الأعضاء الإشتراك و التسجيل

الملتقيات
ADs

استفسار California State University, East Bay ( انا جديد بقراطيسة فهل من مساعد لبعض الامور )

استفسار California State University, East Bay ( انا جديد بقراطيسة فهل من مساعد لبعض الامور )


NOTICE

تنبيه: هذا الموضوع قديم. تم طرحه قبل 2716 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية نايف الحلو
    نايف الحلو

    مبتعث مستجد Freshman Member

    نايف الحلو الولايات المتحدة الأمريكية

    نايف الحلو , ذكر. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى Total Quality Management , بجامعة California State University, East Bay
    • California State University, East Bay
    • Total Quality Management
    • ذكر
    • East Bay, California State
    • السعودية
    • Jul 2010
    المزيدl

    July 7th, 2010, 12:17 PM

    بسم الله الرحمن الرحيم

    السلام عليكم يامعشر المبتعثين والمبتعثات

    يالله ان تحييهم كلن باسمه

    انا ولله الحمد ابشركم جاني قبول لدراسه اللغه الانجليزية لمده سنه
    وتليتها سنه اخرى في تخصص برنامج الجودة الشاملة Quality Management
    وهو قبول مشروط بدرجة الايليس 6.5
    الله يقدرني على الدرجه المطلوبه

    في ولايه كلفورنيا في جامعه اسمها

    California State University, East Bay

    والدراسه تبداء في 20/9/2010

    والصراحه مدري متى انسب وقت امشي هل قبلها باسبوع او اسبوعين

    لان الوقت الذهاب يصادف انه في عاشر يوم من عيد الفطر

    فحكايه الوقت مسبب لي قلق شوي تخبرون الواحد وده يتعيد من عياله قبل لايتغرب عنهم

    هذي نقطة النقطه الثانية

    انا محتار بخط سير الرحلة

    لاني الصراحة مدري في اي مدينة بالضبط هذي الجامعه هل هو ايست باي او هايورد
    لاني لما اتصفح موقعهم القى في العنوان هايورد انا الصراحه انلحس مخي


    على العموم هذا رابط الجامعه فياليت من عند علم يفصفص لي موقعهم وينهم في اي مدينه


    عشان اضبط خط رحلة السير ( الرياض / واشنطن ( والجلوس فيها ثلاث ايام عشان امور الملحقية / هنا وش نحط من مدينه عاد انتم ابخص )

    النقطه الثالثه وش تنصحون بالسكن لاول شهر هل ادور عائلة بالنت
    او السكن حق المعهد مدري الجامعه وعقبها اضبط اموري

    النقطة الرابعه انا عيالي ناوي اجيبهم لكن متى مدري
    وش الافضل بعد 3شهور او 6شهور او سنه
    عشان الواحد ياله يمديه يتعلم شوي لغه لان اللغه ميييح اي بي سي دي وبس
    هذا غير لغه المطاعم قف مي وان ميل تشكن برجر بدون بصل
    حلها عاد
    هع هع هع هع هع هع هع هع هع

    اخر نقطة ياليت احصل احد اقدر اتواصل معه في نفس الجامعه من المبتعثين من العرب
    تخبرون مجرد استفسارات عن بعض الامور يالله يارب ان تيسر لي هذا الشخص

    ختامآ نشكر لكم تجاوبكم مقدمآ
  2. اهلين بالحلوو

    حيااك وبيااك

    بالنسبه لمووعد الرووحه ،، اتوقع اسبووع كاافي ،، تخلص امورك بالملحقيه بنفس اليووم او بيومين وبعدها تروح لديرتك وتفرفر فيها وتشووف وضعها

    بالنسبه لموقعها .. شوف يا بعد حيي ،، اغلب الجامعات لها اكثر من حرم جامعه واحد بمدن مختلفه

    الايست باي هاذي اتوقع حيي داخل هايورد ،، يعني هيه هيه

    وانا حصلت بموقعهم ثلاث فروع بثلاث مدن وهذا الرابط Locations and Maps: Overview: California State University, East Bay Continuing Education

    النقطه الثالثه ،، محد يقدر يفيدك بهالنقطه الا اللي ساكنين بنفس المدينه من الطلبه

    اذا تبي نصيحتي ،، خلك اول اسبوع او اسبوعين من دراستك بفندق اجاره يومي او اسبوعي لين تتعرف ع الطلاب العرب بالمعهد وهم بيعطونك العلم الاكيد وبينصحونك

    لان ممكن يكون سكن المعهد مافيه اهتمام ومو منظم ،،، ومو شرط العائله تفيدك باللغه لان بعض العوائل بس تبي الربح منك ،، يعني ما ينادونك الا للوجبات وما يسولفون معاك ،، ع حسب بيئة المدينه

    عشان كذا اقوولك خلك اول اسبوعين بفندق لين تسآل وتتآكد ،، لان العقد اذا وقعته معاهم يجبرونك توقعه ع سنه كامله ولا تفكه ،، يعني ما تقدر تطلع اذا حصلت السكن خايس وتتوهق

    اخووي اغلب الطلاب يروحون هناك ما يعرفون حتي الاي بي سي ،، بس انت خلك اجتماعي معاهم وحاول تصير ملقووف شوي وتحشر نفسك بينهم حتي لو تقط بدليات عاادي ،، حبه حبه لين تصير احسن منهم


    اسآل الله لك التوفيق ،،
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.