الأعضاء الإشتراك و التسجيل

الملتقيات
ADs

ليش محمد العيسى و محد غيره؟ ليش المشرفين نفسهم ولا اتغيرو..ممكن من نفس الحي؟

ليش محمد العيسى و محد غيره؟ ليش المشرفين نفسهم ولا اتغيرو..ممكن من نفس الحي؟


NOTICE

تنبيه: هذا الموضوع قديم. تم طرحه قبل 2714 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية I dont get it
    I dont get it

    مبتعث جديد New Member

    I dont get it الولايات المتحدة الأمريكية

    I dont get it , أنثى. مبتعث جديد New Member. من الولايات المتحدة الأمريكية , مبتعث فى الولايات المتحدة الأمريكية , تخصصى undeclared , بجامعة University of Bombastic
    • University of Bombastic
    • undeclared
    • أنثى
    • Orlando, Flordia
    • الولايات المتحدة الأمريكية
    • Jul 2010
    المزيدl

    July 8th, 2010, 06:18 AM

    السلام عليكم اخوتي االمبتعثين
    بصراحه انا حسيت ان عروق قلبي راح تتفجر و تطلع من دماغي و فعلا كان بيني و بين الجنون والهلوسه والبانارويا خطوااااات قليله.
    انا رايحه ادخل في الموضوع بس قبل اقول شي لازم اقول اني طالبه منتظمه في دراستي و لا ادعي الكمال فالكمال لله وحده و لكن اسعى الى تطوير نفسي و قدراتي بالمثابره والاجتهاد و متحمله تعب و شقا الغربه والي نفسه يجي امريكا ترا و الله الغربه تعب يا ناس و شي رهيب بس ايش نسوي لازم نوصل لللهدف لان تحملنا هذا و تطنيشنا للمشاكل بآحجامها كله عشان الهدف و اليوم الي ينادى فيه اسمي بين المتخرجين ونا لابسه لبس التخرج عشان استلم الشهاده بآذن الله و اتمنى الشي دا لكل انسان له هدف تعليمي او مهني يرجع له بالفائده.
    انا فكرت اكتب هنا عشان احد يسمعني لان لو جلست مع نفسي رايحه انجن.
    انا ماني رايحه اشرح تفاصيل مشكلتي اللي بصراحه للساعه هذي ماني فاهمه ايش المشكله بس المماطله والتحجج بآن لست انا الطالبه الوحيده اعتقد في نظري سبب غبي من موظف مشرف او مشرفه لان لو كل شي كان بالتليفون والاوراق كان نعذرهم بس الحين مع الحكومه الالكترونيه و بصراحه اكثر كمان اعتقد ان الحكومه الالكترونيه كهدف يقوم لنفس مهام الايميل يعني كلها معلومات تنتقل منا الى المشرف بسرعة البرق و ايميلاتنا معروفه و مسجله لديهم بس بالعافيه يبغو يقولو للناس ترا اول كنا بطيئين عشان ماكان عندنا الحكومه الالكترونيه…..طيب ابشركم ما زلتو بطيئيين مع ان عمل المشرفين اصبح عمل حل و ربط Hold and Release تخيل لو يقولك المشرف يا فلانه ترا انتي مسجله مواد ثقيله الترم هذا لا لا لا احذفي الفيزيكس و يكفي كالكلوس و خذي معاه ماده تقنيه و اي شي ثاني و ترا احنا مع الحكومه الالكترونيه نشارك المشرف في عمله يعني نعبي الخانات الي كان يسويها المشرف والمشرف بس يقراها و بالماوس على كبسة زر قبول او رفض و فنجان آهوه كرمال التركيز ايييه لكاااان.
