حل للمبتعثات للخارج وتبحث عن مرافق(للجادات فقط )
السلام عليكم ورحمة الله وركاته
انا جلست شهر افكر بالموضوع هذا هل اني انزله او لا وكيف وش الطريقه للين ماقررت انزل هالموضوع
والسبب اني مالقيت حل اني اطلع بعثه وخاصة اني احمل شهادة دبلوم
انا انسان طموحي اني اكمل دراستي بالخارج في احدى الدول التاليه امريكا او بريطانيا او استراليا واذا فيه دول ثانيه
هذا لازم اعرف هل تخصصي موجود في جامعاتها اولا لاني ماخذ دبلوم بتخصص نادر
وانا انسان جاد وواضح تماما ولو عندي غير هالحل ماتطرقت له وخاصة ان الماديه تعبانه اشوي ولو ابي اروح
يبي لي مايقل عن 70000 ريال سعودي وهذا صعب جدا
المهم ان فيه احد الايام كنت جالس مع احد زملائي وقعد يسولف عن احد الاشخاص يقول ماشاء الله
وحده من بنات عمه طلعت بعثه للولايات المتحده وجبره ابوه يتزوجها علشان يروح معاها ويكون مرافق
من هنا جت الفكرة لكن المشكله ماعندي بنات عم بيطلعون بعثه :wounded1:
لكن انا ابي انسانه جاده ومحترمه ومن عائله محترمه انا على استعداد كااااااااااااااامل اني اتزوجها
ماعندي اي مشكله لكن مثل ماقلت انها تكون من عائله محترمه
اللي تبي مرافق انا ماعندي اي مشكله وشرط ان الموضوع يكون بطريقة شرعية انا جاد تماما
وممكن انا نتفق على الموضوع ونتناقش انا مامزح انا صادق بكل كلمة اقولها لكن ماقدر
اني اوضح كل شي بالصفحه هذي اللي تبي ترسل لي رساله خاصة ونتفاهم
اكرر انا جاد وابي البعثه باي طريقه كانت لكن تكون طريقه ماظلم فيها نفسي بالمستقبل ولا اظلم فيها غيري
تحيات
ماعنده واسطه:wounded1:
رد: حل للمبتعثات للخارج وتبحث عن مرافق(للجادات فقط )
هههههههههههههههههههههههههههههه حاجز المقعد الأول لمشاهدة المصارعة الحرة اللي تبي تصير تحت ردي و الصفحات اللي عقبه ههههههههههههههههههههههههه
رد: حل للمبتعثات للخارج وتبحث عن مرافق(للجادات فقط )
والله ياخوي انا ابحث عن مرافق بس انا متزوجه يعني الحل الي قدمته ما ينفعلي
بس لو تبغى راي وانت جاد دور في العيله عندكم اكيد بتلقى وحده من قرايبك توافق
الله يوفقك ويحقق املك في البعثه
رد: حل للمبتعثات للخارج وتبحث عن مرافق(للجادات فقط )
والله انا لو قدرت احصل على بعثه ماعندي مشكلة اتزوج بهذي الطريقة لما اتاكد ان الشخص اللي راح ارتبط فيه فعلا يستاهل حتى لو ننفصل بعد ما نخلص الدراسه (ياما ناس تزوجوا بعد حب وناس تزوجوا من اقاربهم وكلهم انفصلوا بأقل من سنة! لان مافيه توافق ومصالح مشتركه بينهم) !!
وماني شايفه هالشيء غلط بالنهاية الزواج ان ماكان فيه مصلحه للطرفين يكملوا بعضهم فيها معناتها ماله معنى
الحياة الزوجية مشاركة بين شخصية يكملوا بعضهم ( اللي مايفهم هالمعنى عمره ماراح يسعد بحياته الزوجية )
لكن شروط البعثه ما تنطبق علي للاسف مع ذلك راح اقدم واحاول
ولو ماقدرت راح اطلع على حسابي بس لما اكون قادره على التكاليف
اتمنى لك التوفيق اخوي وانشاءالله تلاقي اللي تناسبك وتساعدك بتحقيق طموحك بنفس الوقت
المهم انك تقدر لها هالشيء بعدين وتقدرها لان للاسف اغلب الرجال عندنا ناكرين للجميل وان شاءالله ما تكون واحد منهم
رد: حل للمبتعثات للخارج وتبحث عن مرافق(للجادات فقط )
ههههههههههههههههههه
اضحك واسولف وان لحقني سهر نمت _____ لكن قسم بالله ماني بطيب
اضحك وانا اخوك شر البلية مايضحك
وعسى دوم السعاده يارب وتابع ماعندك اي مشكله لكن حط في بالك
اني ماقررت اسوي شي وهو يرفع الراس الا وحققته سواء طال الزمن او قصر
وانا قررت اني اكمل دراستي وراح اكملها سواء هنا او برى لكن هنا صعب
وطموحي دراستي ماهو اي شي ثاني
تحياتي لك
رد: حل للمبتعثات للخارج وتبحث عن مرافق(للجادات فقط )
ميمي
بالتوفيق ان شاء الله ومشكورة على مرورك
وان شاء الله تلقين حل لمشكلة المرافق
العائله مافيه ولا وحده بتطلع برى لكن ربك كريم
تحياتي لك
رد: حل للمبتعثات للخارج وتبحث عن مرافق(للجادات فقط )
سهام,
اشكرك على مرورك الاكثر من رائع واللي عطاني دافع اكثر
ان شاء الله تنقبلين بالبعثه وانا انقبل بعد وتتحقق امنياتك يارب
وبصراحه كلامك يدل على انك انسانه فاهمه وواعيه ومتفهمه للوضع كامل
وهالشي مثل ماقلتي ماهو غلط وبالنهايه انا مراح اتزوج اي وحده والسلام وادمر حياتي علشان بعثه
تحياتي
رد: حل للمبتعثات للخارج وتبحث عن مرافق(للجادات فقط )
الله يوفقك اخوي
وبالعكس ماشوف فيها غلط موضوعك
وانت نفس مشكلتي
انا نفسي اخذ بعثه ومتشووقه لها بس شهادتي دبلوم عالي ثلاث سنوات
واخواني صغار وماعندي احد يطلع معي
بس ربك يحلها اخوي
ولاتنسى الاستغفار والدعوات لنا وللمسلمين وصلاه الاستخاره قبل ماتسوي شي
وربي يوفقك وين ماكنت
up
up
up
رد: حل للمبتعثات للخارج وتبحث عن مرافق(للجادات فقط )
انا ماعندي مانع وبطلع بعثه ...
رد: حل للمبتعثات للخارج وتبحث عن مرافق(للجادات فقط )
اقتباس:
المشاركة الأصلية كتبت بواسطة i love my mum
انا ماعندي مانع وبطلع بعثه ...
يعني موافقه
حلو نواف فيه موافقه
الله ييسرلكم ويوفقكم يارب