الأعضاء الإشتراك و التسجيل

الملتقيات
ADs

تجمع طلاب كلية الجبيل وينبع الصناعية في امريكا

تجمع طلاب كلية الجبيل وينبع الصناعية في امريكا


NOTICE

تنبيه: هذا الموضوع قديم. تم طرحه قبل 2719 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. المشاركة الأصلية كتبت بواسطة الشريف ابوغازي
    اخوي عاشق المجهول
    وربي ضاقت اخلاقي
    ابي جامعه تقبل تعطيني قبول مشروط بسهولة
    صرت ماعاد افكر بالمعادلة
    تحياتي
    يبو شرف لا تضيق ولا شي... ثق بالله (ان مع العسر يسرا.. ان مع العسر يسرى) ترى الامور سهالااااااااات وانا اخوك

    يا كثر الجامعات اللي تعطي قبول مشروط... بس الله يرحم لي والديك لا تقول (جيب لي قبول وتسكت) امريكا فيها 17 ترليون جامعه لوووول

    انت قول لي وش الجامعه اللي تبيها وانا اساعدك باللي اقدر عليه... وبصراحه ما راح ارشح لك جامعات علشان ما ابيك في يوم من الايام تدعي علي اذا صارت الجامعه خايسه
    7 "
  2. المشاركة الأصلية كتبت بواسطة عاشق المجهول
    انا خريج كلية ينبع هندسه كيميائيه... قدمت على WMU اللي هي وسترن ميشيقن وقالوا لي نعادل لك 54 (وقابله للزياده) بس في الاخير اكتشفت انهم يضحكون علي ويوم دخلت الجامعه قالو نعادل لك (10) ساعات (وعندي ورقة رسميه بها الشي) ويصير يبقى لي في الجامعه 121 ساعه... تخيل؟؟!!

    طبعا سحبت عليهم ونقلت جامعة The University of Akron على نصيحة واحد من الشباب اللي قال لي عادلوا له 100 ساعه (دبلوم+سنه بكلوريوس) (نفس وضعي بالظبط) وبعد التصفيه صارة 65 ساعه تقريبا ويبقى له 70 ساعة تقريبا في الجامعه... وعلى فكره لا تقول سنتين لان الجامعات هنا شوي صعبه والشباب منزلين على 12 و13 ساعه في الترم.. طبعا هذا خويي اللي تخصصه هندسه كهربائيه (وعدله مرررره عالي)

    انا معدلي كويس جدا ولله الحمد.. بس يوم نقلت وبعد المرمطه وشيل ابوك حط ابوك عادلو لي 36 ساعه (من اصل 107) وبقيلي 101... اي ما يعادل تقريبا 3 سنوات (بالدفره).. فالحين انا قاعد اقدم على جامعات لان ماني راضي بها المعادله

    هذي تجربتي الشخصيه.. ما اقول لكم سمعت... اقول انا تمرمتط


    اخر شي اضيفه... مو مهم كم ساعه يعادلون... المهم كم ساعه تدرس علشان تتخرج!!!!

    الله ييسر لكم وان شاء الله اي مساعده راح اكون تحت امركم
    طبعا هذي قصتي من يوم جيب امريكا... الحين بقول اخر شي وصلت له القصه في 2011 ===> يفكر يكتب كتاب بعنوان "امريكا والمعادله" لوووول

    بسم الله

    طبعا بعد ما انصدمت في جامعة اكرون... لقيت واحد اسمه عموري كان يرد في هذا الموضوع نصحني بجامعة اسمها the University of Wyoming وكان يقول انها تعادل ومني عارف ايش

    طبعا زيي زي اي شخص معاه دبلوم.. قدمت على الجامعه وطلبت انهم يعادلون لي... وبعد فتره ردوا علي وقالوا لي نعادل لك 92 ساعه... طرت من الفرحه... رحت للملحقيه وبعد ما نشبت لهم وافقوا انهم ينقلوني الى وايومنج وكانت موافقتهم متأخره مررررررررررره... المهم بعد ما وافقوا قلت للجامعه ارسلو لي خطه دراسيه وسووا لي جدول علشان اجيكم (لان الدراسه قد بدأت في هذيك الجامعه)... المهم ردوا على بعد 3 ايام وقالوا لي نعالد لك 29 ساعه

    من 92 الى 29 بالله مو تحطيم؟؟؟؟ المهم حاولت اروح للملحقيه علشان ما ينقلوني لان 32 افضل من 29... ومتاخر عن الدراسه... الخ

    فجلست في جامعة اكرن وللحين اغني (جبرني الوقت انا ارد لك)

    المهم.. الحين قاعد اراسل جامعه ثانيه... وراح ازودكم بالاخبار ان شاء الله


    زبدة الموضوع وخلاصة التجربه... المعادله في نظري ونظر كل طالب يبحث عن المعادله هي مو كم ساعه تقدر تعادل الجامعه. المعادله الفعليه هي كم ساعه لازم يخلص الطالب في الجامعه علشان ياخذ الشهاده.

