ياخوان بخصوص التوفل كم هي اقل درجه مطلوبه ..؟!؟!؟
عرض للطباعة
ياخوان بخصوص التوفل كم هي اقل درجه مطلوبه ..؟!؟!؟
تبي تتعلم اعتمد ع نفسك خالط الأجانب اهل البلد او الناطقين بها في المستويات العاليه
خلي لك موقع رسمي تتعلم عن طريقه اللغة
شوف هذا موقع حلو Practice speaking English while you watch great videos - EnglishCentral.com
وكمان عندك usa learns
هذا الكلينك حقه
U.S.A. Learns
طالع فيه اتفرج شوف النطق راح تنبسط بالنسبه للاول اما الثاني حيسويلك وحدات واختبارات فيه وراح تتعلم اسبيلنق
واهم شيء في تعليم اللغة حاول ماتخاف من تعلمها او انك تنطقها خطأ..
أنا افهم وش يقولون بس مرات كلمات تكون صعبه ومااعرفها اسأل احد يقولي هيا
بس مشكلتي مره استحي اتكلم انجليزي او اقول كلمة خطأ واصير مطنزه خاصه بعد الاستاذه يلي درستني في بداياتي كانت تموت بالتعليق
يعني انا حاليا ممكن اتكلم مع جارتي ومع الويدر في المطعم او حتى المطار بس نكون شخصين وبصوت واطي كمان
يبغالي جرآه وبراكتس ((ممراسه)) يعني اتمنى للي بيجي يتحاشا اخطائي وما انصحه انه يكون مثلي
ترى ماينفع تحفظ 5 كلمات وبجمل بدون ممارستها اكثر من مره عشان تترسخ عندك.
حاليا لي خمس اشهر في امريكا :(
المهم لاتنسون تتعلموها في معاهد جامعات وخذ قبول الجامعه من بدري وريح راسك.
اسفه طولتها عليكم صوح :)
جد هذا الموضوع قالقني وانا لسه بابتعث باقي مارحت بس اشوف بعض المبتعثين يسبو بالمعاهد ومن جد خفت ومن ناحيه ثانيه تنصحوا دخول معهد هنا بالسعوديه ولاا الله يسعدكم ابي ارائكم
توقعت انا الحالي اللي صفر ع الشمال بالانجليزي
بس طلع كل الشعب زيي
بس بقولكم شي مهم ولاحد يشره علي لنه شي ضروري للي يبي يحفظ كلمات ولا ينساهم
اللي يسوي العادة السريه يبطلها لن هي اللي تخليك مو مركز ومفهي وتمل من الشي ع طول
انا مشكلتي الكتابهـ
الاملاء عندي في الانجليزي موتمام
كيف اقوي هذي النقطهـ
وضعك زيي تقريبا بس انا تحركت بعالج هالمشكله مو معقول اتكلم بدون اعرف اكتب زين يعني مستعد اعبر بصفحتين بس تجين للأسبيلق انواع التخبيص ..سألت دكتور بالانجليزي واساتذه بالسعوديه ..وش قالو لي كتاب اسمه جذور وكلمات ROOTS&words الكتاب وش طريقته يربط لك امكن 10 كلمات قريبه من بعض مفيد ويصلح لك مشكله الكتابه بالانجليزي بعض الكلمات الفرق بينهم الحرف الاخير فقط ..انا شخصيا استفدت منه كثير تحصلينه بجرير ...
.
.
