الأعضاء الإشتراك و التسجيل

الملتقيات
ADs

شرطي أمريكي قتل واحد ..

شرطي أمريكي قتل واحد ..


NOTICE

تنبيه: هذا الموضوع قديم. تم طرحه قبل 2717 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. المشاركة الأصلية كتبت بواسطة ((معالي الشيخ))
    أتفق مع صاحبة الموضوع 100%

    يعني قبل هم ما يحاولون يسيؤن للسعوديين . حنا اللي ننشرها قبل كل شي

    المشكله تلقى كلن يتسابق عشان يحط موضوع ويكثر عليه عدد الردود..!!

    جزاكي الله خير
    أخيراً أحد فهم لي ..
    هذا المقصد ..
    ليش الأخبار اللي ضد المسلمين تكون في كل الجرايد وكل المواقع ..
    واحنا نتكتّم عن أخبارهم .. والمصيبة نساعدهم في شائعات ضدنا ..

    تسلم أخوي ..
    7 "
  2. المشاركة الأصلية كتبت بواسطة ولد خالد
    يعني الله يحيكم هذا المنتدى مختص بالمغتربين ولا الي ناوي يغترب

    انا من كثر المواضيع الي عندكم ما قدرت اطلع بنتيجه الا وحده بس

    اذا انت على حساب قدم بدري واذا انت على حساب الحكومه حط رجل على رجل وانتظر الرد

    بس هذا الي عرفته منكم ابقولكم شي اذا واحد مثلي ناوي يكمل تتخيلون كم يبيله يقعد على المنتدى حقكم علشان يطلع بنتيجه

    انا 4 ايام واخرتها على الفاضي يعني لازم ادق على واحد من غرب امريكل لاني اعرفه علشان يكلم واحد في شرق امريكا لاني

    ابروح هناك ولا بصراحه موقعكم غير منظم ما توصل المعلومه الا لين تحول عيونك ويبرد شاهيك هذا اذا انت توك ما رحت

    ابي منكم طلب بسيط انشاله والله تفيدون ناس كثير انا دورت ناس متخرجين من قسم ادارة اعمال ولا لقيت ولا واحد حاط موضوع

    وبتلقا 700 واحد من الحاسب حاط موضوع والمشكله لا ما هيب مشكله ان المواضيع كلها متفاعله كل ما لقيت رابط في الجامعات المرموقه يلحسني بالانقليش ولا عد اعرف شي لو تكرمتو سوى ترجمه للروابط الي تحطونها علشان الي مثلي ما يضيع وقته على

    سؤال ما يرد عليه الا حضراتكم انا دخل على موقع الوزاره ابي اعرف التخصصات الي مقبوله بالنسبه لجامعه بوسطن ولا عرف

    لو تكرم واحد ونزل موضوع ومثبت على جامعات المعترفه بالتخصصات الله الله الله يوفقه دنيا واخره

    ترى انا تكلمت من معاناتي مع موقعكم ولا شفت فيه فايده تخليني اني اتابع للموقع وترى هذا مو على الكل لا والله فيه بعض الاعضاء الله

    يسهل امرهم وياكم وانا بعد ما قصرو مع الكل والدليل المواضيع المثبته بس اسال سؤال عن التخصصات المطروحه واقعد 3 ايام ولا حد يعطيني وجه وين المراقبين وين الاعضاء الفعالين اذا الواحد بيدخل وبياخذ الي بي وبيطلع وشوله اسجل في المنتدى من اساس

    اعذورني اذا كنت ما اصبت في النقد بس والله 5 ايام ما نمت زين ولا كليت زين والى الحين ما اعرف التخصصات المقبوله

    للماستر اداره الاعمال ولا اعرف وش الافضل ولا اعرف شي

    اسف للاطاله واوعدكم انشاله انه اذا تسهلت اموري بتلقون الي يسركم من خلال تجربتي
    الله يكون بعونك ..
    بس يا ليت تحدد وش تبي بالضبط وما رح نقصر معك ..
    أنت تامر ..
    << تراني مو مشرفة ولا شي ..
    بس ما أحب أشوف أحد ضايع ..
    وش بغيت ..؟
    7 "
  3. المشاركة الأصلية كتبت بواسطة تركي الشبرمي
    لو جرايدنا تنقل خبر عن كل واحد قتل بالعالم كان ما كفت الصفحات واذا نقلوا خبر عن سعودي فهذا فقط لأنه سعودي وتعرف بدون اخبار الجرايد ماحد يشتريها, لكن كلامك سليم الحرب على الإسلام واضحة وينتظرون علينا اصغر الزلات رغم انهم تسببوا بقتل الملايين بحروبهم. ما اقول الا اللهم اخرجنا من ضعفنا وفعلاً نتمنا عدم الأستعجال في نشر الأخبار السيئة عن الطلبة المبتعثين لأنك لو حطيت نفسك مكان اللي صايرة له المشكلة ما رضيت ان احد ينشر المشكلة اللي صايرة معك وبعض الأحيان تكون اصلن التهمة كلها تلفيق وبعض الأخوان هوايتهم نقل الأخبار الشينة ما يصدق يلقى اي خبر سيء عن الطلاب الا جايك وناشره. *
    ايوه .. برافو عليك ..
    احنا للأسف نروّج هالأخبار الشينة عن المسلمين ..
    وأنا ما قلت كل جريدة تكتب ..
    بس المصيبة إنهم يدورون أخبارهم الزينة ويحطونها .. وكأنهم مجتمع ملائكي ..

