اقسم بالله اني ضعت
ههههههههههه
اولا انا اشكر لكل الأخوان تفاعلهم وردهم ومحاولة المساعدة
لكن اتوقع ان الكلام الأقرب للحقيقة هو ان الملحقية تتكفل بدراسة المرافق للغة في المعهد وتعطيه ضمان ملي للمعهد فقط
اما بالنسبة للجامعة ودراسة الماستر فأن الملحقية لا تتكفل بأعطاء المرافق ضمان مالي للحصول على قبول من الجامعة
لذلك يجب على المرافق احضار ضمان مالي ليتمكن من الحصول على قبول في الجامعة والحصول على فيزا f1 والألتحاق بالبعثة
مع اني اتمنى ان يكون كلامي غير صحيح
وارجو ممن يكون عنده اي تصحيح ان يتفضل ويقوله
واللي عنده اي معلومات اضافية لا يبخل علينا
abu-maya July 12th, 2010, 12:10 PM
7 " .. صح كده .. انت فهمتها من الآخر ..
لأن من شروط أمريكا عموماً إنه للتمكن من الدراسة الكاملة والمنتظمة يجب الحصول على اف ون
والحصول على قبول الجامعة لازم له اف ون لأنه ماعندهم انتساب او دوام جزئي ..
واف ون لازم ضمان مالي ...
والضمان المالي إما عن طريق الوزارة .. للمبتعثين الأساسيين .. وإما عن طريقك الشخصي ..
تحياتي
فستق July 12th, 2010, 01:07 PM
7 " يااخواني فيه مرافقين جو بفيزة اف تو وغيرو فيزتهم في امريكا الى اف ون واخذو الضمان المالي من الملحقيه ودرسو اللغه وبعدين الجامعه كله على حساب الملحقيه بس اذا خلص المبتعث الاساسي الي هو له مرافق وهو ماخلص اعتقد 60 او 70 في الميه من دراسته الله لايهينه ويقش عفشه ويرجع مع المبتعث الاساسي اما اذا خلص 70 في الميه يصير مبتعث
وبعدين اذا خلص اللغه ودخل الجامعه ياخذ راتب مبتعث ماهو مرافق
وسلامتكم
oHo July 12th, 2010, 07:47 PM
7 " اخوي ابو مايا تعال انا اعلمك كل شي .. انا بامريكا ادرس عندي طفل و زوجي هو المرافق لي ..
اول شي زوجتك اذا قبلوها ابتعاث الوزاره بيجيبون لها قبول معهد ويمكن انت يجيبون لك قبول مرافق ويمكن مايجيبون لك شي .. المهم اللي راح تسويه انك تروح للمكتب اللي تعاملت معاه الوزاره وجابوا منه قبول زوجتك وتقول لهم ابي تلغون قبول المرافق وتجيبون لي قبول دراسي بداله وطبعا بيطلبون منك ضمان مالي انت تجيبه من عندك .. الضمان المالي اقل شي يكون ٨٠ الف ريال ويكون باسمك .. اذا سويت كذا بيجيب لك المكتب قبول و I-20 طالب لغة .. وطبعا بنتك يجيبون لها قبول مرافق ..
خلصنا من القبول نجي لفيزا اذا رحت تقدم على الفيزا بالسفارة يكون معك قبولك حق المعهد وضمان مالي من عندك بعد وبرضوا اقل شي ٨٠ الف وكل ماكان اكثر كل ماكان افضل .. انا سويت لزوجي ضمان مالي ب ١٠٠ الف للمعهد والسفارة ..
طبعا تقدم على فيزة طالب اللي هي F1 لك ولزوجتك لانم كلكم بتدرسون .. بنتك فيزتها F2
خلصنا من كل شي وصار عندك فيزا وقبول انت وزوجتك وباقي سفركم ..
تروح للاحوال المدينة وتطلع برنت من عندهم وتراااااه مره مهم وبقولك بعدين ليه مهم..
واذا انت موظف خاص او حكومي وماخذ اجازه يكون معك ورقة الاجازه الرسمية من عملك .. واذا مستقيل ورقة الاستقاله الرسميه ..
