رد: ابقى بالوظيفه او اطلع برا ؟
الله يسهل لك أمورك أخوي
الحين أنت إذا بتشوف الوظيفه تشوف سلم الرواتب قبل لا تشوف أول إستلام, غالبا فنيين أرامكو سلم رواتبهم تعبان جدا يعني لو تشوف الفنيين الي صار لهم عشر سنين على رسم العمل تلقاهم يستلمون الي يستلمه المهندس الي توه يتخرج, انت لا تقارن مهندس بفني وإذا لك فرضه تطلع تدرس برا أشوف انك ما تتأخر و الهندسه الصناعيه أشوف عيال داخلينها بالبترول تخصص ممتع جدا و مهب صعب , و السنوات الي أخذتها مع أرامكو ما رح تضيع عليك .
رد: ابقى بالوظيفه او اطلع برا ؟
الله يعينك اللعن شي الخيارات ويقول اخوانا المصريين اصحاب كل الامثال ههههه تبغا تحيره خيره
ياولد الناس عصفور باليد ولا عشره بالشجره
الابتعاااث انشالله مضمون لا تشيل همه وانت تقول معاك ماشالله حق سنه ماعلينا من البعثه خلها ع جمب
ياولد تضمن نفسك تكمل بالجامعه مافي شي صعب
انت ترسيمك انشالله قريب ع قولك لو ترسمت اتوقع تقدر تاخذ اجازه من غير راتب خذها لمدة ستة شهور وراح تجيك البعثه واحد وانت وقتها تكون على سعة شفت الحياه هناك ويمكن تنزل الي براسك ومابغا دراسه وترجع لوظيفتك ههههه
رد: ابقى بالوظيفه او اطلع برا ؟
أختي متفائلة بالخير تقولين ان الحياة بامريكا مي غالية ،، ممكن اعرف انتي باي ولاية ؟؟ واي الولايات ارخص
رد: ابقى بالوظيفه او اطلع برا ؟
السلام عليكم
أنا من شفت عنوان موضوعك ,, بدا الدم يغلي :laughing: لاني نفس حالتك ,,
طبعاً انا موظف ارامكو فني صيانة كهربائية ,, وخدمتي بالشركة 5 سنوات ,, تخرجت من الثانوي 2005 ومن الآي تي سي 2007
طبعاً انا نويت بإذن الله أني أستقيل من الشركة وأطلع ادرس على حسابي لمدة سنة وبعد ما اكمل 30 ساعة أقدم على الالحاق بالبعثة ,,
والحمد لله اخذت من الشركة الخبرة ولو بسيطة في مجال الكهرباء ,, لكنها بتساعدني اكيد في الدراسة ,, وكذلك كلغة ,, ونوعا ما ماديا :dry:,,
أخوي أذا عندك فرصة تطلع من الشركة لغرض الدراسة لا تترد ,,
إقتراحي لك ,,
تكمل الآي تي سي وتترسم ,, وتاخذ لك فترة بالشركة ,, والأفضل أنك تشوف لك منطقة نائية ,, لغرض أنك تجمع لك مبلغ يكفيك لسنة بأمريكا حتى بعدها تحول على البعثة ,,
بما انك اوبريشن ,, راح تكتسب خبرة عن البروسس ,, وكذلك أستغل الـ e-learning تبع ارامكو ,,
باختصار حاول تستفيد من ارامكو بقد ماتقدر خلال سنة او سنين بالأشياء هذي
- مادياً ,, حول لاي منطقة نائية .
- لغة ,, أستفيد من كورسات ارامكو.
- كورسات اي ليرننق ,, بتلاقي مجموعة كبيرة بموقع ارامكو تفيد الاوبريشن ,,
بعد ما تقوي لغتك قدم على الآيلتس وحاول تجيب 5.5 وفوق ,, حتى إذا قدمت على الجامعة ما تحتاج للمعهد وبكذا تختصر 6 شهور إلى سنة ,, وبتكون فرصتك بإذن الله اكبر في الالحاق بالبعثة ,, ,(وهذا اللي سويته)
وأنصحك بتخصص Chemical Engineering بما انك اوبريشن ,,
وعلى فكرة اخوي إذا أستقلت من ارامكو هذا ما يمنع انك ترجع لها بعد ما تاخذ الشهادة ولا بنفس الباج نمبر بعد ,,
وإذا درست في جامعة معترف فيها بارامكو تقدر تحول على حساب ارامكو وشروطهم زي الوزارة ,,
يعني الامور بإذن الله سهلة جداً
الله يوفقك إن شاء الله ,,
رد: ابقى بالوظيفه او اطلع برا ؟
أخي العزيز.....
المخاطرة المحسوبة مطلوبة في بعض الأحيان.....
إنطرح على الله وأكثر من دعائه وأوصيك بالثلث الأخير من الليل وصدقني سييسرك لما هو خير لك.....
وفق الله لخيري الدنيا والآخرة
رد: ابقى بالوظيفه او اطلع برا ؟
خلك في عملك طيعني والله لتندمممممم انت في ارامكو اول شي في ناس اعرفهم متخرجين من امريكا وجالسين من دون وظائف ..
رد: ابقى بالوظيفه او اطلع برا ؟
عموما الإستخارة راح تحل لك الموضوع يعني حتى مع تكرارها راح تتوجه لشي معين في يوم من الأيام
ولكن عندك برضه الإستشارة
والنقطة الاولى اللي بأنصحك فيها لا تفكر تطلع إلا وعندك قبول جامعة
ومرتب وضعك ماديا
رد: ابقى بالوظيفه او اطلع برا ؟
اقتباس:
المشاركة الأصلية كتبت بواسطة alhaime
عموما الإستخارة راح تحل لك الموضوع يعني حتى مع تكرارها راح تتوجه لشي معين في يوم من الأيام
ولكن عندك برضه الإستشارة
والنقطة الاولى اللي بأنصحك فيها لا تفكر تطلع إلا وعندك قبول جامعة
ومرتب وضعك ماديا
اؤيد رايك
اهم شيئ اضمن القبول في الجامعة
الله يوفقك ويسهل امورك =)
رد: ابقى بالوظيفه او اطلع برا ؟
والله يااخوي انا نفس وضعك بالضبط .. انا خريج بكالوريوس محاسبة ولي سنه موظف بشركة كبيرة وبراتب كويس الحمدلله.. ومحتاااااااااااار اطلع على حسابي على امل الالحاق واتحمل المخاطرة او اجلس على نفس وظيفتي
انت حاول تقارن بين الناحيتين وتشوف وش الافضل لك
بالنسبه لي صح الراتب كويس لكن مو مرتاح كثير بوظيفتي (خصوصا لما تكون عند مدير يجيب المرض )
انا بصراحه ميال للبعثه اكثر .. والان جبت قبول الجامعة باقي قبول اللغة وبعدها اقرر قرار نهائي ان شاالله
عط نفسك فرصة تفكر وراح توصل لنتيجة .. انا من رمضان اللي فات وانا افكر بالبعثة
وفعلا القرار مو سهل ابدا .. لكن الدنيا فرص ومجموعة قرارات تتخذها هي اللي تحدد مصيرك
والله يوفقنا وياك
رد: ابقى بالوظيفه او اطلع برا ؟
أسأل موظفين الشركة , وما نصيحتهم لك,,,
شركة ارامكوا لديها ابتعاث وبرامج تدريبية لمنسوبيها ممكن تلتحق فيها,,,
اتمنى لك التوفيق
تحياتي