلام ورحمه الله
ياابني لاتقلق بالمره وخليك ريلاكس ولاتلغى موعد ولا حاجه, راح يعطوك فيزا f1 ومدتها 5 سنوات بأذن الله
مافي معهد لغه مده الدراسه فيه 5 سنوات - انا كمان جاني معهد اللغه مده 12 شهر
وانا بأذن الله بكمل ماستر
دعواتك بتيسير الامور
رد: أقرب موعد في القنصلية بالظهران او السفاره الأمريكيه بالرياض
اقتباس:
المشاركة الأصلية كتبت بواسطة s.M.j
هل فيه مواعيد قريبه ولالا لا لاني من جد قلقان علي الفيزا ودي بموعد قريبا
الرد الله يخليكم نبي من مجرب
ايه نعم اخوي توي فتحت حسابي الآن لقيت بالرياض اقرب موعد بتاريخ 20 الى نهاية شهر مارس
شهر ابريل فيه ايااااااااااااااااام كثيره مفتوحهـ
بالتوفيق اخوي - دعواتك بتيسير اموري وجميع المسلمين