.الشي الثاني الي يبي ينطلق لسانه بالانجليزي يسمع الاغاني الاجنبيه مو شرط تفهم اهم شي تعرف المضمون او بعض الكلمات فيه فرقه اسمها سيمبل بلان هذي كلماتها اخوي الصغير يعرف معناها سهله ...واليوتيوب بعض الاغاني تجي بالكلمات فا وقفه مؤقتا وترجمها وارجع اسمعها ..وانت رايح مثلا لوحدك مكان غني بالانجليزي وخذ راحتك ارفع صوتك ماحولك احد هع انا للأن ماطلعت تحت الاجرائات
..وفيه شي ثاني الي هي الامثال بالانجليزي ممتعه وسهله وتحفظها بدون لاتدري لاانك معجب فيها زي قطعه من الكيك (بيس اوف كيك) هذي شائعه جدا
شباب في شغله ودي اذكرها, قبل ما اجي امريكا كنت اقول لنفسي لو الحمار (تكرمون) يروح امريكا راح يتكلم انقلش بحكم انه عايش في دولة لغتها الرسمية (انقلش) لكن يوم عن يوم تقل قناعتي عن هالفكرة, هنا فيه طلبه لهم فوق سنة كلامهم في اللغه الأنجليزية مجرد اساسيات يعني وشلون يطلب في المطعم كيف يتفاهم مع المدرس يعني مجرد محادثه يوميه عادية جداً, أنا الآن لي ثمان شهور مستواي في السبيكنق متوسط اقدر اتكلم في آي موضوع بس احياناً ادقر وهذي مشكلة ناتجه عن قلة الكلمات والمصطلحات إلي تفيدك في انك تعبر بكل اريحية واغلب الطلبة يواجهون نفس المشكلة, حط هالشي في راسك المعهد مهما فعل وضغط عليك ما راح يطورك في السبيكنق إلا بنسبة 10% السبيكنق مهارة مكتسبة, تكتسبها عن طريق الممارسة فقط كل ما زادت دقائق محادثتك اليومية باللغة الانجليزية زاد معها مستواك اللغوي وسرعة الكلام والإستجابة ومع الوقت راح تتقن الآكسنت, أنا عندي قناعة مستحيل أن اللغة تجمع في منهج دراسي مستحيل تدرسها فقط وتتقنها, اللغه يجب تتعايش معها تسمع تقراء تكتب وتتحدث انقلش في حياتك اليومية العادية في ترفيهك عن نفسك.
أنا زرت أمريكا وكندا قبل كذا في عطلات صيفية .. أمريكا قعدت فيها من أول أسبوع في الصيف إلين قبل أسبوعين من الدراسة وكندا قعدت فيها شهرين
واللغة الدارجة في المولات والشارع والمطاعم والكافيهات استغرقت أسبوع واحد فقط أتلقاها وبعدها صرت متمرس فيها وصرت أتمشى وأروح أحيانًا لحالي أسواق وكافيهات ولا أواجه أي مشكلة في التواصل
(تنبيه : أنا كنت أتفرج مسلسلات كرتون وأفلام بالانقليزي بدون ترجمة من وأنا عمري 4 سنوات)
طيب الحين يجي واحد يقول انت وضعك غير سياحة بس .. ممتاز ما نختلف لكن إتقان اللغة السياحية بعد أسبوع من 8 أسابيع
يبشّر المبتعث الجديد بالخير انه يقدر يتقن اللغة الدراسية في مدة وجيزة ان شاء الله
والاحتكاك بالشعب يعد أبرز عوامل التعلم وإتقان اللغة أكثر من القراءة والكتابة والمعهد
أنا أرى ان كورس اللغة أبو 3 شهور يكفيني وأطرح مدرسين المعهد كلهم
أما اللي لغته 0 على قوله أرى ان 9 شهور جدًّا فترة محتملة
ولا ننسى اننا احنا العرب لم نتفرج أفلام ترى نتفرجها بلهجات مختلفة لأن أمريكا كبيرة في أفلام انتاج ولاية فلوريدا وفي أفلام انتاج ولاية كاليفورنيا ... إلخ
يعني رح يكون عندنا بنك كلمات .. لا أبالغ انه يكون أكثر وفرة من الكلمات اللي يعرفونها المحليين اللي انت ساكن عندهم
والمعجمات الكبيرة اللي نشتريها من المكتبات .. المكان اللي بتروحله رح تلقى ان نص الكلمات هي الدارجة في حياتهم وتعاملاتهم
لابد من الالتفات للايجابيات يا إخوة
احبطوني الصراحة انا حاطة لنفسي مدة 8 شهور لغة بالكثير وابدا دكتوراة ان شاء الله
بس صدق الهمة والطموح هي الدافع يارب اوصل هنا يكون كل شي حولي حااافز
الله يسهلها ويباركلنا في عمرنا