    الزبدة ..
    احنا في إعلامنا نجيب الشي الزين في الغرب ونحطه .. وننشر كل شي شين سووه المسلمين ..
    وفي المقابل هم برضو يحطون ويضخمون أي شي سووه المسلمين .. بس بصرة مو حلوة ..

    يعطيك العافية ..
    7 "
  4. المشاركة الأصلية كتبت بواسطة زوووز
    هلا غدير ,,والقتل كان في البارت ستيشن بنقس مدينتي ,,,

    بس ليش تحبين تنبشين ورى هالمواضيع ,,,

    وس عليك منهم أن شاء الله يسون اللي يبووون ,,

    احنى مالنا داخل في اي شي ,,,

    وياليت ماتنزيلين زي هالمواضيع البـأيخـه مع احترامي لك لأنه موضع لايودي ولايجيب وبالعكس مفروض ماتكتبين زي هالمواضيع

    لك ودي ولا تزعلي
    المشكلة إنك شفتي الحدث .. وجالسة تحكين كذا ..
    ما نبّشت ولا شي ،، هو خبر والسلام ..
    وأعتقد قلت أسبابي ..
    بس وربي قهر .. صارت أخبارهم تنبيش وشي مو حلو .. وفضايحنا عاااااادي .. لا وندعمها ..

    هم فعلاً يسوون اللي يبون .. لكن لو تركونا في حالنا تركناهم في حالهم ..
    بس على فكرة .. وين الاحترام في الموضوع وأنتي تقولين " بايخ " ..؟
    ترى ما له داعي تبررين وإلا تعتذرين ..
    يا قولي بايخ واجزمي .. وإلا احترمي مثل ما قلتي " مع احترامي " ..

    قبل لا تردين مرة ثانية فكري شوي :
    أنتي في أمريكا .. وأكيد أقل شي محجبة .. باسألك .. ما قد شفتي حقد في عيون أحد ..؟
    ما قد حسيتي إنهم يتكلمون فيك أو كارهينك ..؟
    ما قد شفتي إنهم يشوفونك كوحدة إرهابية لا أكثر ..؟
    << أتكلم عن الناس اللي في الشارع .. مو اللي علاقتك معهم كويسة ..

    لو كان جوابك إيه باقول لك : إعلامهم وإعلامنا ساهم بشكل كبيييييييير في نشر هالصورة عن الإسلام والمسلمين ..
    واحنا جالسين نتكتّم عن مصايبهم .. مثل ما هم متكتّمين .. لا ونسمي ذكر أخبارهم تنبيش ..

    الله يصلح حالنا بس ..
    7 "
  5. المشاركة الأصلية كتبت بواسطة تركي الشبرمي
    والله يا اختي انا اشوف انه صار شي طبيعي عندهم, يعني يصير تفجير في غزة يموت 300 او 400 فلسطيني تفتح الاخبار هنا بأمريكا تلقاهم يقولون توفي 20 جندي اسرائيلي مع انه تلقينه واحد بس فيه مخش بأيدة و 40 مدني اسرائيلي تلقينهم ذولا ما سمعوا القنبلة اصلا يعني كله نصب بنصب واخر الخبر يقولك وقليل من المدينيين الفلسطينيين فا وش تنتظرين من اعلام مثل هذا؟ وسائل الأعلام في امريكا يملكونها يهود وش تنتظرين منهم؟ يمدحون المسلمين؟ اكيد لا
    في نهاية الأمر يقولك الأخبار تعبر عن اراء شخصية يعني المذيع عنده خبر عن حدث او شي ما يقولك الخبر مباشرة بس يصيغة لك بناء على رأية الشخصي بالحدث اللي صار؟! *يعني ممكن يقلب لك حقيقة اللي صار مية وثمانين درجة. اللي محيرني وش مخلي الأمريكان يتابعون أخبار اصلا؟
    وليش يكون شي طبيعي ..؟
    تتوقع لو احنا يا المسلمين سوينا كذا بيسكتون ..؟
    ليش ما نكون لهم بالمرصاد .. عشان مثل ما يشوفون علينا يشوفون عليهم ..
    وبعد كذا ممكن يحسون بالقهر اللي يجينا إذا تكلموا عن المسلمين بطريقة مو حلوة ..

    وربي محتاجين نكون كلمة وحدة ..
    الحين العالم ار منفتح على بعضه .. والعالم صارت تقابل ناس من كل العالم ..
    عشان كذا لازن نوعّي الكل إننا مو بهالسهولة نستسلم ونقول " إيه ،، هم يسوون كيفهم .. واحنا خطأ علينا " ..

    مثلاً .. الناس تدخل مبتعث .. تشوف خبر الطالب اللي قتل أستاذه .. وخبر الطالب اللي بيفجّر المعهد " وهو قال بينفجر عقلي خذوها ضده وقالوا بيفجر المعهد " ..
    الناس إذا قرت هالأخبار تجيها الكآبة ..
    << من روّج لهالأخبار ..؟
    وشلون درينا عنها ..؟
    من المنتديات ومواقع الأخبار ..
    طيب احنا في المقابل لنا صوتنا .. ونقدر ننشر اللي نبيه ..
    ومثل ما هم ماخذين راحتهم بشائعات .. احنا خلونا ناخذ راحتنا بس بكلام حقيقي .. وخلونا نعلم العالم عن هالشعب اللي الكل يشوفه ملائكي ..
    ..
    7 "
3 من 4 صفحة 3 من 4 ... 234
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.