زوجه مبتعث ...أرجو مساعدتي
السلام عليكم ورحمه الله وبركاته
في البدايه حبيت أضيف ملاحظه بسيطه
أنا زوجة مبتعث وداخله من معرفه في المنتدى
أرجو من عنده إجابه واضحه الرد
أنا بإذن الله راح ألتحق بالبعثه وبكمل ماستر
تخصصي بكالوريوس فيزياء وحابه أكمل ماستر في تخصص إداره نظم المعلومات
هل بإستطاعتي ذلك
أم لا؟
وهل يكون فيه تعارض بالنسبه للوظائف فيما بعد
ماهو المطلوب مني ......أرشدوني وفقكم الله
لكم مني أصق الدعوات
رد: زوجه مبتعث ...أرجو مساعدتي
أولاً إذا أنتي رايحة لأمريكا لازم تكون فيزتك هي F1
ثاني شي يجب أن تتأكدي من أن تخصصك والجامعة والقسم الي بتدخلين فيها معتمدة
ثالث شي وهو سؤالك تقدرين ولكن الجامعة لازم تعطيك مواد من البكالوريوس في نفس التخصص الي ناوية تكملينه ماجستير يعني ( المفروض ) بحسب كلام التعليم العالي إنك لازم تكونين مؤهلة علمياً لدخول ماجستير ليس امتداد لتخصصك .. وكيف تكونين مؤهلة !
تكونين مؤهلة بإنك تاخذين مواد تحددها لك الجامعة قبل ماتدرسك التخصص الجديد وغالباً هذه المواد تكون مواد تأسيسية ياخذونها البكالوريوس الي لهم نفس التخصص عشان تدرسين الي فاتك
انتبهي للنقطة هذي لأن الوزارة متشددة في هذا الموضوع وإذا ماالتزمتي فيه ترى ممكن مايعادلون لك شهادتك .
هذا بالنسبة لسؤالك
لكن إذا تبين اقتراح بسيط .. هو إنك تكملين في نفس مجال تخصصك عشان تختصرين على نفسك لفة طويلة
يعني بدل ماتحصلين على الماجستير في ثلاث خطوات الي هي
1- لغة
2- مواد تكميلية قبل الماجستير
3- ماجستير
يصير بينك وبين الماستر بس لغة !
إذا تخصصك مالك فيه رغبة ممكن تاخذين تخصص قريب له ومايلزمك بأي شي مثلأ ( تدريس الفيزياء - التعليم العالي - التربية بشتى أصنافها - مناهج )
مجرد اقتراح
والله يوفقك
رد: زوجه مبتعث ...أرجو مساعدتي
عندي سؤال ياليت احد يفيدني
اذا كانت زوجتي بتطلع فيزة f2 ( انا المبتعث )
ايش الاوراق المطلوبه لها ؟
وانا حاليا في امريكا
رد: زوجه مبتعث ...أرجو مساعدتي
اقتباس:
المشاركة الأصلية كتبت بواسطة MA7MED
عندي سؤال ياليت احد يفيدني
اذا كانت زوجتي بتطلع فيزة f2 ( انا المبتعث )
ايش الاوراق المطلوبه لها ؟
وانا حاليا في امريكا
كلم الإنترناشنال اوفيس بجامعتك ولا معهدك وهم يدلونك على الطريق السليم ... بإختصار ... الشغلة فيها تعبئة اوراق و دفع مبلغ حدود 300-400 دولار ...
إذا لغتك جيدة ... يمكنك تصفح الموقع التالي للفايدة و معرفة النظام:
USCIS - Application To Extend/Change Nonimmigrant Status
رد: زوجه مبتعث ...أرجو مساعدتي
اقتباس:
المشاركة الأصلية كتبت بواسطة عبدالله بوسعد
بعض الاعضاء افادوني اطلب اي تونتي للمرافقه من المعهد
وارسله لها تقدمه للسفاره
بس ماادري فيها ادفع 400 دولار
المشكله في الضمان المالي مدري كيف اطلبه
ولا المرافقه f2 مايحتاج لها ضمان مالي
رد: زوجه مبتعث ...أرجو مساعدتي
يعطيك الف العافيه تفاكير كفيت وفيت
شكره ومقدره كل من أتحفنا بمروره
وياليت اللي عنده شي يضيفه يقولنا عليه
رد: زوجه مبتعث ...أرجو مساعدتي
هلا اختي
شوفي انا مع كلام الاخت اللي قبل
انك لما تبين تدرسين ماستر لمسار تخصص غير تخصصك تحتاجين مواد تكميلية عشان تعادلين
يعني يبي لك تقريبا سنتين ونص دراسة عشان تعادلين حسب كلام الدكتور عبدالله القحطاني بوزارة التعليم العالي
وسمعتة بنفسي بالملتقى
ولو تفكرين فيها حرام تروح سنتين ونص من عمرك عشان تعادلين
خوذي ماستر بنفس مسارك والسنتين ونص اللي بتضيعينها عشان تعادلين فيها خوذي فيها دكتوراة
موفقة انشاء الله
رد: زوجه مبتعث ...أرجو مساعدتي
الله يوفقك اختي بس في احتمال انو ما يواقفو يغرو لكي التخصص او تاخذي تخصص امتداد لتخصصك
رد: زوجه مبتعث ...أرجو مساعدتي
g.r.s
الورده
مروركم اسعدني شاكره ومقدره نصيحتكم
لكن أنا حابه التخصص حتى أبعد عن الوظيفيه الاكاديميه