اختيار الجامعه لدراسة الصيدله..
السلام عليكم...
انا ابا مساعدتكم مره ضروري بليز ..
انا كنت ابا اقدم ع المرحله السادسه لبعثات الوزارة بس ناقصني شرط واحد وهوا درجة الاختبار التحطيمي اقل من المطلوب بشوي والصراحه حسيت اني فقدت الامل ...
وقررت اطلع على حساب البابا الخاص واباكم تساعدوني وتفيدوني بكل شي من بداية الاجراءات اللي لازم اسويها لين مااوصل هناك وابدا دراسة من تكلفة تقريبا وسكن ومعهد لغه وجامعه للتخصص اللي ابا ادرسو وكل شي
انا درست سنه تحضيرية هنا طب وتخصصي صيدله بس بسحب من جامعتي وبروح ان شاء الله لاني ماتوفقت وابا اكمل برا نفس الشي من التخصصات الطبية صيدله او علوم طبيه وكذا عشان كذا ابا اعرف الجامعات المعتمده برا من الوزارة عشان اقدر التحق بالبعثه لهذي التخصصات والمدن الافضل للدراسة وماني مهتمة اروح مكان محدد المهم انو مكان كويس واستفيد منو باامريكا او استراليا او نيوزلندا او كندا او باكستان حتى>> لاتصدقو خخخخ
ابا اعرف كم يكلفني السفر على حسابي من التذاكر والسكن هناك وكللل شييييي من ناحية الاسعار والمعيشة والدراسة شو الافضل اتمنى من اللي لهم خبرة يفيدوني الله يسهل امورهم ويوفقهم يارب اللي بيساعدوني
وابا اعرف نظام دراسة الصيدله كيف برا؟؟ وفين احسن مكان اقدر ادرس فيه هذا التخصص؟؟ والقبول للصيدله بأي مكان اسهل ؟ وسمعت ان في جامعات لها نظام (0-6) لدراسة الصيدله ممكن تفيدوني اي جامعات لها هذا النظام لان القبول فيه اسهل والدراسة متواصله ل 6 سنوات زي ماسمعت؟؟
اتمنى تفيدوووني وما تتأخرو علي والله مستعجله كثير ابا ارتب اوضاعي لاني من جد ضايعه بقوة
وشكررررررررا مقدما
رد: اختيار الجامعه لدراسة الصيدله..
هلا اختي
راح اجاوبك بااللي اعرفه وان شاء الله الاخوان مايقصرون معك
باالنسبة للصيدلة في امريكا
والله وانا اخوك تخصص الصيدلة معقد ومتشعب لكن هذي روابط ممكن تفيدك
تجمع طلاب الصيدلة تصفحي اخر الصفحات خاصة ممكن تفيدك
تجمع طلاب الصيدله
..
دراسة الصيدلة في أمريكا (موضوع شامل)
دراسة الصيدلة في أمريكا (موضوع شامل) موضوع للأخ ابو فراس
..
اسماء مع عناوين جامعات فيها بكالوريس صيدله وتعادل الدبلوم
للأخ عبدون .
وياليت تفيدينا بعنوان المكتب ومعلومات بسيطة عنه
والله يوفقك
.......
وباالنسبة للتكلفه والاجرائات
اول شيئ تترجمين اوراقك كلها وتقررين وش تبين تدرسين باالضبط
لأن الصيدلة حتى فيه تخصصات وبعدها تشوفين لك احد الاخوان او المكاتب يراسل لك جامعة
واذا جاك قبول تاخذين اوراقك وتقدمين ع فيزه وبعد ماتاخذين الفيزه
تروحين للتعليم العالي وتاخذين "أمر أركاب" يكون الامر عباره عن تذكره ومثل ماتقولين موافقه من التعليم العالي انك تدرسين برا وراح تساعدك في الالتحاق
وبعد ماتوصلين تسجلين "ملف دارس ع حسابه في الملحقية "
أما التكلفة ع حسب متى يتم الحاقك لكن مبدئياً توقعي انها ممكن توصل لـ 30000 او اكثر
وبعدها تسمّين باالله وتدرسين :) الى ان يجيك قرار إلحاقك
والله يوفقك وسامحيني ع القصور
رد: اختيار الجامعه لدراسة الصيدله..
مررررره شكرن ع ردك الصراحه افدتني كثير
وماقصرت ياخيوووو
ويعطيك العافية يارب
انا لو حددت تخصصي ان شاء الله بشوف المكاتب واسال عنها عشان اقدر اقدم اوراقي
وشكرن مره تانية
بس ماتحس انو 30000 قليلة انت قصدك ريال ولا شو ؟؟
انا فكرت بالميزانيه انها تكون اكثر من كذا
رد: اختيار الجامعه لدراسة الصيدله..
^^^
العفو اختي
انا قلت
اقتباس:
مبدئياً توقعي انها ممكن توصل لـ 30000 او اكثر
لأن كلامي بناءً ع المواضيع اللي قريتها والمعلومات اللي قدرت اجمعها
حتى اتوقع بهاالفتره مع الاخبار اللي تقول انهم راح يضمون اللي يدرسون ع حسابهم والمكرمة ماراح تكلفك كثير
رد: اختيار الجامعه لدراسة الصيدله..
أختي .. لايكوون ناويه تروحين و تجلسين الـ 5 سنين على حساب الـ " بابا " ..
إنتي لما تبدين دراسه .. تقدمين على الملحقيه طلب إنضمام .. و إذا قبلوا ..
تصيرين زي المبتعث .. يدفعولك حق الجامعه و تصير تنزلك مكافأه كأنك مبتعثه عادي ..
و لهم شروط خاصه بالإنضمام .. تقدرين تسألين الأخوان عنها ..
أما إذا بتدرسين المده كلها على حسابك .. بيكون يبغالك من 500 ألف إلى مليون على حسب .. و الله يعينك ..
تحياتي ..
رد: اختيار الجامعه لدراسة الصيدله..
لالالا
انا عارفه اني بدرس اول سنه وبعد كذا ان شاء الله انضم مع الابتعاث اما كلها ع حساب البابا لو اني بنت مين هههههه
ثانكس ع الرد