الأعضاء الإشتراك و التسجيل

الملتقيات
ADs

حوار خلال كم استطعت تعليم اللغه الانجليزيه

حوار خلال كم استطعت تعليم اللغه الانجليزيه


NOTICE

تنبيه: هذا الموضوع قديم. تم طرحه قبل 2748 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

مشاهدة نتائج الإستطلاع: كم هو الوقت الذي استهلكته لتعليم اللغه الانجليزيه

المصوتون
200. أنت لم تصوت في هذا الإستطلاع
  • ثلاث شهور

    20 10.00%
  • ست شهور

    54 27.00%
  • سنه كامله

    126 63.00%
  1. بالنسبة للغة هي على الشخص اذا هاوي الشغلة وكل يوم يطلع بفائده ويكتب كل كلمة جديدة ويستخدم المعاجم مثل اكسفور انجليزي-النجليزي-عربي

    انا بادي من الصفر في جامعاتنا السعودية اللتي تدعم السنه التحضيرية والحمد لله خلال ترمين لغتي 70%-65%
    مابالك اذا اختلطت مع اهل اللغة .

    نصائح:

    1- حاول قدر الامكان الا تتكلم عربي مع زميلك .
    2- لاتستحي بالاستفسار عن شيأ بالانجليزي اللي ما يخطي ما يتعلم.
    3- القاموس كاتب يكون انجليزي - انجليزي - عربي اقراء شرح الكلمة بالانجليزي حتى تفهم معناها بالعربي.
    4- خل معك نوت اكتب كل كلمة تمر عليك وراجعهن بأخر اليوم.
    5- احرص على الفلام وبعد ثلاثة اشهر شاهد الافلام نفسها بدون ترجمة .
    6- كتاب الفوكاب- والسننم المرادفات .
    7- ركب على الجلمة جمله عشان تحفظها زين.

    انشاء الله تكون خلال 5-6 اشهر تصير برفكت
    7 "
  2. السلام عليكم
    الحقيقه الاخوان ماقصرو في النصائح و طرحو تجرابهم لكن اللي اقدر اقوله لاي واحد من خلال التجربه اللي مريت انا فيها لوانها قصيره 3 شهور لكن لو عندي اخوي يبغا يجي لامريكا او ابني او اي شخص عزيز علي ما راح اقوله الا هذه النصيحه*وهي فيه كتاب يباع في مكتبة العبيكان ليس كتاب كتيب صغير تقدر تضعه في جيبك صغير مره 500 كلمه انا ما ندمت على شي غير اني علمت بالكتاب هذا وتجاهلته لان الكتاب هذا يوفر عليك تعب 4 شهور وفي الغالب اكثر من اربع شهور بنسبه للي لغته متدنيه من خلال تجربة بعض الشباب القربين فنصيحه لوجه الله عليكم بهذا الكتاب

    قيل ان تعلم 100 كلمه شائعه يساعد على فهم 20٪ من المحادثات اليوميه وتعلم 500 كلمه يساعد على فهم 70٪ من المحادثات اليوميه
    صاحب الكتاب فهد عبد العزيز الغفيلي من اكثر الكتب مبيعا

    واسف على الاطاله
    ولكم مني جزيل الشكر..
    7 "
  3. كل اللي خايفين من اللغة صنفوا نفسهم بأن مستواهم ٠٪ قبل السفر..

    وهم بهذا الشكل حددوا إيش هي المشكلة..

    والحل ببساطة هو باختصار وقت الدراسة هناك من خلال الدراسة هنا..

    اللي يقدر يسجل في معهد فلا يفوت الفرصة..

    واللي ما يقدر يسجل [ زي حالاتي ] يشتري كتب ويدرس بنفسه.. وإذا مستثقلين دم الكتب فعندي لكم مجموعة ممتازة وتساعدكم.. اشتريتها من مكتبة جرير اسمها English For Real Life لها ٣ مستويات، أشتريت منها المستوى المتوسط وأول فصل فيه عن المحادثات في الطيارة والمطار واستئجار سيارة وغيرها من الأشياء المفيدة..

