حوار خلال كم استطعت تعليم اللغه الانجليزيه

انا بأعتقادي
سنة كاملة كافية للي لغتة كانت صفر بالانجليزي
أخي/تي المبتعث /ثه
بعطيك نصيحه سريعه قبل سفرك إلى امريكا
أحفظ كل يوم 20 كلمة .لاتقول مااقدر مستحيل صعبة
مافي شئ اسمه مستحيل او صعب انت اللي تخليه مستحيل وصعب بتفكيرك
ادخل مواقع تعلم اللغة الانجليزية واحفظلك 20 كلمة في اليوم
سولف مع هنود المحلات التجارية ومحطات البنزين أواي شخص أجنبي بالانجليزي
صدقني راح تتطور لغتك الانجليزيه قبل السفر
اقراء كتب ومجلات انجليزية طور من سرعة القراءة
وحاول كل يوم تكتبلك كم سطر بالانجليزي
هذي نصائح مجربه
اتمنى الفائدة للجميع
وان شاء الله موفقين

أخوي ، والله صدقت في هذي الكلمة .. وبالإضافة إلى أنك تحس بإرتباك ، يعني أبسط شيء لمى تروح كوفي شوب وودك تطلب بالانجليزي تحس انك في اختبار التوفل ياشيخ..
أنا اذا جيت اطلب شيء ، لازم قبل ما اطلب اقعد افكر وارتب جملة عشان اقولها صح.. << هوب صاحي.............

تبون الكلام اللي ملحه فيه

أنت الحكم و أنت اللي تعرف قدر عمرك معنا طلاب بالمعهد ما يعدي الثلاثة شهور إلا و هو دافور (حلوة دافور) يعني بلبل لغة و فيه طلاب و الله من التفحيط في المعهد قد لهم سنة و ما من علم ما به إلا تبطاح و دقة حنك مع هالبنات

بس تبون الصدق احترامي لبنات السعودية يا أخي رافعين الراس (ما هو بكلهم الغالب يعني ) دراسيا أزين من الرجاجيل (في الدراسة بس هههههههههها)

ودعناكم الله

تبي الحل مني عشان ما عاد تتلعثم و تراها مجربة

ارتز لك قدام مراية (يعني قف أمام المرآة) و تكلم بالانجليزي حتى يقولون خبل لأنك راح تشوف نفسك و راح تعرف وش هي أخطائك و إنشاء الله فترة بسيطة و أنت ما عندك مشكلة في التحدث و كمان في حاجة ثانية أنك اذا قدرت تصور نفسك فديو و أنت تتكلم انقليزي تراها مفيدة جدا جدا

و دعناكم الله

ثلاث شهور سرت اعرف اركب الجملة بس اذا جهزت للكلام لكن حالات لما احد يسالني فجاة مو في الكلاس اتنح..
هادي مشكلتي اقرأ تمام افهم اللي اقرأه بس ماعندي حصيلة كلمات عشان اتكلم وخصصت دفتر للكلمات الجديدة واحاول احفظها ..
ساعات لما تمر عليك الكلمة وتترجمها ممكن تسمعها في الاخبار في نفس اليوم وممكن تمر عليك اليوم التاني وهدا يساعد انها ترسخ في راسك ومستحيل تنساها..
بالتوفيق,,

بالبدايه رأيي هذا على اساس اللي يجتهد ويدرس ومايؤجل الواجبات.

مو المهم انك تتعلم انجليزي (اللغه العاميه) بقدر اهمية اللغه الاكاديمية اللي انا وانت مبتعثين عشانها وعلى اساسها ان شاء الله بندخل الجامعه..

اعتقد للي مبتدئ فترة 6 شهور تجعله يتعامل شبه طبيعي في المحلات التجارية والمطاعم ويعبر عن نفسه..ف بعد سنه طبيعي بيكون جيد جدا في االانجليزيه العاميه

بالنسبه للغه الاكاديمية..تعتمد على اربع مهارات اهمها الكتابة والقراءة ثم الاستماع والمحادثه.. بالجامعه مطلوب منك كتابة واجبات بطريقة علمية وبعد تعرف تستخرج وتفهم اللي تقرأه من مقالات علمية وغيرها.

لا تنضر للي يعرف يسولف وماعنده وقت يسكر فمه من كثر الحكي لكن انَضر لمستواك انت على اساس المهارات الاربع ووقتها تعرف انك ماشي صح باللغه او لا..


اعيد واكرر الشرق اسويين متميزين بالكتابة والقراءه وعشان كذا تلقاهم بالجامعات والعرب للاسف يركزون على المحادثه والاستماع فتلقاهم الافضل في المجادلات والنقاشات ..

السلام عليكم ورحمة الله وبركاته ..........

موضوع مفيد جدا جدا جدا ، وأتمنى من الله العلي القدير أن تكتمل فائدته بإتقان الجميع اللغة الإنجليزية سواء من شاهد أو شارك في الموضوع .

