الى اصحاب القواميس الالكترونية اطلس ..

السلام عليكم

يا جماعة انا قبل سفري بيومين اشتريت اطلس الكتروني من جرير موديل SD8800ci ب1100 ريال ومع كثرة الانشغالات والخوف من نسيان اي غرض ...صراحة حطيته في الشنطة بزي ماهوة وما فتحته ... وتاني يوم وصولي واشنطن جا على بالي افتحه واتفاجئ انه ايش ؟؟؟ ......مافيه بطااااااااااااارية لا مع الكرتون ولا جوا الجهاز ,,, جا معاه شاحن وكيبل توصيل باللاب توب .. والضمان والكتالوج وقلم ... طيب كيف اشغله الان واستعمله بشكل كفي ؟؟؟ الان تلاتة ارباع فايدته راحت ... اتصلت على الاهل قلببت الكرتون ما لقيت اي اثر للبطارية ....ما ادري انتو صار معاكم ولا ايش ؟.؟؟ واش الحل ؟ اخلي الاهل يروحو للوكيل ويشترو بطارية ؟؟ .. ولا يرجعو لجرير ؟؟ بس الجهاز معايا في امريكا
والله مقهورة لانه غالي ... بس ما اتوقعت انه جهاز من غير بطارية
ما صارت صراحة !!!! ومن جرير كمان

الله يعينك .... وإنشاء الله تساهيل

أصلا المترجم ... ما ينصحون فية أهل اللغة ... إلا لحاجات قليلة جدا

لأن الكلمة لازم تعرفها على أصلها ..

المهم .. . ارسلي الفاتورة إيميل لاخوانك وخليهم يتأكدوا من جرير لانها ماشاء الله حريصة على سمعتها

ثاني شي .... تعودي أي شي إلكتروني او كهربائي شغلية وجربية عنهم في المحل ... خليك قعيطية شوية


بالتوفيق يارب

أختي إذا أنتي في المستويات أعلى من المبتدئين فما أنصحك باستخدام قاموس انجليزي عربي يعني ترى الكتاب انجليزي انجليزي فائدته اكبر بكثيييييييير صحيح صعب بالبداية لكن بعد كذا راح تحسين بفرق ملموس جدا جداً وأنا مجرب
إذا كان كذا ارسلي حد من اهلك لمكتبة جرير ويرسله لك والله يعوضك خير مكتبة جرير بصراحة صاير عليها حركات تقهر

شوفي الكتالوج

يصير فيه مجموعة وكلاء في انحاء العالم

احسن لك
ابتعدي كل البعد عن القواميس الالكترونيه وخليك على الورقيه وعندك قاموس اوكسفورد انجليزي انجليزي عربي , جدا ممتاز ودكاترتي حقين الانجليزي نصحوني ياستخدام القواميس الورقيه بدل الالكترونيه لانه خلال بحثك عن كلمه معينه راح تلاقين كلمات جديده ونتي قاعده تدورين عالكلمه اللي تبغيها وانا مجرب الطريقه هذي وجدا حلوه الله يوفقك ان شالله