    ياناس انا راتبي اتوقف و بعد ما حسيت ان روحي حتطلع رد المشرف على الايميل و طلب مني اوراق بالهبل حسيت ان ماعندهم ملف ليا فيه كل شي شي بصرااحه غرررررررررريب ….صوره من الجواز و صوره للختم و صوره للسجل الدراسي و كشف الدجات و المواد الي مسجله فيها الترم الجاي و صوره من صك شرعي للبيت الي ساكنين في اهلي و صوره من اخر ثلاث اشهور فواتير الجوال والكهرب في السعوديه و صوره من حفيظة النفوس و صوره من لجدي و هوا يلعب شطرنج مع خال امي و و و و و و وو و اوووووووفففففف
    لكن اتصور ايش؟
    كل شي وفرته في خلال يوم واحد… و ابن اللذين يرد عليا اخر خمس دقايق في يوم الجمعه قبل لا يوقف الدوام و بان جاله كل شي و يوم الاثنين ينفك الهولد…الاخ طلع من الدوام و ركب سيارته و شغل اغنيه لفيروز و مر علي دنكن دونت و جاله اتصال لك شووبناا فين بدك يانا نسهر الليله ولا شو رايك نروح عند الشباب نلعب ضومنه.
    وانا قاعده اكل توست ناشف و حالتي للبلى…بس حاولت اقنع نفسي ان الويك اند هذا شهر رمضان و ان لازم ابداء اصوم اقنع نفسي عشان ما احس بالجوع والكئابه. و المشرف ينام ومديره ينام و لا يشعر ان في مكان اخر في امريكا فتاة ضعيفه و لا اقصد اني بنت لازم اتعامل بشكل خاص…انا اعرف طلبه نفس وضعي في الجامعه وانذلو اشرر اذلال و هم جيدين و مهتمين بدراستهم بس القرارات التعسفيه الي تكون فاجعه و مفاجئه من دون اي انذارات مسبقه توديا في خبر كان و تقعد اسابيع و يصعب علينا التركيز في دراستنا. فعلا انا حسيت اني شحاته لما جيت امريكا.
    جا يوم الاثنين جا يوم الفرج و اتصل على الزلمه و ايميلات و طناااااااااش الين يوم الثلاثاء و يقولي في صوره مش واضحه ابعتيلي صوره اوضح من هيك و ارسلت و يرد عليا اقسم لكم بالله في اخر خمس دقائق احس انه مستقصدها ناس يحبو التعذيب فتشيين.
    عصبت و قهرني طريقة عمله معايا و تجاهلته و اتصلت على ابو سعود المسؤل عليه و خد لك نفخ ريش و رفعة خشم و اسلوب متهجم و عدم اعطاء فرصه للكلام و شرح ابداااا ابدااا بغيت ابكي بس مسكت نفسي …و قلت ايش ذنبي انا…في اخر الكلام استوعب انه على خطاء وطلب ان ارسله الاوراق نفسها….طيب ليش ما تاخدها من المشرف الي عندك؟ انا مافي بجيبي عشرين دولار اروح اسوي سكان و اتاش في فيديكس…بصراحه بغيت اطلب سلفه من مسؤول المنطقه لان اكيد راتبه نزل و عاايش حياه زكيه.
    طال الموضوع و كثر الطناش و جاني فضول ابحث في النت عن الناس هدول ايش اصلهم ايش دراستهم ابغى بصراحه اتوصل لشي يقنعني ان الي بيصير معايا منهم سببه مقبول يعني مخترع او حاصلين على جائزة نوبل او بروفيسورات في الاداره و شهادات و دورات في ارقى المعاهد….عشان اقول استاهل اي شي منهم. والنتيجه مالقيت شي عنهم في النت اي شي يذكر اي مساهمات او دورات يعني ناس عاديين زينا مدي كيف رشحوهم كملحق تعليمي هنا؟
    طبعا ونا ابحث طحت على اللنك هدا (انا بصراحه مدري اذا انتو زيي بس انا من النوع الي ادقق غصب عني و شي متعبني، ادقق و اقرا تعابير الوجه والعينين و حركات و ضع اليدين ) تعطيني فكره عن مخ الي قدامي و هل الي يقوله من قلب ام عشان انه تصوير و راح يكون فيه نوع من اعوذو بالله اعووذوو بالله النفااق.

