مدى الاحتياج للماستر كارد او الفيزا ؟؟!؟؟
بإذن الله راح يكون وصولي لامريكا بعد 3 اسابيع ...
هل احتاج يكون معايا ماستر كرد او فيزا او شي من هذا القبيل ؟؟؟
لا الكاش يمشي ؟؟؟
عشان الدفع للفنادق في واشنطن و مدينتي لما اوصلها ...
لاني حسب ماسمعت انهم يخافوا من الكاش عشان الدولارات المزورة ...
آمل الافاده من كل من وصل امريكا و عاصر هذا الشي ...
رد: مدى الاحتياج للماستر كارد او الفيزا ؟؟!؟؟
حياك اخوي ...
والله انا اشوفها مهمه جدا ... طبعا انا اخذت الفيزا مسبقه الدفع من البنك الاهلي (( 10 ايام الاصدار ))
وتقريبا الى الاسبوع اللي فات وانا معتمده عليها بكل شيء ..
هنا صعب تشيل مبلغ كبير معاك .. وين ما تروح .. تحسب واحتياط لكل شيء ممكن يصير ..
واي مبلغ فوق 10 الاف دولار لا زم تبلغهم انك شايله ..
بنضري اشوفه مهمهـ جداً .......
رد: مدى الاحتياج للماستر كارد او الفيزا ؟؟!؟؟
مو شرط خذ معك بطاقة صراف عاديه وخذ معك 1500 دولار كاش واذا جيت افتح حساب هنا وخلاص الا ااذا تبي تستأجر سياره لازم ماستر كارد وماتكون مسبقة الدفع
رد: مدى الاحتياج للماستر كارد او الفيزا ؟؟!؟؟
شكرا على الافاده ...
طيب انا مالي راتب ...
ماخذ اجازة بدون راتب ....
كيف اطلع بطاقة ماستر كارد؟؟؟
رد: مدى الاحتياج للماستر كارد او الفيزا ؟؟!؟؟
ما تطلع لك الا اذا جبت تعريف من العمل
رد: مدى الاحتياج للماستر كارد او الفيزا ؟؟!؟؟
السلام عليكم
الماستر كارد تريحك كثير في المشتريات والدفع بدون اي رسوم اضافية
انا طلعتها الاسبوع الماضي كل ما تسوييه روح اقرب فرع للبنك الأهلي و اطلب بطاقة مسبقة الدفع ( الماستر كارد ) خذ معاك مية ريال قيمة اصدار البطاقة و يعطيك الموظف استمارة تعبي فيها بياناتك
خذ معاك هويتك و ستصل البطاقة إلى بريدك بعد أسبوع
مو لازم أن يكون لديك حساب في الأهلي لأنك تستطيع شحن البطاقة من البنك
و الأفضل أن تفتح حساب في الأهلي لأنك ستحتاج أن تشحن الماستر و إنت هناك تستطيع شحنها من النت
(( لكن حط المبلغ اللي تحتاج له )) وكل ما احتجت اشحن من النت من حسابك اللي من البنك الاهلي
رد: مدى الاحتياج للماستر كارد او الفيزا ؟؟!؟؟
طيب كلامكم حلو
هل لو انا فتحت حساب هناك .. يعطوني فيزا او ماستر كارد ولالا
لاني لو سحبت بالبطاقة الإتمانية الي صادرة من السعودية راح يحسب البنك عن كل عملية شراء او مشتريات عمولة له ..
فا كذا راح اطلع خسرانة ..
ياليت احد يقدر يفيدنا ..
شاكرة لكم ..
رد: مدى الاحتياج للماستر كارد او الفيزا ؟؟!؟؟
الفيزا انواع كثيرة واغلبها ربوية
اللي عجبتني الفيزا الاسلامية من بنك الرياض، اذا اشتريت فيها عن طريق الانترنت او من اي نقطة بيع ماتدفع عمولة او رسوم اذا سددت المبلغ خلال شهر، وانا استخدمتها بالسعودية وبرا السعودية وصراحة اغنتني عن الكاش، اهم نقطة بالموضوع معرفة كيف استخدامها عشان ماتتراكم عليك ديون وانتبه لا تنسرق :)
رد: مدى الاحتياج للماستر كارد او الفيزا ؟؟!؟؟
ماتقدري تاخذي بطاقة ماستر كارد من اي بنك في امريكا الا اذا كان معك سوشل سكورتي نمبر ...
وغير كذا اذا بغيتي تحولي فلوس كثير يعني اكثر من 5000 دولار حوليها بحواله من اي مكان بالسعوديه زي تحويل الراجحي على حسابك بالبنك اللي بـ أمريكا مره وحده افضل .. وخلي معك بطاقه صراف من اي بنك عادي واسحبي منها اذا احتجتي للطوارئ
رد: مدى الاحتياج للماستر كارد او الفيزا ؟؟!؟؟
اقتباس:
المشاركة الأصلية كتبت بواسطة roko
ماتقدري تاخذي بطاقة ماستر كارد من اي بنك في امريكا الا اذا كان معك سوشل سكورتي نمبر ...
وغير كذا اذا بغيتي تحولي فلوس كثير يعني اكثر من 5000 دولار حوليها بحواله من اي مكان بالسعوديه زي تحويل الراجحي على حسابك بالبنك اللي بـ أمريكا مره وحده افضل .. وخلي معك بطاقه صراف من اي بنك عادي واسحبي منها اذا احتجتي للطوارئ
من يقول !! هلكلام مو صحيح .. فيه فيزا او ماستر كارد لطلاب لما تفتح حساب السيفنق
وانا عندي ماستر كارد بهلطريقه هذي وانا طالب