عرض للطباعة
السلام عليكم ورحمة الله وبركاته
اخواني واخواتي طلاب امريكا الله يوفقكم ان شاءالله وترجعون لارض الوطن سالمين ورافعين رؤوس اهلكم
انا عندي استفسار قبل لا يفوت الفوت
انا قدمت اوراقي عن طريق مكتب ايجيك الي في الرياض على طريق العليا العام
يقول راح اجيب لك قبول في اوهايو جامعة سنسيناتي في معهد ELS
وش رايكم في هالمعهد هل هو كويس اولا؟ واذا كان مو كويس وش تنصحوني باي معهد؟
(ابي رد سريع قبل لاتروح اوراقي)
وشكرا
وييين الناس
تكفووون ابي رد في اسرع وقت
اتمنى لك التوفيق ................
معاهد els تجارية
تعتمد على الطالب بشكل كبير ((يعني لازم انت تشتغل على نفسك بشكل كبير))
ميزتها انها ارخص من غيرها . واذا شديت حيلك ممكن تخلص اللغة في فترة بسيطة لان عندهم 12 مستوى والمستوى الواحد مدته شهر واحد فقط .
يعني لو تبدأ من الصفر تخلص في سنة واحدة فقط .
ايضاً من اهم ميزاته انه كثير من الجامعات تقبل شهادة معهد els وتنقبل في الجامعة بدون توفل . اما معاهد الجامعات تنقبل في نفس الجامعة التابع لها فقط .
الجامعات تطلب المستوى 9 فقط من els لقبول البكالريوس اما الماجستير مستوى 12 .
التدريس في معاهد els سيء نوعاً ما (مثل اغلب معاهد اللغة وماحد راضي عن معهده) لكن مثل ماقلتلك لازم انت تشتغل على نفسك .
معهد els في سينسناتي ما اعرف عنه كثير . هو داخل الجامعة صح لكنه ماهو تابع لها . هو معهد تجاري وفروعه كثيرة في امريكا .
وهذة سياسة منهم انهم يكونوا داخل الجامعات عشان طلابهم يختلطوا اكثر بطلاب الجامعات .
بصراحة انا اعتبره خيار جيد برغم عيوبه . على الاقل يفتح لك مجال القبول في كثير من الجامعات ولا يقيدك بجامعة معينة .
بالتوفيق ان شاء الله
معاهد تعتمد على الربح المادي انصحك بالابتعاد عنها
والاتجاه الى المعاهد التابعة للجامعات افضل بمليون مره
تحياتي
أنا ادرس في هالمعهد حاليا ... والي فهمته انه موقفين قبول السعوديين الى سبتمبر تقريبا ... عموما المعهد لا بأس به والمدينة كمان مقبولة ... جرب اطلب معهد كابلان لاني سمعت انه قوي رغم اني مقتنع ان المعاهد ما تفرق عن بعض كثير واللغة تعتمد اولا واخيرا على الطالب نفسه
البندقيه شكرا لك والله يوفقنا وياك
عازف الليل شكرا لك من القلب صراحه انا كلمت المكتب وقلت لهم اذا تقدرون تجيبون لي قبول في معهد alp في كلمبوس اتوقع ان هالمعهد ممتاز
علما اني بدرس على حسابي الخاص
اخوي بندر شاكر لك مرورك والي اعرفه ان els تبع جامعة سينسيناتي
اخوي soul food اذاا ممكن نتواصل على الايميل لاني صراحه ودي اعرف اكثر عن هالمعهد وعن المدينه(ياليت ترسل لي ايميلك ع الخاص) وشكرا
اخوي ما ادري اذا وصل قبولك او لا
بس نصيحة مني ابحث لك عن معهد اكاديمي ..يؤهلك اكثر للدراسة في الجامعة اما معهد ELS فانا أقولك ان المعهد سئ بصراحة وانا طالبة فيه حاليا وما أنصحك تجي خاصة ان المعهد كله سعوديين تقريبا خاصة المستويات الاولى
ابحث عن معهد تابع للجامعه نفسها
معهد ELS
الدراسه فيه متعبه من ٩ حتى ٤ و على غير سنع.
معهد الجامعه يضمن لك القبول في نفس الجامعه
دور جامعه معترف فيها حتى لو كنت على حسابك الخاص،، لانك انشاء الله راح تلتحق في البعثه راح يطلبوا منك تغير المعهد اذا كان غير معتمد.
و بالتوفيق
مافيه الا ذم في هالمعاهد الله يستر
بعدين من اللي قال ان المعهد مايضمن قبول بعد الله انا سمعت واجد انه يجيب لك قبولات وش السالفه