    تعقيب : حتى موظفي الملحقيه يا ريت مايفكرو ان هادي رحله سياحيه مدفوعة التكاليف
    تعقيب: بصراحه بكيت و ضحكت في نفس الوقت لما سمعته يقول ترسل و ترسل و ترسل على عنوان الطالب و الين تستنفذ كل الخيارااات يا عيني. ماصار معايا كدا ليشششششششش؟ ولا كلو كلام في الهوا
    تحمست بعد المقطع هدا اغوووص في تاريخ الرجل هدا على ما اسمع من مديح المستفيدين له من واسطات و غيره وذم المظلومين والمقصرين عليه
    Saudi Arabian Cultural attaché to the United States

    Born in 1954
    Married, and has 5 children: 3 daughters and two sons.

    Work Experience
    July 17th, 2007 to Present, Saudi Arabian Cultural Attaché to the U.S.
    May 2007-July 2007, Consultant at the Saudi Arabian Cultural Mission.
    Consultant to Al-Andulus Private Schools with a primary role of establishing electronic learning.
    1996-1997, Visiting Professor at George Washington University.
    1990-1996, Director of the Center for Computer and Educational Technology.
    1988-1990, Director of the Educational Television Center at Umm Al-Qura University.
    Assistant Professor at the College of Education at Umm Al-Qura University, Saudi Arabia.
    1978-1979, Instructor at King Abdulaziz University, Jeddah, Saudi Arabia.
    Academic Background
    Doctorate in Educational Technology from Indiana State University.
    Masters in Educational Technology from Indiana State University.
    BA in Educational Technology from King Abdulaziz University in Jeddah, Saudi Arabia.
    Researches
    Participated in numerous national and international conferences.
    Directed numerous masters papers and doctoral dissertations in Saudi Arabia and abroad, most of which were on the area of e-Learning.
    Wrote and reviewed a number of books on the use of computers in educational settings.
    Professional Organizations
    A member of AECT, an American educational technology organization.
    A member of the Egyptian Educational Technology association.
    A member of the Saudi Arabian Psychological association.
    كثير صح؟ ههههههههههه
    طيب شوف اخر ثلاث منظمات كلها عاديه و بالاشتراك السنوي اي واحد يدخاها مو اكسبيريانس هدا و تخصص تعليم تقني ايش دخله في السايكلوجيكال؟؟ و وحده مصريه و كلنا نعرف مصر قد الدنيا و ممكن تكون اي شي في مصر.
    wrote and reviewed a number of books? number can be 0 or 100
    الراجل تخرج تكنلوجيا تعليميه من جامعة الملك عبدالعزيز في بداية السبعينات…ممكن احد يفهمني كيف تقنيه في السعوديه و بداية سبعينات؟؟ و كلنا نعرف من اسهل التخصصات و بتوع المشي حالك دايما يتوجهو تقنيه؟ انا افتكر ماما تقول كان في كاميرات و الدكتور يلقي المحاضره في غرفه و يشوفوه علي تلفزيون لو كدا يعتبر اسم التخصص اخراج تلفزيوني .
    كثير كلمة التضخيم numerous حتى في مشاركته للمؤتمرات عادي مو انجاز كبير للآمانه مجرد حضور و كلا نعرف الشي دا نبغى بس الورقه الي مكتوب عليها ترا انا كنت هنا عشان السيفي. اما المناصب المهنيه كلها عاديه ماني شايفه شي يخليه ملحق والاحق من غيره مع انه ماله تاريخ كبير في الاشراف على طلاب او انه مدير جامعه او معهد على الاقل بليزز لحد يجيني و يقولي الرجال ماقصر والنعم فيه …لان اذا نافعك لاسباب معارف و علاقات في غيرك مو مستفيد و بياكل توست و مربي اسابيع بعد ما يحسسوه بالذل ينزلو الراتب و التعويضات و غيره من حقوق الطالب المبتعث والمكتوب في القوانين الي جاتني بالبريد اول ما جيت…كله كلام فالصو…انا ما اتكلم عن اخلاقياته لانه كلنا انشالله لو نجي مكانه بنتعاطف لاي احد يجيني و خاصة لما يكون في احد حولي عشان ينقل للناس كيف انا حساس مع الطلبه….انا اتكلم بكل بساطه عن وظيفة ملحق ثقافي كان شاغر مثلها مثل اي وظيفه اخرى والترشيح للآفضل في مجال له علاقه بشكل كامل.
    خلينا نشوف التعليم
    Doctorate in Educational Technology from Indiana State University.
    Masters in Educational Technology from Indiana State University.