رحلتكم بتكون ان شالله من السعودية على واشنطن عشان تروحون الملحقيه الثقافيه هناك وتخلصون اموركم وتاخذ لك هناك يومين .. عقبها تسافر من واشنطن لمدينة دراستك.
اللي بتسويه بالملحقيه انك بتفتح ملف لزوجتك طبعا المبتعثه وهو ملف مبتعث وانت تفتح لك ملف ثاني اسمه ملف مرافق
ومهم انه ملف لك لحالك مو مع زوجتك .. يعني ملف مرافق خاص فيك عشان بتدرس .. لو ماراح تدرس تحط معلوماتك مع زوجتك وخلاص لكن دامك بتدرس تفتح ملف مرافق دارس ..
تعبي النموذج حق ملف مرافق وتحط معاه الاوراق المطلوبة اللي هي صور من بطاقة العائلة و بطاقة الاحوال و القبول والجواز والفيزا وشهاداتك وبرنت الاحوال واستقالتك او اجازتك و و .. بيعلمونك وش يبون بعد ..
اذا سويت هذا كله الملحقيه بيعطونك ضمان مالي للمعهد من عندهم وبكذا تكون خلصت امورك ..
ملاحظة مهمه : الملحقيه يوم نروح لهم رفضوا يعطون زوجي ضمان مالي لانه ماكان معه برنت الاحوال .. مع انه موظف قطاع خاص وكان معاه ورقة استقالتة وبرضوا شهادات خبراته .. لكن رفضوا وجلسنا نراسل السعوديه لحد ماوصلنا برنت الاحوال وارسلناه للملحقيه وجلسنا شهرين عشان يرسلون لنا الضمان المالي ..
بعدها تسافر لمدينتك وتسحب ضمانك الخاص من المعهد وتعطيهم ضمان الملحقيه وراح تدرس مرحلة اللغه كامله على حساب الملحقيه ..
اذا خلصت مرحلة اللغة وجبت درجة توفل او ايلتس زينه وجبت قبول جامعة نهائي وغير مشروط وبنفس مدينة المبتعثه طبعا تقدم على الحاق المرافق .. اللي هو طبعا تطبع نموذج الحاق مرافق بالبعثه من موقع الملحقية بالنت وتعبيه وتحط معاه الاوراق المطلوبه وترسله لهم وخلال شهر الي ٣ شهور يردون عليك ان شالله بالألحاق ..
بالتوفيق ..
H2n July 12th, 2010, 08:25 PM
7 " خلاصة الصفحات الـ 4 الي قراتهم
ان الضمان المالي للمعهد من الملحقية
والضمان المالي للجامعة من المرافق لحد ما يجيب القبول و بعدين تعطيه الملحقية الضمان المالي للجامعة
كذا صـح رجاء اكدو لي اذا ايوا او لا ؟؟؟؟ على شان نعمل حسابنا
وكما سؤال الضمان المالي انتم تقولو اكثر من 80 الف ريال طيب بالدولار تكون اقل
يعني اخذ من البنك ضمان مالي بالدولار ؟؟؟؟؟؟؟
انتظر الرد ضروري
وجزاكم الله كل خير
sweet-amoon July 12th, 2010, 10:51 PM
7 " اخ زيزفون
تغيير الفيزه f2 الى f1 في امريكا
تقدم على المعهد ويعطونك قبول مبدئي وهو خطاب وترسله للملحقيه لشئون المرافقين وهم يخصصون لك مشرف ويعطونك رقم طالب
ويرسلون الضمان المالي للمعهد او لك تتفق انت مع مشرفك والمعهد يطلع لك i20 تاخذه وتروح لدائرة الهجره الموجوده في الجامعه وهم يعلمونك ويقولون لك ايش تسوي علشان ترسلها ويعطونك العنوان
oHo July 13th, 2010, 02:05 AM
7 " نصيحه اول ماتجي تسوي تسوي اوراق الفيزه على طول لان الضمان المالي حقك يكون مدة دراست اللغه للطالب الي انت جاي مرافق له يعني لو باقيله شهرين في المعهد ويخلص مايمديك تسوي الاوراق حتى لو ارسلتها لانها تاخذ شهرين المعامله
oHo July 13th, 2010, 05:13 AM
7 "
انا اللي تشوش مخي مو اخونا ابو مايا
ههههههههههههههه