فايده للجميع ارجو الرد يمكن احد غيري محتاج رايكم

السلام على الجميع
اولا اتشرف اني اكون اخ بينكم واستفيد منكم واخذ رايكم وانا انشالله الله بعد رمضان بكون عندكم في جامعه مارتن في ولايه تنسي ونا الصراحه مااعرف شي في امريكا
تعاملت معا مكتب مستقبلي في مدينه الرياض على الطريق الملك عبدالله مقابل جامعه الامير سلطان وصارحته بكل شي وقلت انا مااعرف شي ابي منك تشوف لي الجامعه والولايه اللي تناسب ظروفي لاني بسافر وبدرس على حسابي الخاص

ارجو من الجميع اللي لديه خبره عن الولايه والجامعه يرد على ويقولي كيف الوضع
1 هل الاسعار مناسبه وكم تكلفه المعهد في الشهر
2 وهل يوجد سكن عائله وكم التكلفه في الشهر اذا يوجد عوائل
3 وهل سكن الجامعه ممتاز ومهيئ للدراسه وكم التكلفه السكن
4 باالنسبه لدرجه الجو وش راح يكون بعد رمضان هل هو شتاء ام صيف

5 حبيت اذكركم ترى مختار تخصص موارد بشريه ابي رايكم
6 هل تتوقعون اني بنظم على حساب برنامج الملك اذا وصلت امريكا ودرست وتتوقعون كم اجلس علشان انظم او كيف الطريقه علما باني او مااوصل واشنطن راح اسجل في السفاره وكم جميع الاوراق المطلوبه مني
7 حبيت اقول شي مهم انا لي ثلاث شهور من قدمت على الفيزه وستلمو جوازي مني ولاعرفت ليش التأخير هل احد منكم مرت عليه نفس التاخير وهل تتوقعون الوضع طبيعي وراح ياخرون الفيزه حتى يقرب موعد السفر وساسف طولت عليكم بالاسئله

وسلامتكم جميع ارجو الرد لاني محتاج لكم وابي فزعتكم

الله يعينك .. انا كنت في مارتن ..

السكن رخيص مره ولكن وسخ مره :p

درست فيها 6 شهور .. ماستفدت شئ ..

عواائل ماافيه .. الجو .. حر موت فالصيف .. والشتاء برد ..

هذا اللي اعرفو من اسئلتك ..

بالتوفيق :)

مشكور اخويceresty على الرد السريع والمختصر ولاكن السكن الله يعين بنتحمل
والجو اللي صبرنا على جو السعوديه بنصبر على جو مارتن
ولاكن والمهم الفايده من ناحيه الدراسه انت تقول جلست ست شهور مااستفدت شي ممكن اعرف السبب هل التدريس لها الدرجه ولاختلاط مايفيد

ولاكن انا الان ابي استفيد منك وش تنصحني فيه قبل ماادرس وقبل ماادفع لهم شي هل اقدر اغير وتنصحني بولايه رخيصه ومناسبه ويستفاد منها من ناحيه الدراسه والاختلاط والسكن

انا اقولك يا خوي حمد ...

المعهد مليان سعوديين يعني الفل الواحد ما فيه الا اثنين اجانب بس .. يعني الفائده الي تدورها انك تختلط مع اجاب معدومه .

والشيء الثاني عوائل مافيه يعني تسكن في مع شباب او ما الى ذالك .

الشيء الثالث سكن المعهد موجود لكن مششششششششش ولا بد .
الشيء الرابع السكن رخيص واذا كنت دارس على حسابك فهي تبي تنفع لك .
الشيء الخامس هي قريه وليست مدينه .
الشيء السادس من وجهة نظري كئيبه وبس .
الشيء السابع درجة الجو الان درجة الحراره الان حوالي 34 درجه .
الشيء الثامن من ناحية لانظمام هذي في علم الغيب ما يدري احد عنها
الشيء التاسع من ناحية التأخير اذكر فيه ايميل للسفاره تراسلهم ويردون عليك سبب التأخير لو تراسلهم وتشوف لكن الايميل للاسف الشديد ماهوب عندي .
الله يوفقك ويسهل امرك .

مشكور اخوي على ردك اللي اكثر من رائع وبيض الله وجهك

ولاكن ممكن استفيد منك بنصيحه وش تنصحني فيه وش احسن ولايه تنصحني فيها للدراسه وجوها مناسب ومهيئه للدراسه والسكن واسعارها مناسبه

وكم تتوقعون تكلفه ست شهور في مارتن دراسه في المعهد معا السكن

الله يعيننا ويعينك

الله يجزاك خير كنت اتمنى احد يجاوب على سؤالي وينصحني وين اروح قبل مااتوهق في جامعه مارتن