    مثلا... اذا كانت خطة الجامعه 136 ساعه علشان ينهي مرحلة البكالوريوس... والجامعه قالو لك لازم تدرس 96 ساعه عندنا... هذا يعني ان الجامعه عادلت لك 40 ساعه.

    اما اذا قالو لك عادلنا لك 80 ساعه واذا سألتهم كم ساعه يبقى لك علشان تخلص (او بمعنى اخر اطلب الخطه الدراسيه مع المعادله) يقولو 110... فاعلم انهم ضاحكين عليك وعادلو لك 26 ساعه

    يا شباب نصيحه اخويه من مجرب.... بعد ما يجيك القبول والمعادله... كلم رئيس القسم (اللي هو قسم التخصص نفسه مو الانترناشنل اوفيس) وقول له كم ساعه لازم ادرس من الخطه الدراسيه علشان اخذ الشهاده. واطلبوا منه خطه دراسيه مقترحه

    الله يوفق الجميع
    7 "
  3. المشاركة الأصلية كتبت بواسطة الشريف ابوغازي
    اخوي عاشق المجهول
    تحياتي
    انا ادور قبول مشروط باي الجامعات الي في الولايات الشرقية
    مثل فلوريدا بالخصوص
    انتظر ردك على ناااااااار
    طيب حبيب البي.. مدام انك قلت فلوريدا فانا برشح جامعه لك وقبولها ان شاء الله ما ياخذ وقت... بس الجامعه مقفله في بعض التخصصات بس ان شاء الله تخصصك يكون مفتوح.. واذا كان تخصصك مقفل راح اجيب لك جامعه في تكساس سهالااااااااااااااات
    الجامعه صغيره طلابها 5000 Florida Institute of Technology
    Florida Institute of Technology
    وهذا رابط التسجيل
    Applying to College | Florida Institute of Technology
    7 "
  4. انا تم ترشيحي من قبل الهيئه الملكيه
    الحين هم طالبين مني اجيب قبول جامعي
    ياليت تفيدوني بجامعه تعادل أغلب المواد الضمان المالي راح يرسلوه الي بعد سبوع
    علما ني متخرج من كلية الجبيل الصناعيه وتخصصي هندسه ميكانيكيه والمعدل 3.51
    7 "
  5. عندي كم سؤال ياليت اللي يعرف يفيدني فيها ..

    بالنسبه للـ Course description لازم يكون مختوم .. او النسخ المصوره تمشي

    وبالنسبه للتقديم يكفي اراسل الجماعه عن طريق الايميل وارفق فيها كل الاوراق .. او لازم عن طريق البريد السريع ؟!

    ا
    7 "
  6. المشاركة الأصلية كتبت بواسطة سرجيف
    آحد جرب يعادل من WES ????

    سؤالي هل هي تعادل كثير ؟ ولا بس شغل عالفاضي ؟؟؟
    اخوي في جامعات كثير تعادل لك من غير هالشركة النصابه WES
    لي معهم قصة معاناة استمرت حوالي شهرين
    سلمت طلب اون لاين وارسلت لهم ظرف مختوم من كلية ينبع الصناعية فيه الترانسكريبت والكورس ديسكريبشن وطبعا الوثيقة
    وكان معي تراك نمبر يعني شايف الظرف وصل لهم بعد اسبوع من الارسال جلست اطرد وراهم حوالي شهر ونص اقولهم الظرف وصل لكم وهذا التراك نمبر يقولوا ما وصل شيء
    بعد شهر ونص قالوا لي وصلت لنا الحين ونبي نتواصل مع الكلية عشان نتاكد من الاوراق ونحتاج شهر.
    ارسلت لهم رسالة قلت لهم فلوسي ترجع لي زايد تكلفة البريد والا راح ارفع عليكم قضية يومين المبلغ كله في حسابي.
    انا عندي احساس انهم ضيعوا الاوراق.
    على العموم في جامعات كثير يعادلوا من غير شركة معادلة.

    كمثال هذه الجامعة
    University of New Haven : University of New Haven

    تختلف معادلتهم للدبلوم في ناس عادلوا لهم صفر بس الظاهر لا من الجبيل ولا من ينبع
    انا من كلية ينبع صيانه ميكانيكية عادلوا لي 12 ساعة
    واحد من الشباب كلية ينبع هندسة كيميائية عادلوا له 30 ساعة
    واثنين من كلية الجبيل صيانة ميكانيكية عادلوا لهم 28 ساعة.

    بالتوفيق للجميع
    7 "
11 من 14 صفحة 11 من 14 ... 6101112 ...
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.