عرض للطباعة
انا ترجمت الاوراق في مكتب المحترف بجدة في حي الجامعه وقلي انها معتمده ولما رحت لوزارة التربيه والتعليم عشان اصد شهادة الثانوي قلي انه مش معتمد
ابغى اعرف هل حد ترجم عنده وهو معتمد او لا
وهل بعد الترجمة اروح للغرفة التجاريه واختمها وبعدها اروح لوزارة الخارجية او كيف
المحترف مكتب معروف وكنت ناوية امر عليه بس قالوا ليه وثيقتك راح تطلع مترجمة جاهزة
والله يا عسل انا لسه ما اتخرجت ولا اعرف اي حاااااجة
لكن ان شاء الله الاعضاء يساعدوك
والله يوفقك
مو لازم تصدق شهادة الثانويه من الوزاره
< ما صدق ولا شئ
الله يجزاكم خير ويوفقكم
طيب وشهادة الميلاد وكرت التطعيم هل ما تحتاج تصديق
اتوقع لا
وحتى اذا طلبوها مصدقه فالسفارة في واشنطن تصدقلك هي
في مكتب في جدة مقابل فتيحي (نسيت اسمه) ترجمت عنده ومعتمد
بالنسبة لشهادة الثانوي او كرت التطعيم + شهادة الميلاد
بالنسبة لشهادة الثانوي ماترجمتها ولا شي لاني بدرس ماجستير :)
(بالنسبة لكرت التطعيم مترجم فما ترجمته ولا ناوي اترجمه :) )
بالنسبة لشهادة الميلاد: يجب مصادقته كالتالي
- الغرفة التجارية
- ثم الاحوال المدنية
- ثم الخارجية
وبالتوفيق ان شاء الله
السلام عليكم
اولاً : بالنسبه لآوراق الثانويه ما تترجم ٫ روحي لمعهد الفكر في شارع قريش موجود فيه قسم الاختبارات لشهادات الثانويه يترجموها ببلاش
بس جيبي صورة من الجواز .
ثانياً : شهادة التطعيم تترجم فقط ماتتصدق ٫ اما شهادة الميلاد تترجم وتتصدق .
هذه كله من تجربه شخصيه
وبالتوفيق
باالنسبة للشهادات عادي ,
بس تأكدي وراجعي الشهادة شوفي لايكون فيها اخطأ من ناحية الترجمة او الاسم او الدرجات ..
لاني ترجمت شهادتي وبعد اسبوع فكرت اراجعها لقيتها كلها اخطاء ..
ورجعت لنفس المكتب وعدلها ليا :D
الزبدة ..
انا قدمت ع الجامعات وجاني قبول وكل شي , وماصدقت الشهادة لا من وزارة التربية والتعليم , و لا من الغرفة التجارية ..
وعليكم السلام ,,اقتباس:
المشاركة الأصلية كتبت بواسطة mushal
بالنسبة لمعهد الفكر رحت قبل فترة وعلى حسب الشهادة , اذا مصدرها من جدة يترجموها واذا من برا جدة يقولو لأ ..
لان شهادتي كانت من برا جدة :)
الله يوفقكم جميعا ويبارك فيكم
شكرا