    ‎ماجستير في تقنية التعليم من جامعة انديانا
    ‎و هدا اللنك حق التخصص والدرجه في الجامعه
    Program: Educational Technology M.S. - Indiana State University - acalog ACMS
    ‎ كورسات بصراحه تافهه ماني فاهمه ايش علاقتها بمنصبه؟
    General Policies and Regulations - Indiana State University - acalog ACMS
    ‎و هدا لنك لشروط القبول في الماستر لتخصصه متهاونين مرره واللي يفهم في قوة
    ‎الجامعات و ترتيباتها يعرف ايش معناة سهولة القبول في الجامعه‫.‬
    ‎بس قبل لا اروح لبرنامج الدكتوراة الي درسه سعادة الملحق المحنك خلونا نروح اذا كانت معترف فيها من قبل الوزاره
    http://ru.mohe.gov.sa/univ.aspx?uc=s...rtid=4&stid=-1
    ‎موصى بها

    ‎اما بالنسبه للدكتوراة فا لم يعد له وجود في الجامعه‫….‬تخيل تدرس و تتخرج من جامعه و يقفل البرنامج
    ‎و بموقع الوزاره ليست موصى بها ربما لان ليش لها اثر الان‫.‬
    ‎في الاخير بعد التحليل و مضيعة وقتي على الفاضي لقيت ان السر يمكن في الواسطات لان في طلبة دكاتره هنا ماشاء الله عليهم يعرف ايش يبغى مو يدرس دكتوراة في هندسة الكومبيوتر و فجآه يقبل بوظيفة مشغل حاسوب في مدارس الاندلس . و سلامتكم
    احس براحه الحين
    اعذروني ترا الكيبورد مو عربي و انحولت عيوني.
  2. اوووووووووووووووف وش سويتي فيه انتي جبتي خبره ههههههههههههههه شكلك قويه

    الله يعينك ويستر عليك والله حاجه تزعل بس كل اللي قلتيه معروف ولا حد بيده شي يعمله ...

    اذا محتاجه فلوس تري الناس لبعض اتكلم جد حرام كذا ... الله يكون بعونك يارب فمان الله
    7 "
  3. هههههههههههههههههههههههههههههههههههههههههههههههههه هههههههههههههههههههههههههههههههههههه


    والله اول ماقريت اول كلمتين من العنواان قلت بخاطري الواسطه هههههههههههههههههههههههههههههه

    ربنا يعين


    ترا يا اختي اذا محتاجه اي شي لايردك الا الكيبورد وابشري بعزك والناس للناس والكل بالله


    تحياتي
    7 "
  4. اختي العزيزة تبين تعرفين متى بنتطور ؟
    إذا تخلصنا من حاجتين
    1- الواسطة
    2- عدم الأمانة في العمل

    قسم بالله أكثر شغلنا بالسعودية بالواسطة .. بسأل سؤال أنا يوم دخلت للملحقية حسيت إني داخل جامعة الدول العربية أغلب الجنسيات أجنبية
    ليه ماتجيبون الشباب العاطل الجامعي في السعودية وتدربونهم وتوظفونهم ؟
    وش يعني قصدكم شايفين إن أمريكا تخب عليهم ولا ايش ؟!
    أقل شي الملايين ماتروح بعيد تروح مننا وفينا
    الشي الثاني هل تعتقدين إن الملك مايعرف إن الدنيا عندنا بالواسطة !

