ابي فزعتكم ومساعدتكم تكفووون محتاره جدا والوقت داهمني

ارنوبه جزاك الله خير ماقصرتي


بس ابي معهد ممتاز تنصحوني فيه وفيه كل المميزات الي ذكرتها فوق

السلام عليكم ورحمة الله وبركاته
وعليكم السلام ورحمة الله وبركاته اختي فجر
اسعد الله مسائكم ... صباحكم ....... بكل خير
مسائك سعيد



انا محتارة جدا جـــــــــــــــــــــــــــــــــــدا مدري وين ارووح انا هبنعث عن طريق الجامعه

الي محيرني اني هروح ومعي اخوي المرافق عمره 18 سنه واحتمال اخذ طفلي
محتاجه معهد ممتاز ويأسسني صح في ولاية آمنه اجتماعيا وبيئيا وتكون رخيصه وحلوه وما تكون زحمة عرب لان لغتي صغر
والله شوفي يا اخت فجر، العرب في كل مكان لو ترفعين حجر صغير لقيتي تحته عربي او سعودي ، فلابد ان تتاقلمي على هذا الوضع.


بالنسبة للمعهد واللي يأسسك صح هو معهد اللغة التابع لجامعة سان ديجو الحكومية، انا تخرجت منه والله يكرفووووون ويعلمونك تعليم قوي يناسب للطلاب الذين يودون اكمال دراساتهم العليا.


في جامعة كولومبيا في نيويورك
انا كنت عايش في نيويورك، ما انصحك فيها لانها غالية غالية غالية جداً وحتى لوسكنتي في الضواحي.سكني كان في برونكس وكنت ادفع للعائلة 1200 دولار وش بقي من المكافئة؟؟؟؟؟

ايضاً سكان نيو يورك ليسوا حبوبين

والا جامعة كولومبيا من افضل الجامعات في أمريكا
بالنسبة للعرب ضايعين في نيويورك

وجامعة كاليفورنيا في لوس انجليس (جامعة كاليفورنيا)
لوس انجلس، هذي اسميها ديرة السعوديين، عدد السعوديين كثير جداً سواء طلاب او سياح او مرضى شفاهم الله
الجامعة ايضاً قوية ومعروفة
والمعيشة في لوس انجلس فيها الرخيص وفيها الغالي، على المنطقة اللي بتسكنين فيها.

وجامعة ميشيغان في آن اربور
لا اعلم عنها شيء

جامعة ستانفورد
هالجامعة لا يختلف عليها اثنين، من التوب 20 في امريكا

وجامعة بريستون وجامعة كلارمونت وهذه كلها ب ولاية كاليفورنيا
لا اعلم عنهما اي شيء

مدري اروح لولاية ادرس فيها اللغه والماستر والدكتوراه ولا ادرس اللغه بمكان والماستر والدكتوره بمكان
والله هذا شيء راجع لك يا اختي....

لكن من خبرة ترى النقل من ولاية الى ولاية او من مدينة الى مدينة صعب شوي وفيه بهدله خصوصاً اخوك صغير في السن فالافضل والامر عائد اليك ان تبحثي عن جامعة تدرسين فيها اللغة والجامعة.


معليش تعبتكم بس تحملوني بليز

اول شي العرب في كل مكان وبالعكس ترا فايدتهم بالغربه اكثر من مضرتهم يعني لاتسمعين كلام النت ان فيهم كذا وكذا ومن هالخرابيط بالعكس اذا احتجتيهم تلقينهم مهما كنتي
حنا شباب واللي نبيه نجيبه ونقدر نتكل على انفسنا ومع ذلك مرات نحتاج اي احد بالاخص اول مانجي ومع ذلك مايقصرون ( الناس للناس والكل بالله )

ابعدي عن ولاية متشيغان << مدينة المليون عربي وغير امنه

في معهد اسمه AEC معهد اكاديمي قوي وتابع لجامعة سياتل باسفيك في مدينة سياتل مدينه روعه وآمنه ومن افضل مدن امريكا
وله فرع ثاني تابع لجامعة مونتانا في ولاية مونتانا في مدينة بوزمن مدينة ايضا روعه ومافيها ضرائب بس مشكلتها بارده شوي بس حلوه جدا

جزاك الله خير راح احطها بالقائمة

وعندك ايضا مدينة واشنطن دي سي العاصمه حلوه المدينة جدا وآمنه وفيها محلات واكل عربي جدا رائع وفيها كذا معهد مثل معهد انوفا ومعهد تابع لجامعة جورج واشنطن من اقوى جامعات امريكا
وقريبه من الملحقيه او السفاره

جزاك الله خير وضعت امامي خيار آخر

اهم سي احرصي على المعاهد الاكاديميه التابعه للجامعات افضل من التجاريه

وماعندك اي مشكله اول شهرين بتجين كل شي تتلفتين فيه وكل شي تسئلين عنه ههههههه
لانه اول شهرين بصراحه ( تجربتي وتجربة ناس كثيره ) نشوف امور السكن والاكل ونرتب امور المواصلات ونتعلم المنطقه اللي احنا فيها والامور اللي مثل كذا
وبعدها اذا عرفتي وش انتي عليه تختارين احسن ولاية تبينها واحلى جامعه وتحولين لها

الله يسرها ويجزاك كل خير على التوضيح

بالتووفيق لك اختي وللجميع ان شاءالله