حوار (رمضــــان) والطالب المبتعث بأمريكا

شباب والله أنا كنت زيكم

كنت اقول كيف ياربي بصوم والنهار طويل

بس ماتصدقون كيف يمر بسرعه والوضع عادي

وانا بعد مو بس اداوم والنهار طويل وصيف وبرضو امشي مشي فضيع من الجامعه إلى محطه الباص واخذ باص وينزلني في مكان ثاني واخذ باص ثاني لين اوصل بيتي واحيانا اذا تأخر الاولى يفوتني الثاني واجلس انتظر وافقه وانا صايمه كل هذا قبل مايكون عندي سياره

والوضع كان عادي...اجي البيت اريح شوي وطبعا مافيه امل اذاكر لاني من النوع اللي مااعرف اركز وانا جوعانه...بس اصلي وانام شوي بحكم انه النهارطويل يعني يكفيك تنام وتقوم وتطبخ وبرضو تنتظر والمغرب لسى ماذن..بس انا اقوم قبل المغرب اصلح لي شي للفطور وترا مو لازم زي اكل الوالده في رمضان اهم شي التمر تاخذه من السعوديه اما الباقي البقالات العربيه تقوم بالواجب

وحتى فيه بعض البقالات الهنديه عندهم سمبوسه جاهزه محشيه انت بس تاخذها وتقليها
حتى اخر ايام رمضان تعودنا وصار ماعاد تفرق معنا

بس المشكله مو هنا
المشكله بالعييييييييييييييييييييد

اشين يوم بالغربه...اذا كنت بعيد عن لمه الاهل والحبايب في العيد
>>>>جت بتهون عليهم قلبت المواجع

بس هو يوم ويعدي وبعدين اذا كان في مدينتك سعوديين يهون الوضع ..ممكن تجتمعون في قاعه من قاعات الجامعه وتسوون حفل وتنبسطون

بس ياشباب ويابنات حاولو انكم تحتسبون الاجر في الصيام والله راح تلاقون فيه حلاوه ولذه مو طبيعيه

صدقوني راح تحس بمعنى انك تجاهد علشان تحافظ على دينك وانا هنا عرفت معنى القابض على دينه كالقابض على الجمر


الله يتقبل منا ومنكم صيامكم وكل عام واحنا وديرتنا بخير

احتسبوا الاجر وتذكروا الفقراء والمساكين وفي الصيام لابد إنك تحس بالجوع والعطش .. أجل ليش صايم؟
اسأل الله العلي القدير أن يبلغنا وإياكم صوم رمضان ونحن في أتم الصحة والعافية ..

الله يعينكم يارب
طيب سؤال اللحين كل الولايات بامريكا الساعه 9 ياذن المغرب والا تختلف ؟؟؟؟؟؟؟؟

مو شرط ... تختلف على حسب وقوعها على خطوط الطول ..

عندنا يأذن المغرب الان 8 .. وكل ماتاخر اذان المغرب يتاخر اذان الفجر ..



صياما مقبولا ياجماعة .. استمتعوا بأيامكم ..

وحاولوا تدورون مسجد تصلون فيه لو فالويك اند

بالتوفيق للجميع ..

كم فترة الصيام؟كم ساعة اقصى حد؟

خطير انت والله

والله ياخي الشعب هنا مايقدر يستغني عن القهوه والرز والتمر .. عندهم اهم من الدراسه

مشكورين شباب على الردود ومشكور اخوي طالب"طب على المصدر من الشيخ بن عثمين رحمة الله عليه

بس حبيت اضيف على اخوي النجار الي وده يتبع السنه وياكل تمر ويشرب قهوه دلع هذا؟؟؟
الله يهديك اخوي بس على الرد المسئله ماهي مسائله دلع مادري ايش هذا طبايعنا وتعودنا عليها اجل تبي يكون مع الفطور تشيز برقر؟هههههههههههه

مكبرين الموضوع وهو ترا موب ذاك الزود ..
الجود من الموجود كل تمره واطلق برقر من ماك خخخخخخ والحياه حلوه ..

الحمدلله أهم شي الصحه والعافيه مادامت موجوده البااااقي يهوون

والاكل مثل ماقالوا الجود من الماجوود ,,

الله يعين الجميع، تبي تهون بإذن الله.
وهي طاعة وعبادة، ولا بد من الصبر ولاحتساب.