هل سبق لك الدراسة في أمريكا أو عندك المعرفة ( تفضل بالدخول )
السلام عليكم
كيفكم اخواني / أخواتي
أول شيء أنا انسان ارغب في دراسة البكالوريوس
وابغى ادرس في امريكاا لكن المشكلة ما اعرف الجامعات الزينه
ولا المدن او الولايات المناسبة لي كطالب للسكن
وابغاكم تساعدوني بالاختيار
يعني ياليت اللي عندهم خبرة إما بدراسة أو يكون عنده معرفه بالجامعات او الولايات الزينه ياليت يفيدني هنا
أهم شيء الولايه ما تكون بالجنوب لأني ما ابي اكون قريب من المكسيكان ولا تكون بالوسط
يعني يفضل تكون من ولايات الشمال سواءا شرق أو غرب أو بالوسط
أتمنى كل واحد يقولي اسم الجامعة والمدينة اللي درس فيها أو يعرف احد درس فيها وهل ينصحني ادرس فيها والا لا
بس أهم شي الجامعة تعطي قبول مشروط للبكالوريوس وتكون المدينة مو غالية
ولكم كل الشكر وأطيب الامنيات
رد: هل سبق لك الدراسة في أمريكا أو عندك المعرفة ( تفضل بالدخول )
وقبل ما أنسى
أهم شي الجامعة ما تكون مغلقة للتكدس وما تكون موقوفة من الابتعاث
رد: هل سبق لك الدراسة في أمريكا أو عندك المعرفة ( تفضل بالدخول )
امريكا كلها مكدسة بالسعوديين والعرب
وكندا كذلك
.....
اذهب الى نيوزلاندا
لو كان الامر بيدي لم تراني في امريكا
.....
هل انت دارس على حسابك ؟
رد: هل سبق لك الدراسة في أمريكا أو عندك المعرفة ( تفضل بالدخول )
أنا أبغى أمريكا
أما اذا كانت على حسابي أو لأ
اذا جاني قبول من برنامج خادم الحرمين
أو بطلع على حسابي بعدين بقدم طلب للملحقية
رد: هل سبق لك الدراسة في أمريكا أو عندك المعرفة ( تفضل بالدخول )
كثير يسألون هذا السؤال
وانا اولهم
وهذا السؤال اتوقع انه انسئل بالمنتدى مليار مرة
ولم اجد له اجابه واضحه وسهله
ومتأكد اني لن اجد له اجابه !!
السبب بسيط
امريكا قارة
وكل شخص يروح لمدينه داخل ولاية تلقاه يمدح هالمدينه !!
والواحد مايدري مين يصدق ومين يكذب
كل ولاية لها مميزات بنظر البعض هي عيوب بنظر الآخرين ..
فماراح احد يفيدك عن هالجواب ..
اذا كنت بتروح تدرس راح تتكيف في اي ولاية تروح لها واي مدينه
لكن اذا الدعوه هي معايير واختيارات معينه صدقني بتتعب
وانا ياما تعبت من كثر البحث
اللي توصلت له
ماراح احد يفيدك بهالجواب
اختر اي جامعه بأي ولاية بأي مكان وتوكل على الله وراح تتكيف بدراستك ..
اما اللي يقولك رح للولاية الفلانية ورح للولاية الثانيه صدقني والله العظيم بتتعب معهم
على سبيل المثال
واحد كان يمدح ولاية واشنطن وتحديدا مدينة سياتل
بعد البحث عن الجامعات هناك وجدت الكثير يذم هالمدينه وشعبها
يقول شعبها كئيب بسبب كثرة الأمطار ..
واحد آخر يمدح ولاية كاليفورنيا بل مو واحد اكثر من واحد :d
بعد البحث وجدت من يقول ان كاليفورنيا غالية ومتكدسة سعوديين وعرب وخل عنك الخربطة
كاليفورنيا موب مكان للدراسة هي مكان للعب والسياحة وعشان كذا اغلب الطلاب يبغونها
واحد آخر يقول رح ولاية اوهايو واحد آخر يقول رح فلوريدا واحد آخر يقول رح ولاية كالورادو
بالنهاية
ماهي افضل ولاية
الجواب
لايوجد جواب لأفضل ولاية
لأن المعايير تختلف عندي وتختلف عندك وتختلف عند الآخرين وكل شخص يحب شي ويكره شي
رد: هل سبق لك الدراسة في أمريكا أو عندك المعرفة ( تفضل بالدخول )
لا بس اكيد فيه ولاية معيشتها غاليه و ولايه لا
لا تصير مثل عيال عمي راحوا على عماها لقوا نفسهم في قريه مساكين
اضيف نفسي مع المطالبين بشرح لهل موضوع خصوصا اني طالب ثالث ثانوي و مابقى شي
و ياليت تصفون لنا الولايات الامريكيه كلها و عيوب و مميزات كل ولايه
ثم بعدين المدن
رد: هل سبق لك الدراسة في أمريكا أو عندك المعرفة ( تفضل بالدخول )
عندك ولايات الشمال رخيصة نوعا ما
بس بردها شديد
طيب انت بتروح لحالك ؟
ايش التخصص الأفضل انك تبحث عن الجامعات بعدين فكر بالولاية
موفق بإذن الله
رد: هل سبق لك الدراسة في أمريكا أو عندك المعرفة ( تفضل بالدخول )
طيب اخوي انا ناوي هندسة كهربائيه كيف ابحث عن الجامعات هل فيه موقع يضم كل الجامعات الامريكيه
و يصنفها لك حسب الأفضل
رد: هل سبق لك الدراسة في أمريكا أو عندك المعرفة ( تفضل بالدخول )
شوف اخوي انت لازم اول تحدد وش تبي تبي منطقه حاره عندك الجنوب ووالجنوب الشرقي والغرب وبعض ولايات المنطقه الوسطى تبي برد وثلوج عندك ولايات الشمال وبعض الوسطى وشمال شرقي
الغلا والرخص يختلف من ديرة لديرة فيه ديره غاليه وتلقي جنبها ديرة رخيصه يعني صعب تحدد بس المعروف والي نقرى عنه كثير انديانا و الانوي و متشيغن و تنسي واهايو
هم اكثر شي فيها مدن رخيصه فيه ولايات ثانيه بس هذي الاكثريه
فيه ولايات شعبها فرندلي وفيه ولايات من اول مايدري انك سعودي عطاك ظهره ومشى
فعشان تريح نفسك ولا كل شوي تسمع كلام متناقض
اكتب انت مواصفات المدينه الي تبيها بالضبط وتجيك ردود
وزي ماقلت امريكا قارة يعني اكيد فيه مدينه بترتاح فيها
تحياااتي
رد: هل سبق لك الدراسة في أمريكا أو عندك المعرفة ( تفضل بالدخول )
السسلام عليكم
انا ناوي ادرس هندسة طيران فثي امريكا
في ولاية تكساس بس مادري في مدينه بالظبط بس المهم يكون بتكساس
ابغاكم اذا سمحتم تشوفون اسعار الجامعات في هذا التخصص وشكراً