    أنا متأكد بليار بالمية إنه يعرف ويعرف زين إنه مستحيل يقول خلاص روقونا معد نبي واسطات وخلاص ينتهي عصر الواسطات كأنه استخدم عصا سحرية بهذي الجملة !
    لا عرف إنه مابيقدر يتخلص من هالعينات إلا من خلال ( الإحلال ) ومعناها يجيب ناس مؤهلين فكرياً ودراسياً أماكنهم لذلك ابتعثك وابتعثني وابتعث هذي الآلاف واهتم فيهم ويعاملهم كأنهم بذور ستنبت ثمار للوطن في المستقبل !
    حنا مانقدر الحين نغير شي وأنا خوك .. أنا من الناس الي مقروص وانظلمت بسبب رعونة القسم المالي في الملحقية وحدود الألف دولار باقية لي في ذمتهم وقاعد اطرد وراها كني اطلبهم صدقة من جيوبهم لابارك الله فيهم ولا حللهم ولا باح منهم
    فمثل ماقلت لك حنا مانقدر نسوي شي ولا بيدنا شي أقصى شي نقدر نسويه الآن هو موضوع أو مقالة بالكثير في جريدة بس
    لكن دورنا بإذن الله إذا شخصتي بزي التخرج الأسود ورجعتي راسك مرفوع لبلدك
    ساعتها لاترحمين مرتزقة عصر الواسطة .. شوتيهم برجلك كأنك تشوتين كرتون زبالة يعترض مدخل بيتك !
    وإذا ماسويتي كذا صدقيني بيجي واحد أو وحدة ويكتب موضوع زي موضوعك عنوانه (ليش I dont get it ومحد غيرها ) وخذي حش في تفاصيل حياتك بسبب ظلم وقع عليه بتهاونك في عملك
    مشكورة وعسى الله يوفقك
    وإذا فعلاً تحتاجين شي والأمور ملطشة معك لايردك إلا لسانك لين ربي يفرجها عليك
    7 "
  5. الحمدلله على كل حال

    اليوم صحيت على اتصال من الوالد و اتصاله (الله يطول في عمره و يخليه لنا و يارب و يحميه) كان مثل شعاش الشمس بعد يوم اسود مرير و بدون اي مقدمات قالي انه ارسل فاكس للجامعه و بيصل لهم الاوراق الرسميه بالبريد وهو ضمان مالي على حساب ابويا الحنون الي لا بعثه ولا وزاره و لا ملحقيه و غيرهم من الناس شغلهم الشاغل اضافة رصيد لسيرتهم المهنيه ولا همهم الا الفلاشات والمجاملات و يغنون في بناء الوطن- و قالي بدون مقدمات ولا تبلغين الملحقيه ولا كآنهم موجودين يا بنتي اسحبي الضمان حقهم و طشيه و واصلي ونا معاكي الى التخرج والله يلعن يوم تنذلين فيه عشان دولار. والله و رحت و سويت مثل ما قالي و سحبت سيفوووون عليهم و ربي حسيت صداع نصفي راح و حسيت اني اقدر ادرس و اركز دحين و يارب لك الحمد و استغفر الله العلي العظيم

    انا اليوم رسميا اصبحت على حسابي الخاص بعد ماكنت منذله على حساب غيري. والحمدلله
    و اليكم اخوتي المبتعثين مقطع للدكتور خريج جامعات امريكا ممثل التعليم في الخارج رجل التعليم التقني و عضو في منظماتها والآجدر من غيره في منصبه شوفو كيف يتكلم قدام عدد بسيط من الجموع ...من ورقه
    http://mm1.uni.edu:8080/ramgen/1/mp3...di_ceremony.rm
    شوف كيف هدا الشخص اشوف صوره كثير و حسيت ان شخصيته قويه خااصه مع منسوبي الملحقيه شوف كيف بالله