    هذه المجموعة عبارة عن ٤ سي دي وكتيب... لو أقول لكم ممتازة لبكرة، ما راح تكفيها..

    فكل من مستواه في اللغة ٠ - ٥ ٪ أقول له روح اليوم واشتريها من جرير عشان تتعلم جمل مفيدة وتكسر حاجز الخوف من اللغة..

    وإذا تبغى تترجم استخدم ترجمة جوجل أو جهاز ترجمة..

    وبالتوفييييق...
    7 "
  4. كل اللي لسه ما سافروا قدامهم فرصة ممتازة للحصول على بداية وانطلاقة قوية ..

    كل الموضوع دراسة كم شهر وإنت بين أهلك وأحبابك، وبكرة لما تكون لوحدك راح تكون ثقتك بنفسك قوية، وراح يقل الإحباط والتحطيم الناتج عن وضع جديد في بلد جديد ولغة جديدة..

    شدوا حيلكم يا جماعة..
    7 "
  5. والله شوف يخوك يختلفون على حسب ما عرفت وسألت .. اعرف كم واحد درس بالخارج وتحديدا بأمريكا
    1- في منهم الي اذا قلت له هاي . يقول وعليكم السلام ... يعني بكرتوونه خخخخخ .. بس هالكرتون سنه الى سنه ونص ويصير يدرس في البيت الابيض .. بس اهم شي يكرررررف نفسه لجل يعرف كل صغيرة وكبيرة ( ملقوف يالعامي )
    2- وفي منهم الي لغته خذ لك عليها .. يعني تعليم مدررسه ... سنه وحده
    3- وفي منهم الي ماخذ كورسات او كان بجامعه قبل .. من تسعه اشهر الى سنه
    4- وفي منهم الي ماشالله اربع وعشرين ساعه افلام ومسلسلات ومدري وش .. ( هدي يا رعد لاتعصب ) المهم هذا طال عمرك الاستماع عنده اوكيه .. بس يتكلم ! no way .. يبي له من اربع اشهر لست اشهرالى تسعه اذا مات بعد ماتعلم هع . ويصير يعرف المضمون

    بس كلوو بيد الله .. واهم شي الاصرار هع
    ودمتم
    7 "
  6. بكلمكم على السريع

    الإنجليزية سهلة من أسهل لغات العالم مو كلام لا دراسة علمية أسهل لغة في العالم وممتعه وحبها وخذها على وناسة هذا اهم شي عشان ماتتعب وتتونس وماتوقف

    لا تمشي على قاعدة معينة زي تقول ابغى احفظ عشر كلمات والثاني يقول ثلاثين ومدري ايش لا قد ماتقدر احفظ قد ماتقدر لو ان شاء الله مية كلمة مايضر أنتا في امريكا منتا فبيتك كل وقتك انجليزي

    حاول تحفظ الكلام الشائع التحيات والرد عليها و اكثر الكلمات استخدام زي مثلا يمين يسار فوق تحت امشي اجري تعال بسرعة اشتري بكم كيف متى وين ماذا انا هو هي احنا هم اذا كان إلخ

    الله يخليك ابغاك تنام بدري وتجي مصحصح الكلاس مو تروح لي الناي كلوب وتجي البيت ٥ وتنام وتجي متاخر وتنام بالفصل ويمر اربعة شهور وانت بنفس مستواك وتقول ياربي الانجليزي صعبه ليه انا ما استفدت ؟؟؟؟؟؟؟؟

