هام جـدا .. أبي خدمتكـم في قبول الجامعة بعد ما أنسرقت بـ 2350 ريال

بسم الله الرحمن الرحيم

السلام عليكم ورحمة الله وبركاته ,,

موضوعي يا شباب باين من العنوان , أنا أنهيت دراستي الجامعية وتوظفت ولله الحمد بشهادتي بكالوريوس نظم معلومات إدارية , ولكن حبيت أني أطلع بعثة و كنت مأمل كثير لدرجة أني أخذت إجازة بدون راتب من الدوام تبدأ في أكتوبر , و بديت أشرع في طلب قبول للجامعة لدرجة الماجستير , و قدمت على مكتب و طلب مني 1400 ريال و لكن للأسف ما جاب لي موافقة وراحت علي فلوسي و راحت شهرين من الأنتظار , علما أن معدلي جيد ( 2.76 من 5 ) .
ورحت لمكتب ثاني و طلب مني 950 ريال و ماضمن لي جلب موافقة نهائية , و صار مثل الأول .. راحت فلوسي ولكن كان أرحم من الأول لأني أنتظرته شهر تقريبا .
مع العلم أن عندي قبول من معهد els في سياتل اللي اتمنى أني أكمل دراستي فيها إن توفرت الظروف و إلا أي ولاية .. لذلك أتمنى من الجميع أنهم يخدموني بقبول مو شرط يكون في سياتل .
شاكر لكم تعاونـكم .. وللمراسلة عبر البريد الخاص في المنتدى .
و كل يوم تتقدمون فيه تراه يخدمني كثير ..

اول شي اخوي الكريم مافي مكتب يعتمد قبول ماستر باي دوله

ثاني شي معدلك ما يسمح انك تكمل الا اذا قبلك دكتور

يعني شف لك دكتور بجامعه وراسله ع الايميل اضمن لك من المكاتب اذا قالك خلص اللغه وتعال توكل ع الله

الله يوفقك

يعطيك العافية على ردك وتجاوبك السريع من وقت إنزال الموضوع .
طيب اخوي اذا تقدر تشوف لي دكتور لاني ما اعرف احد بامريكا واللغه عندي ضعيفه
وهل اذا جاني قبول بامريكا بولايه والمعهد بولايه اقدر انظم للبعثه
انا سألت قالو انت جب قبول معهد وجامعه وتنظم اول ما تروح هناك , لذلك ابي قبول في جامعة معترف فيها من وزارة التعليم العالي , بحيث اني اقدر انضم للبعثة

والله يا اخوووك انا بكندا

لو با امريكا ابشر . شف طلاب امريكا ادرى بالدوله وان شالله تتسهل امورك


الله يوفقك

ليش ما تراسل الجامعه نفسها ؟؟

اللغه عندي مش ولا بد
وانا بصراحه بدى يضيق صدري بديت اشتغل على التقديم لي اكثر من 4 شهور والى الحين زي ما يقولون تيتي تيتي زي ما رحتي زي ما جيتي والمشكله ان اجازتي رفعت ولا جت الا بعد حب خشوم
نصحوني الشباب اني اكتب بهذا المنتدى وان شاء الله الشباب مب مقصرين

اقتباس:

---

المشاركة الأصلية كتبت بواسطة مشاري بن عبدالعزيز

اللغه عندي مش ولا بد
وانا بصراحه بدى يضيق صدري بديت اشتغل على التقديم لي اكثر من 4 شهور والى الحين زي ما يقولون تيتي تيتي زي ما رحتي زي ما جيتي والمشكله ان اجازتي رفعت ولا جت الا بعد حب خشوم
نصحوني الشباب اني اكتب بهذا المنتدى وان شاء الله الشباب مب مقصرين

---

غريب معقوله ياغالي تروح افلوسك وتسكت عيني عينك ايش مافيه سند وصل او انت اهديتهم الفلوس !!

بالاتفاقيه مع المكتب يقولك اذا معدلك اقل من 3 ونص ما نضمن القبول
لكن بالكلام معهم يقولك الامور سهله والقبول ان شا الله جاي جاي
وبعد كذا يعلقك بحيث انه يخليك زي اللي ينتظر حرمته بتولد
كل يوم اكلمهم بشر وش صار يرد علي ان شاء الله بكرى الرد جاي ومثل
وبالاخير يروح شهرين ويقولك للاسف جاك رفض
واذا جيت تطالب بالفلوس قالك اننا موقعين معك باننا نخلي المسؤليه اذا معدلك منخفض
واذا حاجيته انك قايل لك شفوي قال ما اذكر ومستحيل اننا نقول شي غير اللي بالعقد

لكن يا شباب اللي يقدر يفيدني ويضبط لي قبول اكون له شاكر

يالغالي ممكن اخدمك

اذا تبي قبول جامعه ومعهد ادارة اعمال يجيك القبول خلال عشر ايام

راسلني على الخاص

اخوي وش اسم المكتب اللي تعاملت معاهم واسم الجامعة اللي وعدوك فيها كل المكتبين ؟؟
لاني معدلك نفس معدلي بالضبط 2.76/5 اتمنى ترسلي اسم المكاتب حتى اخذ حذري منهم

وبعدين المفروض ترجع فلوسك غصب عليهم دامهم ماجابو قبول


لان المكتب اللي وعدوني قالو معدلي سيء ولكن فيه جامعتين وذكروها لي وضمنو لي القبول بالجامعة والمعهد بس أجيب اوراقي كاملة وافكر اجيهم بكرة بعد اكتمال الاوراق وبياخذون علي 1250 فقط شاملة المراسلات + حجز موعد السفارة + رسوم المكتب نفسه + تنسيق سكن عائلة واستقبال مطار ,,

بانتظار ردك ولو على الخاص ,,