بعطيكم تجربتي في دراسة اللغة :

بوجهة نظري البسيطة أن صعوبة وسهولة تعلم اللغة تكمن في الهدف الأساسي من تعلم اللغة ، فالبعض يكون هدفه التواصل مع الآخرين أثناء السفر ، أو من يحتاجها في مجال عمله ، وصولا لأهم سبب وهو الدراسة الجامعية ، وهنا يبرز التفاوت في ظهور نتيجة تعلم اللغة الإنجليزية ، " البعض يتسم بالجدية من أجل تحقيق الهدف بأسرع وقت ، والبعض الأخر يتساهل في وقت تحقيقه " .

تجربتي بدأت من بعد نهاية البكالوريوس حيث كان مستواي في اللغة الإنجليزية 1% اعتمادا على الأفلام فقط ، وعندما قررت إكمال مرحلة الماجستير كان أهم شرط للقبول اجتياز التوفل ، هنا بدأت الرحلة ، وبقرار تعسفي وغريب من شخص بعيد عن اللغة الإنجليزية قررت السفر مباشرة لنيوزلندا ، ولكن في اللحظة الأخيرة استشرت أحد أقاربي ممن لهم باع كبير في اللغة فنصحني بنصيحتين ذهبيتين :.

1-عدم السفر حتى أخذ كورس مدته من أربع شهور إلى ستة أشهر "وفعلا عملت بنصيحته وأخذت كورسات من معاهد مختلفة لمدة ستة أشهر" .
2- زيادة اعتمادي على نفسي في دراسة اللغة وقد أرشدني لمجموعة كتب ساعدتني بشكل خيالي في فهم أساسيات اللغة .

وبعد ذلك قررت الذهاب لنيوزلندا ، وفعلا ذهبت وأول ماصلت للمعهد تم وضعي في مستوى بيرإنترميديات "المستوى الثالث " وتخرجت من المعهد بمستوى أبرإنترميديات "المستوى قبل الأخير، وكان بوسعي الوصول للمستوى الأخير ، لكن فضلت تخصيص أخر شهر كتحضير لاختبار الأيلتس والتوفل ، " وكانت مدة دراستي ستة أشهر .

والحمد لله تجاوزت اختبار التوفل ، واكلمت دراسة الماجستير ، ولكن بنفس الوقت لم أنقطع عن الإنقلش ودراسته ، سواء كانت عن طريق الدورات ، أو الممارسة العملية .

خلاصة التجربة :

-الفائدة الكبيرة التي جنيتها من دراستي قبل السفر تمثلت في دخول جو دراسة الإنقلش بسرعة كبيرة ، بالإضافة إلى كسر حواجز كبيرة منها المحادثات " في المعهد ، أو مع العائلة ، وأخيرا في الشارع ".

-من وجهة نظري ضرورة دراسة المستويات الأولى والتي تمثل الأساس في اللغة على يد أشخاص يتكلمون العربية ، وذلك يسهل عملية الاتصال الفعال بين الطالب والمعلم " النقاش والحوار " .

- أهم سبب في إتقان اللغة الإنجليزية يتمثل في البداية الصحيحة ، وأقصد بها " طريقة تعلم اللغة " ، حسب رأيي هناك نسبة فوق المتوسطة من المتعلمين يقع في أخطاء جسيمة تزيد من سنوات دراسته للغة ، بالإضافة إلى تنامي الشعور بالإحباط لديه ، ومنها :

1- أن البداية الصحيحة لدراسة اللغة حفظ الكلمات فقط ، " وهذا خاطئ جدا ، كيف تحفظ كلمات وأنت مو قادر تركب كلمة مع الثانية " مرحلة حفظ الكلمات بوجهة نظري ماهي إلا مرحلة رابعة في تعلم اللغة.

2-الاعتماد بشكل أساسي على المعهد ، أو المدرس " مجرد الخروج من المعهد ينتهي تعلم اللغة " .

3-الانقطاع وعدم ممارسة اللغة بمجرد الانتهاء من تحقيق الهدف ، وأقصد هنا ممارسة اللغة عند العودة للسعودية " خلصت الدراسة أو السفره ، خلاص ماعاد نتكلم إنقلش أبد " .

لدي طريقة لدراسة اللغة الإنجليزية توصلت لها من خلال تجربتي الطويلة ، لا أدعي أنها الطريقة المثالية ، وبنفس الوقت قد تكون ناجحة مع البعض ، وقد تكون غير ناجحة مع البعض الأخر ، إذا حبيتوا أشارككم فيها فعلى الرحب والسعة .

أعذروني على الإطالة ............. بالتوفيق

هلا اخوي فيصل 100
لا اكيد نبيك تكمل نحنا في انتظار الرد

Express English Chat
هذا شات محترم تقدرون تتعلمون منه اقل شئ براكتس مع ان بعض اللي فيه ما يعرفون قرمر كويس بس فوكاب ممتاز
تحياتي

الحقيقه استفدنا من كل شخص وتجربته ولكن اغلب الطلاب مستواه قبل السفررررررر صفر % وهم الي شايلن هم اللغه ...