    وحتى لو جيت المعهد ركز مع المدرس تذكر وراك جامعه مو تجي مثل الآلة تكتب وتسمع واول ماتخرج من المعهد ماتذكر ولا كلمة لانك منت مركز يا انك مانمت زين يا انك تفكر بشي حتى لو المعهد خايس وتفكر تنقل منه استفيد من وقتك طيب لا تضيع وقتك على الاقل انقل للمعهد الثاني وانت مجتاز المستوى الاول اكسب الوقت مهم جدا جدا الوقت احنا صراحة ماعندنا ثقافة الوقت ولا نعترف فيها للاسف

    صدقني الكتب الي بالمستوى الاول لو تحفظ الكلمات الي فيها صدقني ٧٠٪ تفهم الامريكان والافلام بدون ترجمة ، اشتريلك قصص بيقنر ون + مع السي دي حقها واقرى الكتاب كامل واسمع السي دي كامل واكتب القصة وانت تقرى الكتاب وبعدين قفل الكتاب واكتب وانتا تسمع القصة لين تكتبها صح كاملة واحفظ كلماتها ومعانيها ، حول لغة جهازك الجوال و اللاب توب الى الانجليزي ، كلم اهلك بالمسن بالانجليزي ، اشتريلك كتب مساعدة تعلم الانجليزي مو كل شي على المعهد اعتمد على نفسك

    نصيحة اخو عاش فامريكا وجرب لا تفكر تصاحب سعودي أبداً الله لا يحوجك لاحد حتى لو انتا سنك صغير وجاي لحالك وتبغى تخفف من غربتك ونفسك تهرج مع السعوديين لا ، لا تفكر نصيحة لا والف لا

    قبل مايكونون سبب في فشل مستواك في اللغة بيكونون سبب رئيسي بالمشاكل الي تصيرلك

    انت جاي في بلاد غربة وتوقع المشاكل تجي من الغريب - الاجنبي - لكن صدقني بتجيك من القريب - السعودي - لذلك لا تعطيهم وجه
    شوف انا سعودي حتى لو اعرفك بقولك لا تمشي معايا انا حق مشاكل

    عشان مايجيني واحد ويقول اصابعك مو سوى ويتفلسف

    خلك فحالك ياحبيبي ونفسك هيا اولى بوقتك استغل وقتك بالانجليزي بلا هرج فاضي وروح تصاحب مع امريكان واجانب ٦ شهور وانت تتكلم زي المواطن الامريكي وتجيب درجة التوفل زي السلام عليكم

    باي
    7 "
  7. أنا درست في .............(طب) ..السنه التحضيريه.
    هذي تجربتي..
    الكتب1. قرامر كتاب كبر الثور.
    2.كتاب ريدينق a كبر راسي.
    3. كتاب ريدنق b كبر راسي أس 2.
    4.كتاب رايتنق a+b كبر الباب.
    5. كتاب أضافي اسمه سيليكت ريدنق .(لحسه)
    6.كمستري فيه 34 فصل هههههه.
    7 . بايو فيه 44 فصل..OMg
    8. فيزيكس شوي حليل ..
    ........خلصنا.......
    لا حبيبي..
    إسبوعيا هاند اوت 250 كلمه ..قسم بالله..
    بالسننم والانتنم..
    والإختبارات كل يوم سبت وأربعاء ميد تيرمس..
    وبالهطريقه فصفصت اللغه عمليا علميا دينيا..اللي تبي..
    ونسيت إن كل المدرسيين نيتف مع شوية أردنيين..بس الأردنيين إبداع..تحيه
    كلها على بعضها سنه..
    وسحبت عليها..والله يوفقني في الإبتعاث....
    بالتوفيق للجميع..
    7 "
  8. المشاركة الأصلية كتبت بواسطة بُوح ...|~
    ..

    والله مشكله

    طيب كيف لما الواحد يفهم كل شي ..

    ويخااف يقول كلمه ويكلج .. << مسكينه متأثره بالمتوسطه

    الله ييسرها

    وموضوعكم حلوو والله

    عوافي
    وشو ويكلج هذا؟
    ...................
    7 "
4 من 14 صفحة 4 من 14 ... 3459 ...
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.