عقد النكاح المترجم كيف ؟ واستفسار عن الشحن ...

السلام عليكم ,,
أخوي ..
نفس هذه التساؤلات لدي .. أتمنى أن نجد إجابات لهذه الأسئلة ..

يارجال ترا التصديق والختوم راح وولى وقتها

ما الكلام هذا اليووم


الحين مكاتب الترجمة مرخصة ومعتمدة

1-
طريقة التصديق يا طويل العمر:
بداية صدق صورة العقد عند المحكمة اللي صدر منها بعدها روح مجمع المحاكم وصدق ختم الشيخ وبعدها شوف لك مكتب معتمد في الغرفة التجارية وترجم العقد عنده وخليه يسجل ملاحظه ان الختم مصدق من المحكمة الكبرى وبعدها انت مخير إذا تبي تصدق الترجمة فلابد انك تصدقة من الغرفة التجارية وبعدها من الخارجية أما اذا تبي التصديق على ختم المحكمة الكبرى فما يحتاج انك تصدقه من الغرفة التجارية.

2- مكتب الطيار حلو ومجرب.
ترتيب الوصول لواشنطن اولاً تسجل في موقع الملحقية وصول طالب جديد بعدها اول ما توصل الى مطار واشنطن بيكون في استقبالك موظف مصري وراح يوصلك الى فندق وتحجز عنده وبيعطيك اوراق تعبيها وبعدها بيوصلك للملحقية والسفارة جنب الملحقية.

وكلها سهالات ان شاء الله.

على فكره انا استفدت من تصديق عقد الزواج عند اصدار رقم آي دي لزوجتي كان هوه الخيار الأنجح لإصدار رقم الآي دي.
تحياتي لك .

ابو يزيد ان شاء الله استفدت اخونا حبوب الله يسعده ويرضى عليه ماقصر .. عزوز يمكن كلامك صحيح بس انا شفته في الاوراق اللي يتطلبها السفر عشان كذا قلت اخذها معي ما اخسر شي ...

حبوب الله يجزاك خير والله ماقصرت بس من جد بعد سلسلة الاجرائات اللي ذكرتها حسيت اننا فعلا عايشين في البيروقراطيييييه ... بس حبيت اسألك بخصوص ترتيبات الوصول لواشنطن , كيف ابلغ السائق المصري بحضوري .. سكن الفندق الافضل احجزه من هنا من بوكنق واكسبيديا او لما اصل هناك احجزه , وبالنسبة لشخص جالس يومين في واشنطن ايش الاماكن اللي تنصحني بزيارتها في هاليومين .. وبارك الله فيك

السلام عليكم ..

معليش انا عندي سوأل بخصوص عقد النكاح

لو ما حصلت عقد النكاح .. هل هو ضروري او يكفي دفتر العائلة ؟

معلومة جديدة بالنسبة لي ساعدوني الله يبارك فيكم ..

الله يسلمك عزيزي

صحيح الاجراءات شوي مطولة بس ان شاء الله ما بتاخذ منك اكثر من يوم وانا اقول لك اتعب وخلص امورك كلها وتعال وكل شي عندك افضل لك .

بالنسبة لوصولك لواشنطن
اضغط على هذا الرابط
New Student Arrival Form

وسجل في الابلكيشن ولما اتوصل المطار بالسلامة راح تشوف الموظف المصري على الباب وراح يشيك في الاوراق اللي عنده ويأشر على اسمك واذا مو موجود راح يكتبه وبعدها راح يجمع السعوديين كلهم وبعدين بيوصلكم للفندق واحجز من هناك .
تقدر تروح المول هناك يوصلوك ب 15 دولار تقريبا

لو ما حصلت عقد النكاح رح طلع لك بدل فاقد واتبع الاجراءات اما دفتر العائلة بس عشان تعطي الملحقية صورة.

بالنسبه لعقد النكاح ما استفدت منه بشي ولا احد طلبه مني ابدا

والاي دي مو ظروري للطلاب يكفى بطاقة المعهد او الملحقيه

واذا مره مره جواز السفر قريب

بالتوفيق للجميع