    الملحق presentation
    http://mm1.uni.edu:8080/ramgen/1/mp3...cholarships.rm

    رجاء الصانع
    http://mm1.uni.edu:8080/ramgen/1/mp3...saudi_rajaa.rm
    يعني مابين البنات كلهم ما اختار الا رجاء الصانع تمثلنا حنا يالبنات؟ بالغصب تبغو تورو الامريكان اننا متحررين؟ من سبع سنين اللي راحت ونا اسمع الاسطوانه المكسوره مدري مين صارت طياره و فلانه مخرجه و فلانه هيا نفسها من كم سنه على شي واحد سوته <<يعني انا سعوديه ماعمري ركبت طياره في حياتي كابتنها بنت،،،ولا عمري شفت فلم مخرجته سعوديه ولا عمري شفت مجله اسمها مبتعث ولما شفتها بالنت لقيت مواضيعها تعبيريه مافي شي مفيد و صورة موضي خلف تعبانه عليها اكتر من مقالاتها المتكرره....في مجلات و صحف الامريكيه صور الكتاب تجي انشXانش احنا لاء نحب ناس تشوفنا اكثر من عملنا نحب تضخيم السخافات و نخليها numerous هههههه

    مره تاني الكبورد مش عربي و دخت و وداعا يا ملحقيه و طول الله في عمر ابويا
    7 "
  6. ههههه هالحين يقالهم حاطين موظفين اجانب عشان يخدمونـآ

    يالله بالله الاجنبي بيخاف علينا اكثر من الوطنيين

    يلعن ام التخلف اللي كذا .. انا مبتعث من 7 شهور وينزل لي راتب .. ويوم نقلت من مدينتي السابقه وقفو راتبي ..

    بدون سبب ! قسم بالله تخلف

    موفقه اختي والله يطول بعمر الوالد
    7 "
  7. .. اختي اذا كنتي على حق لا تسكتي عن حقك ابدا .. والغلط موجود في اي مكان ولكن اكيد راح يكون هناك احد يتفهم وضعك .. في الملحقيه ..والله يعينك

    وهذا منتدى الملحقيه السعوديه في امريكا اكتبي فيه مشكلتك

    http://sacmclubs.org/vb/forum.php

    وصدقيني في كل مكان بالعالم راح تحصلي الناس الي تشتغل بذمه والناس الي ما تعرف معنى الذمه



    تحيتي لك
    7 "
  8. حرررروفك نسجت بين صفحاات المنتدى

    وأثرت بداااخل كل قاارئ

    وسأكتب هنا بحرفي...
    لأقول معك ولست معك...
    معك..زفيما قلتي من احرف عنمن لم يقدروا الأمانه حق قدره ..ونسوا ان هناااك حساب ينتظرهم
    معك..فيما ذكرتي عن الواسطه وتدميرها لمستقبل كوادر تعليمية مشعه بالحياااه
    معك..على ماذكرتي من الم الغررررررربه

    ولكن
    دعينا نقف

    الا حمدنا الله على نعمة وطن نعود له حينما تضيق فينا الدنيا
    الاحمدنا الله على نعمة ترشيحنا للإبتعاث
    هنااااك اشياء كثيره تستحق الحمد
    تستحق الشكر
    تستحق التقدير
    نعم
    تعبنا وسنتعب
    تحملنا وسنتحمل
    كافحنا وسنكافح
    و
    و

    لكي ننهض بأمة محمد
    لكي ننهض بوطن وبلد ضمتنا
    لكي نعود ونقضي ونتكااتف لتغييييييييييييييييير مالا يتناسب مع دينناومعتقداتنا
    مثلما قال احدى الأخوان(((ان حل ملكناسيكون ع المدى البعيد وليست بكلمة سيتغير كل شيء مثل العصا السحرية ليكون حل قصير المدى))

    أخيتي
    تقديري لقلمك ولأباااك الذي لم يرد ولم يطااوعه قلبه ان يرا فلذة كبده تنتظظظظظظظظظظظر بقااائمة مع المنتظرررين

    أحب أن اقووول لك ولي ولكل مبتعث

    لنبحث عن ماهو جميل حتى لانكتئب في الغربه
    ونستصغر العقباااااات حتى لاتغلبنا ونتغلب عليها

    وتذكروا بأن هناااك إله لن يضيع حق احد
    وليس هناك حق ضائع دام هناك شخص يبحث ويطاالب بحقه

    تحياااتي

    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.