استفسارات قبل السفر مفيدة للجميع
السلام عليكم
عندي بعض الاسئلة وياليت اللي يعرف الجواب الشافي يجاوب
قبل ما نروح هل نأخذ دفاتر للكتابة ام يعطونا هناك طبعا حقت الدراسة ؟
وهل ناخذ شهادة الميلاد وهل هي ضرورية ؟
والملابس ناخذ هذي ابو كرفتة ولا ايش لأني ما لقيت على مقاسي ؟
وهل ناخذ ثياب وغتر ( انا عارف انكم بتضحكون على ها السؤال بس لازم اشوف الوضع ) لأن بعض الأخوان نصحوني قالو لي خذ ملابس خليجية عشان الاعياد ( عيد الفطر والاضحى ) ؟
رد: استفسارات قبل السفر مفيدة للجميع
وعليكم السلام ورحمة الله وبركاته اقتباس:
قبل ما نروح هل نأخذ دفاتر للكتابة ام يعطونا هناك طبعا حقت الدراسة ؟
انا بعضهم نصحوني اخذ ادوات القرطاسيه من هنا لأنها غاليه شوي وطبعا لا تنسى القواميس (اكسفورد عربي انجليزي انجليزي + الكتروني) << اهم من الدفاتر
اقتباس:
وهل ناخذ شهادة الميلاد وهل هي ضرورية ؟
ما ادري وش تقصد فيها .. بس اذا قصدك للمرافقين الاطفال فما عندي ادنى فكره عن الموضوع اقتباس:
والملابس ناخذ هذي ابو كرفتة ولا ايش لأني ما لقيت على مقاسي ؟
ناوي ترسم ؟؟:D ما اتوقع انك تحتاجها هناك .. اهم شي خذ معك ملابس مريحه ومناسبه لجو الولايه اللي بتروح لها اقتباس:
وهل ناخذ ثياب وغتر ( انا عارف انكم بتضحكون على ها السؤال بس لازم اشوف الوضع ) لأن بعض الأخوان نصحوني قالو لي خذ ملابس خليجية عشان الاعياد ( عيد الفطر والاضحى ) ؟
هذا الكلام صحيح .. خذ معك ثوبين وشماغين << اسهل بالكوي من الغتر ومستلزماته ولا تنسى جلابيه للبيت :D وبالتوفيق اخوي ولا تنساني من دعواتك ترى ما بعد وصلني قبول :115:
رد: استفسارات قبل السفر مفيدة للجميع
الف شكر لك سويت هيرت والله يعجل بقوبلك وسفرك
والله يوفقك دنيا واخرة